17
Jun winq nebʼaʼ aj numel bʼe
Rikʼin tuqtuukilal
1. Jun winq nebʼaʼ aj numel bʼe
Ninkʼul chi bʼeek chi kokʼ aj saʼ
Naq chi tuulan jun tzʼaam naxkʼe,
Maamin naru ninye inkʼaʼ.
Inkʼaʼ xinru chixpatzʼbʼal re
Ani xkʼabʼaʼ, ut bʼar lix bʼe;
Saʼ rilobʼaal bʼan wan kʼaʼru
Xinra, inkʼaʼ xinnaw chan ru.
2. Saʼ jun kutan naq kʼuubʼanbʼil
Lin chʼina wa, aʼan kiʼok.
Kamk re rikʼin tzʼokak kiwil—
Kinkʼe choqʼ re—kixchap, xtijok,
Ut kiwaʼak, aʼut kixkʼe
Xtzʼaqobʼ li jun jachal choqʼ we,
Ut naq kinyal, xsahil xweekʼa,
Ut kiʼ saʼ we, chanchan mana.
3. Chire jun haʼ saʼ xyoʼlebʼaal
Aran kiwil, chaqik li re,
Maakʼaʼ xmetzʼew chik re rukʼbʼal;
Xnumik li haʼ kiʼeetzʼunk re.
Xkohin saʼ anil re li qawaʼ,
Ox sut saʼ insekʼ kirukʼ li haʼ,
Ut chi bʼutʼbʼil insekʼ kixkʼe—
Maajun wa chik xchaqik li we.
4. Saʼ jun qʼojyin naq kaw li habʼ,
Kʼaʼjoʼ xkehil li iqʼ chi yaal,
Xwabʼi xyaabʼ xkux chirix li kabʼl
Ut kiwoksi saʼ muhebʼaal.
Xinloch li xam, li raqʼ xinkʼe,
Xinkawresi lin chʼaat choqʼ re;
Chi chʼochʼ xinwar laaʼin aran,
Ut saʼ lin matkʼ Eden kinwan.
5. Yokʼbʼil kintaw chire li bʼe,
Tenel chaq xbʼaan laj elqʼ aran.
Maqʼbʼil li raqʼ ut kamk raj re;
Kinwaklesi, kinkʼe lix bʼan,
Toj kikʼira, kinkʼe xtenqʼaal.
Kiwan ajwiʼ inyokʼolal;
Aʼbʼan xrahil inkʼaʼ xweekʼa—
Lin yotʼbʼil chʼool tuqtu xkana.
6. Moqon chik saʼ tzʼalam kiwil—
Tento li kamk saʼ xbʼeen, keʼxye.
Kinchʼanabʼebʼ laj hobʼonel;
Chiru li eetzʼunk, xloqʼal kinkʼe.
Re xyalbʼal wix, kixpatzʼ ut we
Ma wank inchʼool chi kamk choqʼ re.
Kisach inchʼool, xnumta lin xiw,
Aʼbʼan kinye naq tinbʼaanu.
7. Ut saʼ junpaat aran kiwil
Ani tzʼaqal laj numel bʼe;
Kiwil saʼ ruqʼ li eetalil.
Xaqxo chiwu laj Kolol we.
Kiril saʼ wu, kixye Aʼan:
“Inkʼaʼ xatxutaanak inbʼaan.
Laa bʼaanuhom xtaaqenk aawe—
Miwan aaxiw; xabʼaanu we.”
Raatinul: James Montgomery, 1771–1854
Xyaabʼal: George Coles, 1792–1858, chi yiibʼanbʼil ru Kibʼichaman naq ok re chi kamsiik li Profeet aj Jose Smith. Chiʼilmanq History of the Church (Resilal li Iglees), 6:614–15.