Laipelí
Ongomātuʻa Fakalangí
laʻā ʻoku ulo hifo ʻi he ʻuluʻakaú

Ako ʻo e Tokāteliné

Ongomātuʻa Fakalangí

Vakai Fakalūkufuá

Ko e faʻahinga kotoa pē ʻo e tangatá ko e fānau fakalaumālie ʻofeina kinautolu ʻo ha ongomātuʻa fakalangi (vakai, “Ko e Fāmilí Ko ha Fanongonongo ki Māmani”). ʻOku tau takitaha maʻu ha tuʻunga malava fakalangi koeʻuhí ko ʻetau ongomātuʻa fakalangí. ʻOku fakamatalaʻi ʻe he tupuʻanga fakalangi ko ʻení ʻa hotau tuʻunga totonú.

Naʻa tau ako ʻi heʻetau moʻui he maama fakalaumālié ki he palani ʻo e fakamoʻuí, ʻa ia ʻoku ʻomi ai e founga ke maʻu e moʻui taʻengatá, ʻa e moʻui ʻa ʻetau ongomātuʻa fakalangí. Ko e taumuʻa ʻo ʻetau moʻuí, kau ai ʻa e moʻui fakamatelié, ke teuteuʻi kitautolu ke maʻu ʻa e meʻaʻofa nāunauʻiá ni.

ʻOku siʻi e meʻa kuo fakahā mai fekauʻaki mo ʻetau faʻē fakalangí ʻo ʻikai toe ope atu ʻi he ʻilo ko ia ʻokú ne ʻi ai (vakai, “Mother in Heaven”). Neongo ʻoku ʻikai ke tau hū kiate ia, ka ʻoku tau fakaʻapaʻapaʻi ia ko ha mātuʻa fakalangi. ʻI he muimui ki he sīpinga ʻa e Fakamoʻuí, ʻoku tau lotu pē ki heʻetau Tamai Hēvaní (vakai, Mātiu 6:9; 3 Nīfai 18:19; Tokāteline mo e Ngaahi Fuakava 20:19). ʻOku tau maʻu ha fakahinohino mo e tataki mei he Tamai Hēvaní mo Hono ʻAló ʻo fakafou ʻi he Laumālie Māʻoniʻoní.

ʻOku tau feinga ʻi he moʻuí ni ke fakatupulaki ʻa e ngaahi ʻulungaanga faka-ʻOtua ʻoku maʻu ʻe heʻetau ongomātuʻa fakalangí. ʻOku fakafōtunga ʻa e ngaahi ʻulungaanga ko ʻení ʻi he moʻui ʻa Sīsū Kalaisí.

Lekooti e Ngaahi Ongo ʻOkú ke Maʻú

Ngaahi Tefito Fekauʻakí

Ngaahi Pōpoaki mei he Kau Taki ʻo e Siasí

Mītiá

Hivá