Ngaahi Pulusinga Kimuʻá
Maʻá e Kau Tokoní

Maʻá e Kau Tokoní

‘I he ‘aho ‘o e fakatahá:

  • Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻaki ha miniti ʻe 10 ke lipooti ki heʻenau ngaahi tukupaá.

  • Teuteu ʻa e ngaahi nāunau ʻo e fakatahá.

ʻI ha miniti ʻe 30 kimuʻa ʻi he fakatahá:

  • Fokotuʻutuʻu takatakai ʻa e ʻū seá ʻi ha tēpile koeʻuhí ke lava ʻo vāofi e tokotaha kotoa pē.

  • Tā ʻa e saati tukupā ko ʻení ʻi he palakipoé mo e hingoa ʻo e kakai ʻi hoʻo kulupú (vakai, sīpinga ʻi laló).

    Hingoa ʻo e mēmipa ʻi he kulupú

    Fakaʻaongaʻi ha lekooti ʻo e paʻanga hū maí mo e fakamolé (Tohiʻi ʻa e # ʻo e ʻahó)

    Naʻe faʻu ha fakamatala paʻanga hū mai (ʻIkai/ʻIo)

    Naʻe lavaʻi ʻa e taumuʻa pisinisi fakauiké (ʻIkai/ʻIo)

    Naʻe akoako fakahoko ʻa e tefitoʻi moʻoni ʻo e Fakavaʻé mo akoʻi ia ki he fāmilí (ʻIkai/ʻIo)

    Naʻe fakahū ha paʻangaki he ʻakauní (ʻIkai/ʻIo)

    Naʻe lipooti ki he hoa ngāué (ʻIkai/ʻIo)

    Kolōlia

    6

    I

    I

    I

    I

    I

ʻI ha miniti ʻe 10 kimuʻa ʻi he fakatahá:

  • Talitali fiefia ʻa e kakaí ʻi heʻenau aʻu maí.

  • Kole ange ʻi he aʻu mai ʻa e kau mēmipa ʻo e kulupú, ke nau fakakakato ʻa e saati tukupā ʻi he palakipoé. Fakamanatuʻi ange foki, ke nau huke ki he peesi 197 ʻo fakatonutonu ʻa ʻenau fakalakalaka ke maʻu ʻa e tohi fakamoʻoní.

  • Vahe ha tokotaha ke tauhi taimi.

ʻI he taimi kamatá:

  • Kole ki he kakaí ke tāmateʻi ʻenau telefoní mo e ngaahi meʻangāue kehé.

  • Fai ha fua lotu (mo e himi, kapau ʻe fie maʻu).

  • Kole leʻosiʻi kiate kinautolu ʻe aʻu tōmui maí ke tāmateʻi ʻenau telefoní mo fakakakato ʻa e saati tukupaá, lolotonga ʻoku kei fealēleaʻaki ʻa e kulupú.

  • Seti ʻa e uasí ke miniti ʻe 20 ʻa e Ko Hoku Fakavaʻé.

  • Fakakakato ʻa e tefitoʻi moʻoni hono 5 ʻi he Ko Hoku Fakavaʻé. Hili ia pea foki mai ki he tohi ngāue ko ʻení ʻo hoko atu hono lau ʻa e peesi hono hokó.