Ngaahi Pulusinga Kimuʻá
Maʻá e Kau Tokoní

Maʻá e Kau Tokoní

ʻI he ʻaho ʻo e fakatahá:

  • ʻE fakamoleki he ʻahó ni ʻe he kulupú ha miniti kehe ʻe 20 ʻi he konga ki he Tukupaá. Kātaki ʻo lau ʻa e ʻekitivitī fakaʻosí ʻi he Ko Hoku Fakavaʻé pea mateuteu ke tali ʻa e ngaahi fehuʻí.

  • Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻaki ha miniti ʻe 10 kimuʻa ke lipooti ki he ʻenau ngaahi tukupaá.

  • Teuteu ʻa e ngaahi nāunau ʻo e fakatahá.

Miniti ʻe 30 kimuʻa ʻi he fakatahá:

  • Fokotuʻutuʻu takatakai ʻa e ʻū seá ʻi ha tēpile koeʻuhí ke lava ʻo vāofi ʻa e tokotaha kotoa pē.

  • Tā ‘a e saati tukupā ko ‘ení ‘i he palakipoé mo e hingoa ‘o e kakai ‘i ho’o kulupú (vakai, sīpinga ‘i laló).

    Hingoa ʻo e mēmipa ʻi he kulupú

    Naʻe ʻahiʻahiʻi ha founga hiki ʻo e totongí ʻe ua ʻi ha kau fakatau ʻe toko 10 pe toe lahi ange (Tohiʻi ʻa e # ʻo e kau fakataú)

    Naʻe ʻahiʻahiʻi ha founga ʻe ua pe toe lahi ange ke holoki ʻa e fakamolé (Tohiʻi ʻa e #)

    Naʻe lavaʻi ʻa e taumuʻa pisinisi fakauiké (ʻIkai/ʻIo)

    Naʻe akoako fakahoko ʻa e tefitoʻi moʻoni ʻo e Fakavaʻé mo akoʻi ia ki he fāmilí (ʻIkai/ʻIo)

    Naʻe fakahū ha paʻanga ki he ʻakauní (ʻIkai/ʻIo)

    Naʻe lipooti ki he hoa ngāué (ʻIkai/ʻIo)

    Kolōlia

    15

    5

    I

    I

    I

    I

Miniti ʻe 10 kimuʻa ʻi he fakatahá:

  • Talitali fiefia ʻa e kakaí ʻi heʻenau aʻu maí.

  • Kole ki he kau mēmipa ʻo e kulupú ʻi heʻenau aʻu maí ke nau fakakakato ʻa e saati tukupā ʻi he palakipoé. ʻIkai ngata ai, fakamanatu ange ke nau huke ki he peesi 197 ʻo fakatonutonu ʻenau fakalakalaka ke maʻu ʻa e tohi fakamoʻoní. Fehuʻi ange pe ko hai kuó ne ʻosi fakakakato ʻa e ngaahi fie maʻu ki he tohi fakamoʻoní. Fakamoʻoni hingoa ʻi ha tatau ʻo e tohi kuo fakakakató ʻi he peesi 198 maʻá e tokotaha kotoa kuó ne ʻosi fakakakato ʻa e ngaahi fie maʻú. Fakahā ki he kōmiti moʻui fakafalala pē kiate kita ʻa e siteikí ʻi he ʻosi ʻa e fakatahá, ke nau ʻiloʻi ʻa kinautolu kuo nau ʻosi fakakakato ʻa e ngaahi fie maʻu ki he tohi fakamoʻoní.

  • Vahe ha tokotaha ke tauhi taimi.

ʻI he taimi kamatá:

  • Kole ki he kakaí ke tāmateʻi ʻenau telefoní mo e ngaahi meʻangāue kehé.

  • Fai ha fua lotu (mo e himi, kapau ʻe fie maʻu).

  • Seti ʻa e uasí ke miniti ʻe 20 ʻa e Ko Hoku Fakavaʻé.

  • Fakakakato e tefitoʻi moʻoni 12 ʻi he Ko Hoku Fakavaʻé. Hili ia pea foki mai ki he tohi ngāue ko ʻení ʻo hoko atu hono lau ʻa e peesi hono hokó.

Paaki