Ngaahi Pulusinga Kimuʻá
Maʻá e Kau Tokoní (Facilitators)

Maʻá e Kau Tokoní

ʻI he ʻaho ʻo e fakatahá:

  • Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻaki ha miniti ʻe 10 ke lipooti ʻenau ngaahi tukupaá.

  • Teuteu ʻa e ngaahi nāunau ʻo e fakatahá.

  • ʻOmi ngaahi tatau kehe ʻe nima ʻo e Ko Hoku Hala ki he Moʻui Fakafalala Pē Kiate Kitá.

ʻI ha miniti ʻe 30 kimuʻa ʻi he fakatahá:

  • Fokotuʻutuʻu takatakai ʻa e ʻū seá ʻi ha tēpile koeʻuhí ke vāofi ʻa e tokotaha kotoa pē.

  • Tā ʻa e saati tukupā ko ʻení ʻi he palakipoé mo e ngaahi hingoa ʻo e kakai ʻi hoʻo kulupú (vakai, sīpinga ʻi laló).

    Hingoa ‘o e mēmipa ‘i he kulupú

    Naʻe tauhi māvahevahe ʻa e ngaahi lekōtí (ʻIo/ʻIkai)

    Naʻá ku ʻai haʻaku vahe mavahe mei he paʻanga ʻo e pisinisí (ʻIo/ʻIkai)

    Naʻá ku teuteuʻi ha fakamatala ki heʻeku pisinisí (ʻIo/ʻIkai)

    Naʻe lavaʻi ʻa e taumuʻa pisinisi fakauiké (ʻIo/ʻIkai)

    Naʻe akoako fakahoko ʻa e tefitoʻi moʻoni ʻi he Fakavaʻé mo akoʻi ia ki he fāmilí (ʻIo/ʻIkai)

    Naʻe fakahū ha paʻanga ki he ʻakauní (ʻIo/ʻIkai)

    Naʻe lipooti ki he hoa ngāué (ʻIo/ʻIkai)

    Kolōlia

    I

    I

    I

    I

    I

    I

    I

Toe miniti ʻe 10 pea kamata ʻa e fakatahá:

  • Talitali fiefia ʻa e kakaí ʻi heʻenau aʻu maí.

  • Kole ange ʻi he aʻu mai ʻa e kau mēmipa ʻo e kulupú ke nau fakafonu ʻa e saati tukupā ʻoku ʻi he palakipoé. Fakamanatu ange foki, ke nau huke ki he peesi 197 ʻo fakatonutonu ʻenau fakalakalaka ke maʻu ʻa e tohi fakamoʻoní.

  • Vahe ki ha taha ke tauhi taimi.

ʻI he taimi kamatá:

  • Kole ki he kakaí ke tāmateʻi ʻenau ngaahi telefoní mo e ngaahi meʻangāue kehé.

  • Fai ha fua lotu (mo e himi, kapau ʻe fie maʻu).

  • Kole leʻo siʻi kiate kinautolu ʻoku tōmui maí ke tāmateʻi ʻenau telefoní mo fakakakato ʻa e saati tukupaá lolotonga ʻoku kei fealēleaʻaki pē ʻa e kulupú.

  • Seti ʻa e uasí ke miniti ʻe 20 ʻa e Ko Hoku Fakavaʻé.

  • Fakakakato ʻa e tefitoʻi moʻoni hono 6 ʻi he Ko Hoku Fakavaʻé. Hili ia pea fakaava ʻa e tohi ngāue ko ʻení pea hoko atu ke lau ʻa e peesi hono hokó.