45
Kawil kʼojlebʼaal
Rikʼin tiikil kʼaʼuxlej
1. Kawil kʼojlebʼaal, ex santil paabʼanel,
Xkʼeeman naq xepaabʼ li raatin paabʼajel.
Kʼaʼru chik tixye? Ak kixye chi tzʼaqal
Naq chiru li Kristo, naq chiru li Kristo,
naq chiru li Kristo xesikʼ eekolbʼal.
2. Us ta saʼ yajel malaj saʼ kawilal,
Bʼar wan nebʼaʼil, ut saʼ xyi bʼihomal,
Chi nachʼ ut chi najt, saʼ li chʼochʼ, saʼ palaw,
Joʼ taaʼajmanq aawe, joʼ taaʼajmanq aawe,
joʼ taaʼajmanq aawe, aatenqʼaal toj taataw.
3. Wankin aawikʼin; matxuwak saʼ laa chʼool.
AaDiosin laaʼin; tatintenqʼa rajlal.
Tinkʼe aametzʼew, ut xaqxo tateʼril
Chi waklesinbʼil xbʼaan, chi waklesinbʼil xbʼaan,
chi waklesinbʼil xbʼaan li wuqʼ kaw xwankil.
4. Wi tatintaqla saʼ xchamal li palaw,
Inkʼaʼ taabʼutʼunq li rahilal toxaataw;
Tinwanq aawochbʼeen, ut saʼ xyi chʼaʼajkilal
Tinkʼe santilal re, tinkʼe santilal re,
tinkʼe santilal re xchamal laa rahilal.
5. Naq saʼ xyi xxamlel yaleʼk-ix wan laa bʼe,
Tzʼaqal junelik li wuxtaan choqʼ aawe.
Maaxuwa li xam, lix kʼanjel toj taawil—
Re xsachbʼal li tzʼaj, ut re xsachbʼal li tzʼaj, ut
re xsachbʼal li tzʼaj, ut xkolbʼal li chaabʼil.
6. Toj saʼ tiixilal, ebʼ li we toj teʼxyal
Xnimal lin rahom, maajoʼqʼe wan xjalbʼal;
Ut naq lix jolom teʼsaqoʼq li rismal,
Chanchan li karneer, toj chanchan li karneer, toj
chanchan li karneer, toj yooqin chixkʼambʼal.
7. Ani rubʼel roq li Jesus xsikʼ xhiilal
Maamin tinkanabʼ li maaʼus chixsachbʼal.
Naq re raj xtʼanbʼal li xbʼalbʼa tixxaqabʼ,
Xjunes maajoʼqʼe bʼan, xjunes maajoʼqʼe bʼan,
xjunes maajoʼqʼe, maajoʼqʼe tinkanabʼ.
Raatinul: Kʼoxlanbʼil naq xbʼaan laj Robert Keen, maare 1787.
Xyaabʼal: Kʼoxlanbʼil naq xbʼaan laj J. Ellis, maare 1889