Ako

Ko Hono Kamataʻi mo Fakatupulaki ʻEku Pisinisí

Ngaahi Fakahokohokó
Talateú
Fakahokohoko ʻo e Tohí
1: ʻE founga fēfē haʻaku kamataʻi pe fakaleleiʻi ʻeku pisinisí?
2: Ko e hā ʻoku fie fakatau ʻe he kakaí?
3: ʻE founga fēfē haʻaku fakatau mai ʻeku koloá mo fokotuʻu ʻa e mahuʻinga ki hono fakatau atú?
4: Te u ʻiloʻi fēfē pe ʻoku tupu ʻeku pisinisí?
5: Te u fakamavahe’i fēfee’i ‘a e pa’anga ‘o ‘eku pisinisí mo e pa’anga hoku fāmilí?
6: ʻOku fēfē ʻa e fakalakalaka ʻa ʻeku pisinisí?
7: ʻE founga fēfē haʻaku fakatupulaki ʻeku pisinisí?
8: Ko e fiha te u lava fakaʻaongaʻi ke falatupulaki ai ʻeku pisinisí?
9: Te u ʻiloʻi fēfē kapau ʻoku totonu ke u fakaʻaongaʻi ha nō ke fakatupulaki ʻeku pisinisí?
10: ʻE anga fēfē haʻaku tohoakiʻi mai ke toe lahi ange ha kau fakatau mo ʻai ke tau ʻa e ngaahi fakataú?
11: ʻE founga fēfē haʻaku fakalahi ʻeku tupú?
12: ʻE founga fēfē haʻaku kei fakatupulaki ʻeku pisinisí?
‘Oku Ou Fakalakalaka
Tohi Fakamoʻoni ʻEne Kakató
Mape ki he Ola Lelei ʻo e Pisinisí

Ako

ʻĪmisi

lightbuln-brown

Te u fakamatalaʻi fēfeeʻi ʻa ʻeku pisinisí?

Lau:Te tau fai ʻi he ʻahó ni ʻa ʻetau ngaahi fakamatala ki he pisinisí. Ko e taimi ʻoku tau fakamatalaʻi ai ʻetau pisinisí ki he niʻihi kehé, ʻoku tau ako ai ha ngaahi meʻa fekauʻaki mo ʻetau pisinisí ʻa ia ʻe lava ʻo tokoni ke tau fakalakalaka. ʻI heʻetau maʻu ha ngaahi fakakaukau he lolotonga pea mo e ʻosi ʻo e ngaahi fakamatalá, tau hiki ia ʻi heʻetau tohi fakamatala pisinisí.

Lau:FEHUʻI ʻO E UIKÉ—Te u fakamatalaʻi fēfē ʻeku pisinisí ki he niʻihi kehé?

NGĀUE ʻO E UIKÉ—Te u kumi ki ha ngaahi fakakaukau mei he niʻihi kehé ki he founga ke langaki ai ʻeku pisinisí.

Taimí:Seti ʻa e uasí ke taki miniti ʻe tolu ʻa e tokotaha kotoa pē ʻe fakamatalá. ʻAi ke ʻilo ʻe he tokotaha fakamatalá ʻa e taimi ʻoku toe ai ʻa e miniti pē ʻe tahá.

ʻOku fakaleleiʻi ʻe he kau pisinisi leleí ha meʻa ʻi he ʻaho kotoa pē.

Lau:Te tau fakahoko leva he taimí ni ʻetau ʻuluaki fakamatalá. Ko hai ʻoku fie ke kamatá? Manatuʻi, ʻokú ke maʻu ha miniti pē ʻe tolu ke fai ai hoʻo fakamatalá pea mo e miniti ʻe ua ki he fealēleaʻakí.

Lau:Muimui ki he ngaahi fakahinohino ʻi he peesi hono hokó.

KO ʻEKU PISINISÍ ʻI HA MINITI ʻE TOLU—NGAAHI FAKAHINOHINÓ
Konga 1	Fakamatalaʻi hoʻo pisinisí ʻo ʻoua ʻe laka ange ʻi he miniti ʻe tahá .
Konga 2	Fakamatalaʻi ʻa e anga hono fakaleleiʻi lahi hoʻo pisinisí ʻe he founga hono tali ʻo e ngaahi fehuʻi ko ʻení ʻo ʻoua ʻe laka ange ʻi he miniti ʻe tahá. 1. Ko e hā ʻoku fie fakatau ʻe he kakaí? 2. Te u fakatau fēfeeʻi atu? 3. Te u mapuleʻi fēfē ʻa e ngaahi fakamolé? 4. ʻE founga fēfē haʻaku fakalahi ʻeku tupú? 5. ʻE founga fēfē haʻaku fakalele ʻeku pisinisí?
Konga 3	Fakamatalaʻi ha meʻa ʻe taha te ke fai ke hoko atu hono fakaleleiʻi hoʻo pisinisí ʻo ʻoua naʻa laka ʻi he miniti ʻe tahá.

KO ʻEKU PISINISÍ ʻI HA MINITI ʻE TOLU—NGAAHI FAKAHINOHINÓ

Konga 1

Fakamatalaʻi hoʻo pisinisí ʻo ʻoua ʻe laka ange ʻi he miniti ʻe tahá .

Konga 2

Fakamatalaʻi ʻa e anga hono fakaleleiʻi lahi hoʻo pisinisí ʻe he founga hono tali ʻo e ngaahi fehuʻi ko ʻení ʻo ʻoua ʻe laka ange ʻi he miniti ʻe tahá.

1. Ko e hā ʻoku fie fakatau ʻe he kakaí?

2. Te u fakatau fēfeeʻi atu?

3. Te u mapuleʻi fēfē ʻa e ngaahi fakamolé?

4. ʻE founga fēfē haʻaku fakalahi ʻeku tupú?

5. ʻE founga fēfē haʻaku fakalele ʻeku pisinisí?

Konga 3

Fakamatalaʻi ha meʻa ʻe taha te ke fai ke hoko atu hono fakaleleiʻi hoʻo pisinisí ʻo ʻoua naʻa laka ʻi he miniti ʻe tahá.

Taimí:Seti ʻa e uasí he taimí ni ke miniti ʻe ua ʻa e fealēleaʻakí.

Aleaʻi:Mou fefehuʻiʻaki. Fealēleaʻaki fakataha. Tokoni ke fakaleleiʻi ʻa e pisinisi ʻa e kau mēmipa ko ʻeni ʻo e kulupú.

Lau:Toutou fakahoko ʻi he taimí ni ʻa e ngaahi sitepu ko ʻení kae ʻoua kuo ʻosi kotoa ʻa e kau mēmipa ʻo e kulupú ʻi he fakamatala.

Ko e hā e meʻa naʻá ku akó?

Aleaʻi:ʻOku ʻikai toe tuku ʻa e ako ʻa e kau pisinisi leleí. Ko e hā ha meʻa naʻá ke ako mei he kau mēmipa kehe ʻo e kulupú ʻe tokoni ke fakaleleiʻi hoʻo pisinisí?

ʻOku ʻikai toe tuku ʻa e ako ʻa e kau pisinisi leleí.

Lau:Te tau ako ʻi heʻetau fakataha ka hokó ʻa e founga ke fakatupulaki ai ʻetau pisnisí. ʻE fie maʻu ʻi heʻetau fakataha ka hokó ke tau ō mai mo ʻetau tohi lekooti ʻo e paʻanga hū maí pea mo e fakamolé pea mo ʻetau fakamatala paʻanga hū mai ʻo e pisinisí ʻi he uike ʻe ua fakamuimui tahá.

Kapau kuo teʻeki ai ke tau kamata ha pisinisi, te tau tokoniʻi ha niʻihi ʻi heʻenau lekooti ʻo e paʻanga hū maí mo e fakamolé pea mo e fakamatala paʻanga hū mai ʻo e pisinisí. ʻE hoko ʻeni ko ha ako ngāue lelei kiate kitautolu.

Mamata:Vakai ki he founga naʻe fakaleleiʻi ai ʻe Felise ʻene pisinisí ʻi hono fakaʻaongaʻi ʻo e ngaahi tefitoʻi moʻoni ʻo e moʻui fakafalala pē kiate kitá. Mamata ʻi he “Felix: Refrigeration Parts.” (ʻIkai ha vitiō? Hoko atu pē.)

ʻOku ou fakaʻau nai ke u moʻui fakafalala lahi ange pē kiate au?

Lau:Ko ʻetau taumuʻá ke tau moʻui fakafalala pē kiate kitautolu, fakatuʻasino mo fakalaumālie fakatouʻosi. Ko hono ʻai ko ia ke ola lelei ʻetau pisinisí ko ha konga pē ia ʻo e taumuʻa ko iá.

Aleaʻi:Ko e hā ha ngaahi liliu kuó ke fakatokangaʻi ʻi hoʻo moʻuí ʻi hoʻo akoako mo akoʻi ʻa e ngaahi tefitoʻi moʻoni ʻi he Ko Hoku Fakavaʻé ?

ʻĪmisi

My Path to Self-Reliance cover

Akoako Fakahoko:

Fakaava hoʻomou fanga kiʻi tohi Ko Hoku Hala ki he Moʻui Fakafalala Pē Kiate Kitá ki he kiʻi sivi ʻo e moʻui fakafalala pē kiate kita ʻoku teʻeki fakaʻaongaʻí (ʻi he konga ki muí). Fakakakato e ngaahi sitepú.

Ko hoʻo ʻosí pē, tuku ha miniti ʻe tolu ke ke fakalaulauloto ai ki heni:

‘Okú ke fakatokanga’i lahi ange ‘i he taimí ni ho’o ngaahi fakamolé? Te ke lava ‘o tali “tu’o lahi” pe “ma’u ai pē” ‘o lahi ange ki he ngaahi fehu’i ko ‘ení? ‘Okú ke falala lahi ange ki he lahi ‘o e pa’anga kuó ke fokotu’u ko ho’o pa’anga hū mai ‘o e mo’ui fakafalala pē kiate koé? ‘Okú ke ofi ange nai ke ke a’usia ho’o pa’anga hū mai ‘o e mo’ui fakafalala pē kiate koé? Ko e hā ha me’a te ke lava ‘o fai ke ke fakalakalaka ai?