Tukupā
ʻE founga fēfē haʻaku fakalakalaka fakaʻaho?
-
Taimí:Seti ʻa e uasí ke miniti ʻe 10 ʻa e konga ki he Tukupaá.
-
Lau:‘Oku tau fili ‘i he uike kotoa pē ha “hoa ngāue.” Ko ha mēmipa ‘eni ‘o e kulupú ‘e tokoni ke tau tauhi ‘a ‘etau ngaahi tukupaá. ‘Oku totonu ke fetuʻutaki ‘a e ongo hoa ngāué ‘i he lolotonga ‘o e uiké pea mo felīpootiʻaki ‘ena fakalakalaká. Ko e angamahení, ke fakatou fefine pe fakatoutangata ‘a e ongo hoa ngāué pea ‘oku ‘ikai ko ha mēmipa ‘o ha fāmili pē taha.
-
Akoako Fakahoko:Fili ho hoa ngāué. Fili ʻa e taimi mo e founga te mo fetuʻutaki aí.
Hingoa ʻo e hoa ngāué
Fakamatala ki he fetuʻutakí
Lau leʻo lahi ʻa e tukupā takitaha ki ho hoa ngāué. Palōmesi ke tauhi hoʻo ngaahi tukupaá! Fakamoʻoni hingoa ʻi lalo.
|
KO ʻEKU NGAAHI TUKUPAÁ |
|---|
|
Te u fakakakato ʻa e ngaahi ʻekitivitī fakaʻaho takitaha ʻi he Mape ki he Ola Lelei ʻo e Pisinisí (vakai, peesi 13–14). |
|
Te u kumi ha kiʻi tohi fakamatala pisinisi pea ʻomi ia ki heʻetau fakataha hokó. |
|
Te u lavaʻi ʻa e taumuʻa pisinisi fakauiké: |
|
Te u akoako fakahoko ʻa e tefitoʻi moʻoni ʻo e ʻahó ni ʻi he Ko Hoku Fakavaʻé mo akoʻi ia ki hoku fāmilí. |
|
Te u fakahū ha paʻanga ki heʻeku ʻakauní—neongo pe ko e hā ʻene siʻisiʻí. |
|
Te u lipooti ki hoku hoa ngāué. |
Ko ʻeku fakamoʻoni hingoá
Fakamoʻoni hingoa ʻa e hoa ngāué
ʻE founga fēfē haʻaku lipooti ʻeku fakalakalaká?
-
Mamata:“Action and Commitment” (ʻIkai ha vitiō? Lau ʻa e peesi 12.)
-
Akoako Fakahoko:Ngāue ʻaki ʻa e saati tukupā ko ʻení kimuʻa ʻi he fakataha hokó, ke lekooti ai hoʻo fakalakalaká. Tohiʻi ʻi he fanga kiʻi puha ʻi laló, ʻa e “ʻIo,” “ʻIkai,” pe ko e tuʻo lahi ʻo e ngaahi taimi naʻá ke fai ai ʻa e tukupaá.
Fakakakato ʻa e ngaahi ngāue fakaʻaho ʻi he Mape ki he Ola Lelei ʻo e Pisinisí (Tohiʻi ʻa e # ʻo e ngaahi ʻahó)
Naʻe ʻomai ha kiʻi tohi ʻo e pisinisí (ʻIkai/ʻIo)
Naʻe lavaʻi ʻa e taumuʻa pisinisi fakauiké (ʻIkai/ʻIo)
Naʻe akoako fakahoko ʻa e tefitoʻi moʻoni ʻo e Fakavaʻé mo akoʻi ia ki he fāmilí (ʻIkai/ʻIo)
Naʻe fakahū ha paʻanga ki he ʻakauní (ʻIkai/ʻIo)
Naʻe lipooti ki he hoa ngāué (ʻIkai/ʻIo)
-
Lau:ʻIkai ngata aí, manatuʻi ke muimuiʻi hoʻo ngaahi fakamole fakatāutahá ʻi he konga kimui ʻo hoʻo tohi Ko Hoku Hala ki he Moʻui Fakafalala Pē Kiate Kitá .
-
Lau:ʻE tā ʻe he tokotaha tokoní ʻi heʻetau fakataha ka hokó ha saati tukupā ʻi he palakipoé (hangē ko ia ʻoku ʻi ʻolungá). Te tau muʻomuʻa mai ʻaki ha miniti ʻe 10 kimuʻa pea toki kamata ʻa e fakatahá ʻo hiki ʻetau fakalakalaká ʻi he sātí.
Fili ha tokotaha ke tokoni ʻi he tefito he Ko Hoku Fakavaʻé ʻi he uike ka hokó. Kole ange ke ne lau ʻa e tafaʻaki ki loto ʻo e takafi muʻa ʻo e tohi ngāue ko ʻení ke ne ʻilo ʻa e meʻa ʻoku fai ʻe he kau tokoní. ʻOku totonu ke ne tokoni ʻi he founga tatau ʻo hangē ko ia naʻe fai ʻe he taha tokoni ʻi he ʻaho ní:
-
Fakaafeʻi ʻa e Laumālié; fakaafeʻi ʻa e kau mēmipa ʻo e kulupú ke nau kolea ʻa e Laumālié.
-
Falala ki he ngaahi fakamatalá; ʻoua ʻe toe tānaki ki ai; fai pē meʻa ʻokú ne talamaí.
-
Puleʻi lelei ʻa e taimí.
-
Tānaki ha ivi; ʻai ke mou fiefia!
Ko e Fakamanatu ki he Tokotaha Tokoní:
Manatuʻi ke ʻai ha tatau ʻo e fakamatala ki he fetuʻutaki ʻa e kulupú ki he fakataha ka hokó.
Manatuʻi foki ke lesisita ʻa e mēmipa kotoa pē ʻo e kulupú ʻi he srs.lds.org/report.
-
-
Akoako Fakahoko:Ko hai te ne fie maʻu ha tohi fakamoʻoni ʻi he fokotuʻu pisinisí mei he LDS Business College ʻi Sōleki Siti, ʻIutā, ʻIunaiteti Siteiti ʻo ʻAmeliká? Huke ki he peesi 197–98 pea taufetongi ʻi hono lau ʻo e ngaahi fie maʻú.
-
Lau:Kole ki ha taha ke lotu tuku.