Ako ʻo e Tokāteliné
Mate, Fakatuʻasino
Ko e mate fakatuʻasinó ko e mavahe ia ʻa e laumālié mei he sino fakamatelié. Ne ʻomi ʻe he Hinga ʻa ʻĀtamá ʻa e mate fakatuʻasinó ki he māmaní (vakai, Mōsese 6:48). Tuʻunga ʻi he Fakalelei mo e Toetuʻu ʻa Sīsū Kalaisí, ʻe toetuʻu pea ʻe huhuʻi ʻa e faʻahinga kotoa pē ʻo e tangatá mei he mate fakatuʻasinó.
Vakai Fakalūkufuá
Ko e mate fakatuʻasinó ko e mavahe ia ʻa e laumālié mei he sino fakamatelié. Ne ʻomi ʻe he Hinga ʻa ʻĀtamá ʻa e mate fakatuʻasinó ki he māmaní (vakai, Mōsese 6:48). Tuʻunga ʻi he Fakalelei mo e Toetuʻu ʻa Sīsū Kalaisí, ʻe toetuʻu pea ʻe huhuʻi ʻa e faʻahinga kotoa pē ʻo e tangatá mei he mate fakatuʻasinó.
Ko e maté ko ha konga mahuʻinga ia ʻo e palani ʻo e fakamoʻui ʻa e Tamai Hēvaní (vakai, 2 Nīfai 9:6). Kuo pau ke tau foua ʻa e maté mo maʻu ha sino haohaoa kuo toetuʻu ʻamui, kae lava ke tau hoko ʻo tatau mo ʻetau Tamai Taʻengatá.
Ko e taimi ʻoku mate ai ʻa e sino fakamatelié, ʻoku kei hoko atu pē ʻa e moʻui ʻa e laumālié. ʻI he maama tataliʻanga ʻo e ngaahi laumālié, ko e ngaahi laumālie ʻoku māʻoniʻoní “ʻe tali ʻa kinautolu ki ha potu ʻo e fiefia, ʻa ia ʻoku ui ko palataisi, ko ha potu ʻo e mālōlō, ko ha potu ʻo e melino, ʻa ia te nau mālōlō ai mei heʻenau ngaahi faingataʻaʻia kotoa pē mo e hohaʻa kotoa pē mo e mamahi” ( ʻAlamā 40:12). Ko ha feituʻu ʻoku ui ko e fale fakapōpula ʻo e ngaahi laumālié, ʻoku fakatatali ia “kiate kinautolu kuo nau mate ʻi heʻenau ngaahi angahalá, teʻeki te nau ʻilo ki he moʻoní, pe ko ʻenau maumau-fonó, ʻo nau fakafisinga ʻa e kau palōfitá” (Tokāteline mo e Ngaahi Fuakava 138:32). Ko e ngaahi laumālie ʻi he fale fakapōpulá ʻoku “akoʻi kiate kinautolu ní ʻa e tui ki he ʻOtuá, fakatomala mei he angahalá, papitaiso fakafofonga ki he fakamolemole ʻo e ngaahi angahalá, pea mo e maʻu ʻo e meʻa-foaki ʻo e Laumālie Māʻoniʻoní ʻi he hilifaki ʻo e nimá, pea mo e ngaahi tefitoʻi moʻoni kehe kotoa pē ʻo e ongoongoleleí, ʻa ia naʻe ʻaonga ke nau ʻilo ki ai” (Tokāteline mo e Ngaahi Fuakava 138:33–34). Kapau te nau tali ʻa e ngaahi tefitoʻi moʻoni ʻo e ongoongoleleí, fakatomala mei heʻenau ngaahi angahalá, pea tali e ngaahi ouau ne fakahoko maʻanautolu ʻi he ngaahi temipalé, ʻe talitali lelei kinautolu ki palataisi.
Tuʻunga ʻi he Fakalelei mo e Toetuʻu ʻa Sīsū Kalaisí, ʻoku fakataimi pē ʻa e mate fakatuʻasinó: “He ʻoku hangē ʻoku mate kotoa pē ʻia ʻĀtamá, ʻe pehē foki e moʻui kotoa pē ʻia Kalaisí” (1 Kolinitō 15:22). ʻE toetuʻu ʻa e tokotaha kotoa pē, ʻoku ʻuhinga ia ʻe toe fakatahaʻi ʻa e laumālie ʻo e tokotaha kotoa pē mo hono sinó—“ʻe fakafoki ʻa e ngaahi meʻa kotoa pē ki honau angatotonu mo haohaoá” pea he ʻikai ke toe moʻulaloa ki he maté ( ʻAlamā 40:23; vakai foki ʻAlamā 11:44–45).
Lekooti e Ngaahi Ongo ʻOkú ke Maʻú
Ngaahi Tefito Fekauʻakí
-
Easter (Toetuʻú)
-
Immortality (Moʻui Taʻe-Faʻa-Maté)
-
Paradise (Palataisi)
Nfaahi Folofolá
Ngaahi Fakamoʻoni Fakafolofolá
Ngaahi Maʻuʻanga Tokoni Ako Folofolá
-
Fakahinohino ki he Ngaahi Folofolá, “Mate Fakasinó”
Ngaahi Pōpoaki mei he Kau Taki ʻo e Siasí
Ngaahi Pōpoaki Lahi Angé
Ngaahi Vitioó
“Toetuʻu ʻa Sīsū”
“Ko e Toetuʻu ʻa Sīsū Kalaisí”
Ngaahi Maʻuʻanga Tokoni Fakaakó.
Ngaahi Maʻuʻanga Tokoni Fakalūkufuá
“Ko e Ngaahi Fāmilí mo e Siasí ʻi he Palani ʻa e ʻOtuá,” Tohi Tuʻutuʻuni Fika 2, 1
Ngaahi Makasini ʻa e Siasí
“Ko e Hā ʻOku Hoko ʻi he Hili ʻEtau Maté?” Liahona, Māʻasi 2013
Robert L. Millet, “The Man Adam,” Liahona, February 1998
Ngaahi Tohi Lēsoni Akó
Ngaahi Akonaki ʻa e Kau Palesiteni ʻo e Siasí
Ngaahi Talanoá
Ngaahi Maʻuʻanga Tokoni Ki Hono Akoʻí
Mītiá