រៀន—ម៉ោងជាអតិបរមា ៖ ៤៥ នាទី
ការពិភាក្សាសម្រាប់ថ្ងៃនេះ ៖
៤ សន្សំប្រាក់ ហើយវិនិយោគសម្រាប់អនាគត
ផែនទីស្ដីពីភាពជោគជ័យនៃការគ្រប់គ្រងហិរញ្ញវត្ថុ
-
អាន ៖នៅពេលមនុស្សទូទៅស្ដាប់ឮពាក្យការវិនិយោគពួកគេអាចនឹងគិតពីកន្លែងធ្វើពាណិជ្ជកម្មដែលមានមនុស្សអ៊ូអរកំពុងលក់ភាគហ៊ុន និងមូលបត្របំណុល ។ កាលដែលរឿងនោះអាចជាផ្នែកមួយនៃការវិនិយោគនោះការវិនិយោគក៏ជាសកម្មភាពនៃការដាក់ពេលវេលា កិច្ចខិតខំ ឬប្រាក់ចូលទៅអ្វីមួយ ហើយរំពឹងថានឹងបានប្រាក់ចំណេញមួយចំនួនមកវិញផងដែរ ។ នៅក្នុងន័យនេះ ការវិនិយោគគឺជាធាតុមួយនៃភាពខ្លួនទីពឹងខ្លួន ។
នៅក្នុងជំពូកនេះ អ្នកនឹងស្វែងយល់អំពីវិធីបីយ៉ាងដើម្បីវិនិយោគ ៖
-
សន្សំប្រាក់
-
ពិចារណាក្នុងការមានផ្ទះមួយ
-
ស្វែងរកការអប់រំ
-
១. សន្សំប្រាក់
-
ពិចារណា ៖សូមចំណាយពេលពីរនាទីគិតអំពីសំណួរដូចតទៅនេះ ហើយសរសេរគំនិតរបស់អ្នក ៖ តើខ្ញុំចង់សន្សំប្រាក់សម្រាប់ធ្វើអ្វីច្រើនជាងគេ ?
-
អាន ៖វិធីដ៏ងាយបំផុតមួយដើម្បីវិនិយោគគឺការសន្សំប្រាក់ ។ អ្នកកំពុងខិតខំដើម្បីបង្កើតមូលនិធិមួយសម្រាប់ភាពអាសន្ន ដោយចាប់ផ្ដើមនឹងថ្លៃចំណាយមួយខែ រួចហើយបង្កើនវាឲ្យមានតម្លៃចំណាយស្មើពីបីខែទៅប្រាំមួយខែ ។ សូមនឹកស្រមៃពីលទ្ធភាពនានា ប្រសិនបើអ្នកបន្តសន្សំប្រាក់ សូម្បីតែនៅក្រោយពេលអ្នកបានបង្កើតមូលនិធិសម្រាប់អាសន្នដ៏រឹងមាំមួយក្ដី ។
អែលឌើរ អិល ថម ភែរី បានបង្រៀនថា « បង់ប្រាក់ឲ្យខ្លួនឯងនូវចំនួនដែលបានកំណត់ទុកជាមុនមួយចូលទៅក្នុងការសន្សំប្រាក់ ។ … ខ្ញុំមានការភ្ញាក់ផ្អើលណាស់ ដោយឃើញមនុស្សជាច្រើនបានខិតខំធ្វើការពេញមួយជីវិតរបស់ខ្លួនសម្រាប់តែហាងលក់គ្រឿងទេស ម្ចាស់ផ្ទះជួល ឲ្យក្រុមហ៊ុនថាមពល អ្នកលក់រថយន្ត និងធនាគារ ប៉ុន្តែបានគិតតិចតួចណាស់ចំពោះកិច្ចខិតខំរបស់ខ្លួនដែលមិនបានសល់អ្វីសោះសម្រាប់ខ្លួនឯង » ( « Becoming Self-Reliant » Ensign ខែ វិច្ឆិកា ឆ្នាំ១៩៩១ ទំព័រ ៦៦ )
ដូចដែលបានបង្ហាញពីខាងដើមជាមួយនឹងឧទាហរណ៍អំពីដបកែវ វាគឺជារឿងដ៏សំខាន់ដើម្បី « បង់ប្រាក់ឲ្យខ្លួនឯង » ជាមុនសិន ដោយការសន្សំប្រាក់ ។ ការណ៍នេះនឹងជួយអ្នកស្ថាបនាសុវត្ថិភាពផ្នែកហិរញ្ញវត្ថុ ។
-
ពិភាក្សា ៖សូមចំណាយពេលមួយនាទីពិនិត្យមើលឧទាហរណ៍អំពីដបកែវឡើងវិញ ។ តើឧទាហរណ៍នេះមានអត្ថន័យបំផុតចំពោះអ្នកដូចម្តេច? តើអ្នកនឹងបង្ហាញសេចក្ដីជំនឿរបស់អ្នកដោយការប្រកាន់យកភាពខ្លួនទីពឹងខ្លួនតាមរបៀបណា ?
២. ពិចារណាក្នុងការមានផ្ទះមួយ
-
អាន ៖ការទិញផ្ទះមួយអាចជាវិធីមួយទៀតដើម្បីវិនិយោគ ។ ការទិញផ្ទះពុំមែនសម្រាប់មនុស្សគ្រប់គ្នានោះទេ ហើយជារឿយៗការជួលផ្ទះអាចជាជម្រើសមួយល្អជាង ។
-
អាន ៖ចំពោះអ្នកដែលពិចារណាពី ការមានផ្ទះ សូមចងចាំពីគោលការណ៍ទាំងពីរនេះ ៖
-
ទិញផ្ទះមួយសម្រាប់តែពេល និងកន្លែងដែលត្រឹមត្រូវចំពោះអ្នកប៉ុណ្ណោះ ។
-
ទិញតែអ្វីដែលអ្នកអាចមានលទ្ធភាពទិញដោយស្រួលចិត្តប៉ុណ្ណោះ ។
ឥឡូវនេះ ចូរយើងពិភាក្សាពី កត្តាមួយចំនួនដែលអាចជះឥទ្ធិពលដល់គោលការណ៍ទាំងនេះ ។
-
-
ពិភាក្សា ៖ហេតុអ្វីសំណួរទាំងនេះ មានសារៈសំខាន់ដើម្បីសួរដល់ខ្លួនឯងពីមុនទិញផ្ទះមួយ ?
-
អាន ៖មនុស្សភាគច្រើនទិញផ្ទះដោយប្រើឥណទានមួយប្រភេទដែលហៅថាឥណទានគេហដ្ឋាន ។ ឥណទានគេហដ្ឋាននេះគឺជាបំណុល ហើយវានឹងតម្រូវឲ្យអ្នកបង់ថ្លៃការប្រាក់ផងដែរ ។ អ្នកត្រូវបានរំពឹងទុកឲ្យបង់ប្រាក់ប្រចាំខែ ហើយបង់សងប្រាក់កញ្ចីនោះវិញ ។
សម្រាប់ស្ថេរភាពផ្នែកហិរញ្ញវត្ថុរយៈពេលវែង ការបង់ឥណទានគេហដ្ឋានប្រចាំខែរបស់អ្នកពុំគួរលើសពី ២៥ ភាគរយនៃប្រាក់ចំណូលប្រចាំខែរបស់អ្នកឡើយ ។ សូមប្រើប្រយោគនេះទុកជាការណែនាំមួយសម្រាប់អ្វីដែលអ្នកអាចមានលទ្ធភាពបង់ ជាជាងអ្វីដែលអ្នកផ្ដល់ឥណទានយល់ព្រមឲ្យអ្នកខ្ចី ។
-
ពិភាក្សា ៖តើការទិញផ្ទះមួយដែលអ្នកអាចមានលទ្ធភាពទិញដោយស្រួលចិត្តមានន័យយ៉ាងណាចំពោះអ្នក ?
-
អាន ៖សូមចាំថា មាននូវការចំណាយផ្សេងទៀតសម្រាប់ការមានផ្ទះមួយដែលលើសពីឥណទានគេហដ្ឋានទៅទៀត ។ នៅពេលអ្នកមានផ្ទះមួយ អ្នកមានការទទួលខុសត្រូវលើការថែទាំ ។ របស់របរបែកបាក់ ចាស់រិចរិល ហើយពេលខ្លះត្រូវការផ្លាស់ថ្មី ។ ពួកអ្នកផ្ដល់ការប្រឹក្សាយោបល់ផ្នែកហិរញ្ញវត្ថុចេញអនុសាសន៍ឲ្យសន្សំប្រាក់យ៉ាងហោចណាស់ ១ ភាគរយនៃតម្លៃផ្ទះរបស់អ្នករៀងរាល់ឆ្នាំសម្រាប់ការថែទាំ ។
ចេញឲ្យផុតពីបំណុលឥណទានគេហដ្ឋាន
-
អាន ៖ដូចដែលបានពន្យល់ពីដើមមក ឥណទានគេហដ្ឋានគឺជាប្រាក់កម្ចីមួយ—វាគឺជាបំណុល—ហើយវាតម្រូវឲ្យអ្នកបង់ថ្លៃការប្រាក់ ។ ដោយបញ្ជាក់ឡើងវិញនូវការបង្រៀនរបស់ប្រធាន ជេ រ៉ូប៊ីន ក្លាក នោះប្រធានអ៊ែសរ៉ា ថាហ្វ ប៊ែនសឹន បានមានប្រសាសន៍ថា « ចូរឲ្យមេគ្រួសារគ្រប់រូបមានបំណងចង់បានផ្ទះផ្ទាល់ខ្លួន ដោយចៀសផុតពីឥណទានគេហដ្ឋាន » ( « Prepare for the Days of Tribulation » Ensign ខែ វិច្ឆិកា ឆ្នាំ១៩៨០ ទំព័រ ៣៣ ) ។ ការបង់សងឥណទានគេហដ្ឋានមួយឲ្យបានលឿនអាចតម្រូវឲ្យមានការលះបង់មួយចំនួន ប៉ុន្តែកាលណាអ្នកបង់ផ្ដាច់វាកាន់តែលឿន នោះអ្នកអាចសន្សំប្រាក់បានកាន់តែច្រើនពីថ្លៃការប្រាក់ ។ មានវិធីពីរយ៉ាងដើម្បីបង់រំលោះឥណទានគេហដ្ឋានរបស់អ្នក ៖
-
បង់បន្ថែម
-
បង្កើតឥណទានរយៈពេលខ្លីមួយដែលមានអត្រាការប្រាក់ទាប
ការបង់ប្រាក់បន្ថែមទៅលើប្រាក់ដើមអាចជួយអ្នកសន្សំពីការបង់ប្រាក់ជាច្រើនឆ្នាំ និងការប្រាក់រាប់ម៉ឺនដុល្លារ ។ ឧទាហរណ៍ ប្រសិនបើអ្នកមានឥណទានគេហដ្ឋានមួយតម្លៃ ១៥០,០០០ បង់រំលោះរយៈពេល ៣០ ឆ្នាំ ក្នុងអត្រាការប្រាក់ ៤.៥ ភាគរយ នោះអ្នកនឹងត្រូវបង់ការប្រាក់ ១២៣,៦១០ សម្រាប់ការខ្ចីឥណទាននោះ ។ សូមមើលតារាងខាងក្រោមដើម្បីឃើញថាតើអ្នកអាចសន្សំពេលវេលា និងប្រាក់បានប៉ុនណា ដោយការបង់ប្រាក់ ១០០ ឬ២០០ បន្ថែមទៀតក្នុងមួយខែ ។
បន្ថែម ១០០ ក្នុងមួយខែ
បន្ថែម ២០០ ក្នុងមួយខែ
ពេលវេលាដែលបានសន្សំ
ជិត ៧ ឆ្នាំ
ជិត ១១ ឆ្នាំ
សន្សំប្រាក់បាន
២៩,៧១៥
៤៧,៤៦២
ជម្រើសមួយទៀតដើម្បីបង់សងឥណទានគេហដ្ឋានមួយឲ្យបានកាន់តែឆាប់រហ័ស គឺការទទួលប្រាក់ឥណទានគេហដ្ឋានមួយដែលមានរយៈពេលខ្លី ។ ជាធម្មតាឥណទានគេហដ្ឋានរយៈពេលខ្លីមានអត្រាការប្រាក់ទាប ។ ការបង់ប្រាក់ប្រចាំខែរបស់អ្នកគឺខ្ពស់ ប៉ុន្តែអ្នកនឹងសន្សំបានចំនួនឆ្នាំនៃ ការបង់ប្រាក់ និងការប្រាក់រាប់ពាន់ ។
ចូរយើងប្រៀបធៀបឥណទានគេហដ្ឋានដូចពីមុនដែរ ប៉ុន្តែលើកនេះវាជាប្រាក់កម្ចីរយៈពេល ១៥ឆ្នាំ ។ ឧទាហរណ៍ដើមគឺ ឥណទានគេហដ្ឋានតម្លៃ ១៥០,០០០ បង់រំលោះរយៈពេល ៣០ ឆ្នាំ ក្នុងអត្រាការប្រាក់ ៤.៥ ភាគរយ ។ ចូរយើងប្រៀបធៀបឥណទាននោះជាមួយនឹងឥណទានរយៈពេល ១៥ឆ្នាំ ដែលមានការប្រាក់ ៣.៥ ភាគរយ ។
ឥណទានគេហដ្ឋានរយៈពេល ៣០ឆ្នាំ
ឥណទានគេហដ្ឋានរយៈពេល ១៥ឆ្នាំ
អត្រាការប្រាក់
៤.៥%
៣.៥%
ការបង់ប្រាក់ប្រចាំខែ
៧៦០
១,០៧២
ការបង់ការប្រាក់សរុប
១២៣,៦១០
៤៣,០៨១
រយៈពេលបង់សង
៣០ ឆ្នាំ
១៥ ឆ្នាំ
នៅក្នុងករណីនេះ ឥណទានគេហដ្ឋានរយៈពេល ១៥ឆ្នាំមានន័យថាការបង់ប្រាក់ប្រចាំខែគឺច្រើនជាងប្រហែល ៣១២ ប៉ុន្តែវានឹងជួយអ្នកឲ្យសន្សំ ៖
-
ការបង់ប្រាក់ឥណទានគេហដ្ឋានរយៈពេល១៥ឆ្នាំ ។
-
ការប្រាក់ជាង ៨០,០០០ ។
-
-
ពិភាក្សា ៖តើអ្នកនឹងព្រមលះបង់អ្វីខ្លះដើម្បីបង់ប្រាក់បន្ថែមលើឥណទានគេហដ្ឋានរបស់អ្នក ឬទទួលឥណទានគេហដ្ឋានរយៈពេលខ្លីមួយដើម្បីរួចផុតពីបំណុលឲ្យបានឆាប់ ?
៣. ស្វែងរកការអប់រំ
-
អាន ៖ការអប់រំគឺជាទម្រង់មួយទៀតនៃការវិនិយោគ ។ ជាធម្មតា ការបំពាក់បំប៉ន ឬការអប់រំបន្ថែមនឹងមាននូវការបង់ថ្លៃមួយ ។ ប្រសិនបើអ្នកចង់វិនិយោគលើការអប់រំ សូមប្រាកដថា វានឹងនាំទៅរកការងារដ៏ប្រសើរ ដើម្បីបានប្រាក់ចំណេញដ៏ល្អមួយសម្រាប់ការវិនិយោគរបស់អ្នក ។ ប្រធាន ហ្គរដុន ប៊ី ហ៊ិងគ្លី បានទូន្មានថា « ពិភពលោកនេះនឹងបង់ប្រាក់ឲ្យអ្នកក្នុងរង្វាស់ដ៏ធំស្របតាមតម្លៃរបស់អ្នក ហើយតម្លៃរបស់អ្នកនឹងកើនឡើងនៅពេលអ្នកទទួលការអប់រំ និងភាពស្ទាត់ជំនាញនៅក្នុងផ្នែកដែលអ្នកបានជ្រើសរើស » ( « A Prophet’s Counsel and Prayer for Youth » Ensign ខែមករា ឆ្នាំ២០០១ ទំព័រ ៤ ) ។
ពេលខ្លះ វាប្រហែលជាការសមរម្យដើម្បីជាប់បំណុលក្នុងការទទួលបានការអប់រំ ប៉ុន្តែវាក៏មានវិធីច្រើនទៀតផងដែរដើម្បីបង់ថ្លៃសាលា ។ សូមរុករកជម្រើសផ្សេងៗទៀតពីមុនងាកទៅរកបំណុល ។ ប្រសិនបើអ្នកខ្ចីបំណុលសម្រាប់ការអប់រំ សូមខិតខំបង់សងវាឲ្យបានឆាប់រហ័សតាមដែលអាចធ្វើបាន ។
ក្រុមការអប់រំសម្រាប់ការងារកាន់តែល្អប្រសើរប្រហែលជាជម្រើសល្អមួយសម្រាប់អ្នក នៅពេលអ្នកពិចារណាធ្វើការវិនិយោគលើការអប់រំ ។
-
ពិភាក្សា ៖តើការអប់រំគឺជាការវិនិយោគចំពោះខ្លួនអ្នកតាមរបៀបណា ?
ពិភាក្សាអំពីការសន្សំប្រាក់ ការតស៊ូដើម្បីមានផ្ទះ និងការវិនិយោគចំពោះខ្លួនអ្នកតាមរយៈការអប់រំនៅក្នុងក្រុមប្រឹក្សាគ្រួសារ
-
អាន ៖ការតាំងចិត្តមួយរបស់អ្នកនៅ សប្ដាហ៍នេះគឺដើម្បីពិភាក្សាអំពីការសន្សំ ប្រាក់ ការមានផ្ទះ និងការវិនិយោគលើការអប់រំរបស់អ្នកអំឡុងក្រុមប្រឹក្សាគ្រួសារ ។ សូមពិភាក្សាអំពីអ្វីដែលអ្នកចង់សន្សំប្រាក់ទុកសម្រាប់ មិនថាអ្នកគួរជួលផ្ទះ ឬទិញផ្ទះនោះទេ ( ឬរបៀបដែលអ្នកអាចចាប់ផ្ដើមបង់រំលោះឥណទានគេហដ្ឋាន ) និងអ្វីទៅជាគោលដៅការអប់រំ ប្រសិនបើមាន នោះអ្នកគួរខិតខំដើម្បីសម្រេចវាឲ្យបាន ។ អ្នកអាចប្រើគម្រោងមេរៀនខាងក្រោម « គំរូការពិភាក្សាក្រុមប្រឹក្សាគ្រួសារ » ។
គំរូការពិភាក្សាក្រុមប្រឹក្សាគ្រួសារ
សូមធ្វើឲ្យប្រាកដថា ត្រូវចាប់ផ្ដើម ហើយបញ្ចប់ដោយការអធិស្ឋានដើម្បីយាងព្រះវិញ្ញាណ ។
ផ្នែកទី ១ ៖ រំឭកឡើងវិញ
ផ្នែកទី ២ ៖ ដាក់ផែនការ
-
តើអ្នកអាចសន្សំប្រាក់សម្រាប់ការចង់បានរបស់អ្នកនាពេលអនាគតតាមរបៀបណា ?
-
ប្រសិនបើបច្ចុប្បន្ននេះអ្នកគ្មានផ្ទះទេ តើអ្នកគួរពិចារណាទិញផ្ទះមួយដែរឬទេ ? ឬតើអ្នកគួរបន្តជួលផ្ទះសម្រាប់មួយរយៈពេលនេះដែរឬទេ ?
-
ប្រសិនបើបច្ចុប្បន្ននេះអ្នកមានផ្ទះ តើអ្នកអាចធ្វើការដើម្បីបង់រំលោះឥណទានគេហដ្ឋានរបស់អ្នកឲ្យបានលឿនតាមរបៀបណា ? តើការលក់ផ្ទះ និងការជួលផ្ទះសម្រាប់មួយរយៈ វាផ្ដល់ផលសមស្របចំពោះស្ថានភាពបច្ចុប្បន្នរបស់អ្នកដែរឬទេ ?
-
តើការអប់រំប្រភេទណាឬការអប់រំបន្ថែមណាទៀត ដែលអ្នកគួរវិនិយោគសម្រាប់ការងារល្អប្រសើរ ប្រសិនបើមាន ?