Tukupā

arrow-brown

ʻE founga fēfē haʻaku fakalakalaka fakaʻaho?

Taimí:Seti ʻa e uasí ke miniti ʻe 10 ʻa e peesi ko ʻení.

Lau leʻo lahi ʻa e tukupā takitaha ki ho hoá. Palōmesi te ke tauhi hoʻo ngaahi tukupaá! Fakamoʻoni hingoa ʻi lalo.

KO ʻEKU NGAAHI TUKUPAÁ
Te u teuteuʻi ha fakamatala ki heʻeku isinisí.
Te u fokotuʻu ha ngaahi taumuʻa ki heʻeku pisinisí.
Te u lavaʻi ʻa ʻeku taumuʻa pisinisi fakauiké:
Te u akoako fakahoko ʻa e tefitoʻi moʻoni ki he ʻahó ni ʻo e Ko Hoku Fakavaʻé mo akoʻi ia ki hoku fāmilí.
Te u fakahū ha paʻanga ki heʻeku ʻakauní—neongo pe ko e hā ʻene siʻisiʻi.

Ko ʻeku fakamoʻoni hingoá

ʻE lava fēfē ke u kei moʻui fakafalala pē kiate au?

Taimí:Seti ʻa e uasí ke miniti ʻe 20 ʻa e peesi ko ʻení.

Lau:Huke ki he peesi 28 ʻo e kiʻi tohi Ko Hoku Fakavaʻé ʻo fakahoko ʻa e ʻekitivitī fakaʻosí mo palani ha ngāue ʻofa fakakulupu. Foki mai ki heni ʻi heʻene ʻosí.

Lau:Talamonū atu! Kuo tāpuekina koe ʻe he ʻEikí ʻaki ha ʻilo foʻou mo ha taukei pea kuó ke lavaʻi ha ngaahi meʻa lahi. Vilitaki atu ki muʻa!

Koeʻuhí ke kei lele lelei ʻa e pisinisí, te ke lava ʻo:

• Ngāue taʻe-totongi mo tokoni ʻi ha senitā moʻui fakafalala pē kiate kita ʻoku ofi atu. (Ko e taha ʻo e ngaahi taumuʻa ke te moʻui fakafalala ai pē kiate kitá ke te lava ʻo tokoni ki ha niʻihi kehe. Ko ha tāpuaki lahi ke te tokoniʻi ha niʻihi kehe.)

• Hokohoko hoʻo fakataha mo hoʻomou kulupú. Hoko atu hoʻomou fetokoniʻaki mo fepoupouakí.

• Hokohoko atu hoʻo ʻalu ki he ngaahi fakataha lotu ʻo e moʻui fakafalala pē kiate kitá.

• Fetuʻutaki maʻu pē mo ho hoa ngāué. Fetokoniʻaki mo fepoupouʻaki.

ʻE hokohoko atu ʻeku fakalakalaká ʻaki haʻaku tauhi ʻeku ngaahi tukupā.

Ko ʻeku fakamoʻoni hingoá

Lau:Te tau lotu tuku he taimí ni.

Tali Lelei ʻa e Fakamatalá

Kātaki ʻo ʻave hoʻo ngaahi fakakaukaú, fakamatalá, ngaahi fokotuʻú mo e ngaahi aʻusiá ki he [e-mail].

Ko e Fakamanatu ki he Tokotaha Tokoní:

Manatuʻi ke lipooti e fakalakalaka ʻa e kulupú ʻi he srs.lds.org/report koeʻuhí ke maʻu ʻe he kau mēmipá ʻenau ngaahi tohi fakamoʻoní.