71
Hilan at waam
Rikʼin tuqtuukilal
1. Hilan at waam, li Dios wan aawochbʼeen.
Rikʼin kuyuk, numsi laa chʼaʼajkilal.
Kanabʼ saʼ ruqʼ li Dios ilok saʼ aabʼeen.
Chiru jaleʼk, aawochbʼeenaq rajlal.
Hilan at waam, Aʼan tixkʼam aabʼe—
Chirix raaxiikʼ, toj saʼ sahilal tatxkʼe.
2. Hilan at waam, li Dios tixkʼe xbʼehil
Li toj taachalq, joʼ wiʼ li ak xkʼulman.
Laa yoʼonihom miwan chik chi chiqʼbʼil.
Li toj muqmu taakʼutmanq saʼ kutan.
Hilan at waam, li iqʼ chiru palaw
Xyaabʼ xkux laj taqlanel chi yaal naxnaw.
3. Hilan at waam, xnachʼok chaq lix hoonal
Li wank rikʼin li Dios chi junelik.
Naq taaʼosoʼq li xiw ut li rahilal;
Anchal xsahil rahok taawanq wiʼchik.
Hilan at waam, naq numenaq li ra,
Saʼ chaabʼilal taqil qibʼ saʼ choxa.
Raatinul: Katharina von Schlegel, y. 1697
Xyaabʼal: Jean Sibelius, 1865–1957. © 1900 xbʼaan Breitkopf and Härtel.
Lix kʼuubʼankil ©1933 xbʼaan Presbyterian Board of Christian Education; akʼobʼresinbʼil 1961; isinbʼil chaq saʼ The hymnal. Oksinbʼil chi kʼeebʼil liceens xbʼaan The Westminster Press, Philadelphia, PA, EUA. Inkʼaʼ naru risinkil reetalil chi inkʼaʼ kʼeebʼil liceens chi tzʼiibʼanbʼil xbʼaan laj eechal re.