Ngaahi Pulusinga Kimuʻá
Ako

Ako

ʻĪmisi
lightbulb-blue

ʻTe u fie maʻu nai ʻa e pisinisi ko ʻení?

Taimí:Seti ʻa e uasí ke miniti ʻe 60 ʻa e konga ki he Akó.

Mamata:“A Bigger Truck?” (ʻIkai ha vitiō? Lau ʻa e peesi 42.)

Lau:Kapau ʻe lava ʻe he ongo tangatá ni ʻo fetuku ha foʻi meleni ʻe 200 ʻi he uta, ʻe peheni leva hono fikaʻí:

Aleaʻi:ʻE tokoni nai ha loli lahi ange? Ko e hā ʻe tokoni pe ʻikai tokoni aí?

Lau:NGAAHI FEHUʻI ʻO E UIKÉ—ʻE founga fēfē haʻaku fakatau ha koloa lahi ange mo fokotuʻu ʻa e mahuʻinga ki hono fakatau atú?

NGAAHI NGĀUE ʻO E UIKÉ—Te u fekumi ha feituʻu maʻuʻanga ki heʻeku koloá pea fili mo e mahuʻingá.

Lau:Te tau ako mo akoako fakahoko ha ngaahi pōtoʻi ngāue ʻi he lolotonga ʻo e fakataha ko ʻení, ke tokoni ke tau tali ʻa e ngaahi fehuʻi ko ʻení mo fakahoko ʻa e ngaahi ngāué ni.

Akoako Fakahoko:Pea te ke ako ‘i he lolotonga ‘o e uiké ‘a e founga ke talanoa ai mo e ngaahi kautaha hū koloa maí ke “fakatau ma’ama’a mai,” pe fakatau mai ʻi ha mahu’inga toe ma’ama’a ange. Te ke ako foki ‘a e founga ke fokotu’u ai ha mahu’inga ka ke lava ‘o “fakatau mā’olunga atu”—‘a e me’a, ‘oku ma’u ai ‘a e tupú.

ʻĪmisi
business success map

Tau lau ʻa e konga ʻo e Ngaahi Fakamolé mo e Fakatau Atú ʻi he Mape ki he Ola Lelei ʻo e Pisinisí.

ʻE lava fēfē ke u maʻu ha paʻanga tupú?

Lau:ʻOku fie maʻu ʻe he ongo tangata fakatau melení ke na kamata maʻu ha paʻanga ʻi heʻene pisinisi melení.

ʻOku ʻi ai ha ngaahi founga ʻe ua ke maʻu ai ha tupu.

Tuku hifo e mahuʻinga ʻoku fakatau mai aí (ʻa e mahuʻinga ʻokú ke totongi ki he kautaha koloá).

Hiki hake ʻa e mahuʻinga ʻo e fakatau atú (ʻa e mahuʻinga ʻokú ke fakatau ʻaki ki he taha fakataú).

Te ke lava ʻi he taimi ʻe niʻihi ʻo fakatou fakahoko: fakatau maʻamaʻa mo fakatau atu māʻolunga!

Ko e tokotaha pisinisi leleí ʻokú ne fakatau maʻamaʻa mai pea fakatau māʻolunga atu.

Lau:ʻOku ʻikai ke tau puleʻi taʻe-fakangatangata ʻa e mahuʻinga ʻ e fakatau atú pe ko ʻetau fakamolé. ʻOku tau puleʻi pē ha meʻa ʻe niʻihi. ʻOku feinga ʻa e kau maʻu pisinisi leleí ke hiki ʻa e mahuʻinga ʻo ʻenau koloa ʻoku fakatau atú kae holoki ʻa e mahuʻinga ʻo e koloa ʻoku fakatau maí.

Aleaʻi:ʻOkú ke pehē ʻoku maʻu ha tupu ʻa e ngaahi pisinisi ʻokú ke fakatau mei ai hoʻo meʻakaí, loló, mo e valá?

Lau:Ko ha ʻuhinga kehe ʻeni ʻe taha ke ke fakatau maʻamaʻa mai ai kae fakatau atu ʻi ha tuʻunga māʻolungá. Ko e pisinisí kotoa pē ʻoku lahi ange ʻenau ngaahi fakamolé ʻi he mahuʻinga ʻataʻatā pē ʻo e koloá.

Fakakaukau ki he ongo tangata fakatau melení. Tau pehē kuó na ako ke fakatau maʻamaʻa mai kae fakatau atu ʻi he tuʻunga māʻolunga. Ka, ʻoku kei ʻi ai mo ʻena ngaahi fakamole kehe, hangē ko hono fetukú mo e vahé. Toe vakaiʻi ʻeni.

Lau:Naʻe lava ʻa e ongo tangatá ʻi heʻena fakatau mai maʻamaʻa kae fakatau atu ʻi ha tuʻunga māʻolungá ke maʻu ʻa e ngaahi fakamolé, maʻu ʻena vahe, pea mo kei maʻu ha kiʻi tupu. ʻOku kamata ʻeni ke hoko ko ha pisinisi moʻoni!

Aleaʻi:Kapau ʻokú ke ʻi ha pisinisi fakahoko ngāue, ko e hā ʻa e meʻa te ke lava ʻo fai ke mapuleʻi ʻa e fakamolé pea mo tupu lahi ange?

Te u holoki fēfē ʻa e ngaahi fakamolé?

Mamata:“Donʻt Close Your Business” (Parts I and II) (ʻIkai ha vitiō? Lau ʻa e peesi 43.)

Aleaʻi:Ko e hā ʻa e meʻa naʻá ke mei faí? Ko e ngaahi kautaha hū koloa mai ʻe fiha ʻoku totonu ke ke maʻú?

ʻE founga fēfē haʻaku ngāue mo e ngaahi kautaha hū koloa maí?

Lau:ʻOku mātuʻaki mahuʻinga ke tau talanoa mo e ngaahi kautaha ʻoku hū koloa maí.

Mamata:“Talking to Suppliers” (ʻIkai ha vitiō? Hokohoko atu hono laú.)

Lau:Talanoa ʻi he uiké ni mo e kakai te nau lava ʻo ʻoatu ha koloa pe ngaahi meʻa ki hoʻo koloá. Kapau ko hao fakahoko ha ngāue, talanoa mo e kakai te nau tokoni atu ke fakahoko hoʻo ngāué. Hiki ʻa e meʻa naʻá ke akó ʻi hoʻo tohi pisinisí.

Akoako Fakahoko:Akoako mo hao hoa ʻi he uiké ni, ʻa e ngaahi fehuʻi te ke fai ki he ngaahi kautaha hū koloa maí. Fakamatalaʻi ange ki ho hoa ngāué ʻa e faʻahinga kautaha hū koloa mai ʻoku fie maʻu ke ke talanoa ki ai fekauʻaki mo hoʻo pisinisí. Taufetongi ʻi hono fai ʻo e ngaahi fehuʻí mo hono fai ha fakamatala ʻoku ʻaongá. Hiki ʻa e ngaahi fakamatalá ʻi hoʻo tohi pisinisí. Fai ha ngaahi fehuʻi pau ʻe tokoni ke ke fakaleleiʻi ai hoʻo pisinisí.

Aleaʻi:Ka ʻosi ha akoako tuʻo taha ʻa e tokotaha kotoa pē, pea mo u aleaʻi fakataha:

Ko e hā te ke fai ʻi hoʻo talanoa mo e ngaahi kautaha hū koloa maí ʻi he uike ní? ʻOku ʻi ai mo hao toe ngaahi fehuʻi ke fai kiate kinautolu? Hiki ʻi heni hoʻo ngaahi fakakaukaú pe ʻi hoʻo tohi pisinisí:

ʻE founga fēfē haʻaku fokotuʻu ʻeku mahuʻingá ke maʻu ha tupu?

Lau:Ko e pisinisi kotoa pē kuo pau ke ne maʻu ʻo lahi ange ʻi he meʻa ʻokú ne fakamolé. ʻOku tau ʻilo ʻa e founga ke talanoa ai mo e ngaahi kautaha hū koloa maí ke maʻu ha koloa lelei ʻoku maʻamaʻa, pe fakatau maʻamaʻa. ʻE founga fēfē haʻatau fokotuʻu ʻetau mahuʻingá he taimí ni, pe fakatau atu ʻi ha tuʻunga māʻolunga? ʻI heʻetau fai ʻa e fili ko ʻení he lolotonga ʻo e uiké, mahalo te tau takitaha fehuʻi:

  • Ko e hā ʻa e totongi lelei taha te u lava ʻo maʻu mei heʻeku ngaahi kautaha hū koloa maí?

  • Ko e hā mo ha toe fakamole kehe ke u fai? (ʻUhilá, vaí, telefoní, nāunaú, falé, mo e hā fua.)

  • Ko e hā ʻa e vahe ʻoku fie maʻu ke u totongi kiate au mo e niʻihi kehé?

  • ʻE founga fēfē haʻaku tānaki atu ʻa e mahuʻingá mo ʻai ʻeku koloá ke makehe? ʻE lava ʻe he maʻungofuá, tokoní, anga fakakaumeʻá, mo tuʻunga leleí ʻo tānaki ki he mahuʻingá pea mo ʻai ke u makehe.

  • Ko e hā e totongi ʻa kinautolu ʻoku mau feʻauhí? ʻE lava ke u hiki ke lahi ange ʻa e totongí ʻo fakatatau mo e mahuʻinga kuo tānaki maí?

  • ʻI he ngaahi meʻá ni kotoa, ko e hā ha lahi ʻo e tupu te u lava ʻo maʻu kae lava ʻeku pisinisí ʻo tupu mo lele lelei? Ko e leleí ʻa e lahi angé!

Akoako Fakahoko:Lau fakataha mo hao hoa ngāue ʻa e meʻa ko ʻení pea aleaʻi pe ʻe fie ʻe fie fakatau ʻaki ʻe he kau fakatau ʻa Kuelisí ʻene vaí.

ʻOku fakatau mai ʻe Kuleisi ʻa e vaí ʻaki ʻa e:

5 ki he foʻi hina

Ko ʻene vahé, fefonongaʻakí, mo e fakamole ki hono utá ʻoku:

2 ki he foʻi hina

ʻOku fakatau atu ʻe he ngaahi pisinisi ʻoku nau feʻauhí ʻaki ʻa e:

8–10 ki he foʻi hina

ʻOkú ne fie maʻu ke maʻu ha tupu lahi taha ʻe lavá:

? ki he foʻi hina

Fakahā ki he kulupú ʻa e mahuʻinga naʻá ke pehē ʻoku totonu ke ʻai ʻe Kuleisi ki heʻene vaí pea mo e ʻuhingá.

Aleaʻi:ʻE founga fēfē ke ʻilo ʻe Kuleisi ʻa e tokolahi ʻo e kau fakatau ʻoku nau fie totongi ʻa e mahuʻinga ko iá?

ʻE founga fēfē hao puleʻi ʻa e fakamolé, tānaki atu ʻa e mahuʻingá, mo fokotuʻu ʻa e mahuʻinga totonú ke lava hoʻo pisinisí ʻo maʻu ha tupu?

Paaki