13
Kawil Dios re tiikilal
Rikʼin nimajwalil
1. Kawil Dios re tiikilal,
Kʼam qabʼe saʼ laa paabʼaal,
Ut rikʼin laa santil xam
Re kʼanjel chayiibʼ li qaam.
2. Dios re yaal, at Dios chaabʼil,
Choohaakʼul saʼ qasaajil,
Kʼam qabʼe chi junelik
Saʼ kʼanjel maakʼaʼ xraqik.
3. Raabʼil Dios, at aj uxtaan,
Laa Musiqʼ chik anajwan
Choxtenqʼa, choxtzol rajlal,
Joʼ laa moos saʼ santilal.
Raatinul: Wallace F. Bennett, 1898–1993. © 1948 IRI
Xyaabʼal: Tracy Y. Cannon, 1879–1961. © 1948 IRI