Lipooti
Naʻá ku tauhi ʻeku ngaahi tukupaá?
-
Taimí:Seti ʻa e uasí ke miniti ʻe 20 ʻa e konga ki he Lipōtí.
-
Aleaʻi:Lau ʻa e kupuʻi lea ʻi toʻomataʻú. ʻOku kaunga fēfē ʻeni ki heʻetau kulupú?
-
Lau:Tau lipooti ʻetau ngaahi tukupaá. Kātaki ʻo tuʻu hake ʻa kinautolu naʻa nau tauhi kotoa ʻenau ngaahi tukupaá. (Pasipasiʻi kinautolu naʻa nau tauhi kotoa ʻenau ngaahi tukupaá.)
Mou tuʻu hake kotoa he taimí ni ki ʻolunga. ʻOku totonu ke tau feinga ke tauhi kotoa ʻa ʻetau ngaahi tukupaá. Ko e taha ia ʻo e ngaahi tefitoʻi ʻulungaanga ʻo e kakai moʻui fakafalala pē kiate kinautolú.
Lolotonga ʻetau kei tuʻú, tau lau fakataha ʻa e kaveingá. ʻOku fakamanatu mai ʻe he ngaahi lea ko ʻení ʻa e taumuʻa ʻo ʻetau kulupú.
-
Lau:Meʻa hifo ki lalo.
Ne ʻomi ʻe he tokotaha kotoa pē ʻene tohi pisinisí? Ko kinautolu naʻe ʻikaí, kātaki ʻo kole ki ha taha ha pepa ke ke ngāue ʻaki he ʻahó ni. Kātaki ʻo fakatau ha kiʻi tohi ʻi he ʻosi ʻa e fakataha ko ʻení ke fakaʻaongaʻi he toenga ʻo ʻetau ngaahi fakatahá.
Hiki ʻi hoʻo tohi pisinisí ʻa e meʻa naʻá ke ako ʻi hono tauhi hoʻo ngaahi tukupaá.
Ko e taimi ʻoku tau vakai ia ki he fakaʻilonga ko ʻení, ʻokú ne fakamanatu mai ko e ngaahi meʻa ʻoku tau aleaʻí ʻoku mahuʻinga ke hiki ʻi heʻetau tohi pisinisí. ʻOku ʻikai ko ha meʻa pau ke hiki leva ia, ka ʻi he lolotonga ʻo e fakatahá pe lolotonga ʻo e uiké, ʻoku totonu ke tau hiki ʻa e ngaahi meʻa ʻe tokoni ke tau kamataʻi mo fakatupulaki ʻetau ngaahi pisinisi.
-
Aleaʻi:Tau fealēleaʻaki fakataha mo fetokoniʻaki ʻi heʻetau pisinisí. Ko e fealeaʻaki mahuʻinga taha ʻeni ʻo e fakataha ko ʻení!
Ko e hā naʻá ke ako ʻi hoʻo fakakakato ʻa e ngaahi ngāue fakaʻaho ʻo e Mape ki he Ola Lelei ʻo e Pisinisí? ʻE tokoni fēfē ʻeni ki hoʻo pisinisí?
Ko e hā naʻá ke ako ʻi hoʻo ngāueʻi hoʻo taumuʻa pisinisi fakauiké?