Ngaahi Pulusinga Kimuʻá
Ako

Ako

ʻĪmisi
lightbulb-green

Ko e hā ʻoku fie fakatau ʻe he kakaí?

Taimí:Seti ʻa e uasí ke miniti ʻe 60 ʻa e konga ki he Akó.

Lau:Te tau fili fēfē ha ngaahi pisinisi ʻe lava ke ola leleí? Kapau kuo tau ʻosi maʻu ha pisinisi, ʻoku tau ʻilo fēfē ko e totonú ia?

ʻĪmisi
business success map

ʻE nofotaha ʻa e lēsoni ko ʻení ʻi he konga ʻo e Kau Fakataú ʻi he Mape ki he Ola Lelei ʻo e Pisinisí.

Mamata:“Business on a Stick” (ʻIkai ha vitiō? Lau ʻa e peesi 26.)

Aleaʻi:Ko e hā ʻa e meʻa naʻá ke ako mei he vitiō ko ʻení?

Lau:FEHUʻI ʻO E UIKÉ—Ko e hā ʻoku fie fakatau ʻe he kakaí?

NGAAHI NGĀUE ʻO E UIKÉ—Te u talanoa ki ha kau pisinisi mo ha kau fakatau pea mo fili ha koloa pe ngāue ʻokú ne fakaleleiʻi ʻa e ngaahi palopalema ʻa e kau fakataú.

Te mou ako mo ako fakahoko ʻi he toenga ʻo e fakatahaʻangá ni ha ngaahi pōtoʻi ngāue ke tokoni ʻo tali ʻa e fehuʻi ko ʻení mo fakahoko ʻa e ngaahi ngāue ko ʻení. ʻE tokoni atu ʻa e vitiō ko ʻení ke ke kamata ʻaki hao fai ʻa e ngaahi fehuʻi totonú.

Mamata:“Selecting the Right Business” (ʻIkai ha vitiō? Lau ʻa e peesi 28.)

Lau:Tau lau ʻa e fakahinohino ko ʻení pea fai ʻa e ngāue ʻi he peesi hono hokó.

ʻĪmisi
right business diagram

KO HONO FILI ʻO E PISINISI TOTONÚ

1 Ko e hā ʻoku fie fakatau ʻe he kakaí?

KAU FAKATAÚ, NGAAHI KOLOÁ

2 Ko e meʻa te u lava ʻo maʻú?

NGAAHI PŌTOʻI NGĀUÉ, NGAAHI MANAKÓ, TAUKEÍ

3 Ko e meʻa ʻokú ne “fakafaingofuaʻi ʻa e hū ki lotó”?

FEʻAUHÍ, KAUTAHA HŪ KOLOA MAÍ, KO E SINOʻI PAʻANGA ʻO E PISINISÍ

4 Ko e meʻa te ne fakalahi ʻeku paʻanga hū maí?

PAʻANGA HŪ MAI FEʻUNGA/TUPÚ

KO E PISINISI LELEI MAʻAKÚ!

ʻE founga fēfē haʻaku fili ʻa e pisinisi totonú?

Akoako Fakahoko:Ko e hā ʻa e faʻahinga pisinisi kuó ke fakakaukauʻí: meʻakai, talitali kakaí, tokangaʻi ʻo e moʻuí, monomonó, langá, faʻu koloá, ngaahi ngāue, pe ko ha meʻa kehe?

Ngāue ʻaki ʻa e ngaahi fehuʻi ʻe fā ʻi he fakatātā ʻi he peesi ki mu‘á ke tokoni ʻi hoʻo fakasiʻisiʻi hoʻo ngaahi filí. Fakatokangaʻi ʻa e ngaahi sīpinga ʻi toʻomataʻú. Hiki ha faʻahinga pisinisi ʻe taha pe ua ʻokú ke saiʻia ai:

Ko e kau maʻu pisinisi leleí ʻoku nau fakakaukau lahi ka ʻoku nau kamata siʻisiʻi.

Sīpingá:

Meʻakaí, Fakatau atú

Fakahoko pau ange ki he tokotaha hoko atu kiate koé ʻa e ngaahi fehuʻi ko ʻení. Hiki hoʻo ngaahi talí.

  1. ʻI hoʻo pisinisí, pe ko e faʻahinga kalasi pisinisi ʻokú ke manako aí, ko e hā ha ngaahi fie maʻu pau ʻa e tokotaha fakataú kuó ke fakatokangaʻi? Ko e hā ʻe fakatau ʻa he kakaí?

    Hikinga uá pe kiʻi kai maʻamaʻá

    Kiʻi meʻakai maʻamaʻa ki he hoʻataá, efiafí

  2. Ko e fē ʻa e ngaahi fie maʻu ʻe lava ke maʻu ʻe hoʻo pisinisí? Ko e hā ʻa e meʻa ʻokú ke lelei aí, pe meʻa ʻokú ke manako hono faí?

    ʻOku ou saiʻia ke teuteuʻi ʻo e meʻakaí

    ʻOku ou sai ʻi he fakatau atú

  3. Ko e hā ha faʻahinga pisinisi pau ʻe lava ke faingofua hao kamata, pe ʻe founga fēfē hao langaki pe liliu hoʻo pisinisi lolotongá ke tupu lahi ange? Fakakaukau ki he ngaahi pisinisi feʻauʻauhí, ngaahi kautaha hū koloa maí, mo e paʻanga ʻoku fie maʻú.

    Koloa faingofua

    Fakamole siʻisiʻi ke kamata ʻaki

    Siʻi ʻa e feʻauhí

  4. ʻE founga fēfē hano fakaʻatā koe ʻe hoʻo pisinisí ke fakalahi hoʻo paʻanga hū maí mo ke moʻui fakafalala lahi ange kiate koe.? Ko fē ʻa e tafaʻaki te ke lava ai ʻo maʻu ha tupú?

    Tokolahi ʻa e kau fakataú

Hiki he taimí ni ha ngaahi pisinisi pau ʻokú ke fie ʻilo ki ai:

Fanga kiʻi meʻakai ʻe lava ke feʻaveaki?

ʻAisi kilimí? Fuaʻiʻakaú?

Faʻahinga meʻa fakafiefia?

ʻE founga fēfē haʻaku lava ʻo ako mei he kau maʻu pisinisí?

Lau:ʻI heʻetau maʻu ko ʻeni ha ngaahi fakakaukau fekauʻaki mo ʻetau pisinisí, te tau fai ha fakatotolo ki hono tuʻuaki atú ke siviʻi ʻa ʻetau ngaahi foʻi fakakaukaú pea mo ʻilo lahi ange. Te tau siofi ʻa e kakaí, talanoa mo e kau fakataú, talanoa mo e ngaahi pisinisi ʻoku tau feʻauhi mo iá, mo ʻahiʻahiʻi ha ngaahi koloa. Pea te tau ʻilo ʻa e ngaahi fie maʻu moʻoní mo e talí.

Mamata:“Talking to Business Owners” (ʻIkai ha vitiō? Hoko atu hono laú.)

Akoako Fakahoko:Ako fakahoko ʻa e ngaahi fehuʻi te ke fai ki he kau maʻu pisinisí ʻi he uike ní mo e tokotaha ʻi ho tafaʻakí. Fefakamatalaʻaki hoʻomou pisinisí pe faʻahinga pisinisi ʻokú ke fie kamatá. Taufetongi ʻi hono fakafeʻiloaki kimoutolú mo fai ʻa e ngaahi fehuʻi ʻi laló. Fevahevaheʻaki pea feinga ke toe fai ia.

Aleaʻi:Ko ʻene lava pē ʻa e taha kotoa ʻo ʻahiʻahi tuʻo tahá, aleaʻi mo e kulupú: Ko e taimi te mou ō ai ʻo talanoa mo e kau maʻu pisinisí, ko e hā te ke fehuʻi angé? Hiki ʻi heni ʻa e meʻa naʻá ke akó:

ʻĪmisi
notebook icon
Lau:

ʻI hoʻo talanoa mo e kau maʻu pisinisí ʻi he ʻaho kotoa pē he uike ní, hiki ʻa e meʻa ʻokú ke akó ʻi hoʻo tohi pisinisí.

Mamata:Vakai ki he founga naʻe kamata ʻaki ʻe Siosefa mo Sione ʻa e pisinisi foʻoú. Mamata ʻi he “Joseph and John: Medical Products.” (ʻIkai ha vitiō? Hiki ki he peesi hokó.)

ʻE founga fēfē haʻaku lava ʻo ako mei he kau fakataú?

Lau:Ko e kau maʻu pisinisi leleí ʻoku nau ako fakaʻaho mei he kau fakataú. Te tau lava ʻo ako ha meʻa lahi ʻaki haʻatau siofi ʻa e kau fakataú pea talanoa mo kinautolu. ʻOku nau langa pe holoki ʻetau pisinisí. Tau fakafanongo mo ako!

Ko e kau maʻu pisinisi leleí ʻoku nau ako fakaʻaho mei he kau fakataú.

Mamata:“Talking to Customers” (ʻIkai ha vitiō? Hoko atu hono laú.)

Akoako Fakahoko:Akoako ʻa e ngaahi fehuʻi te ke fai ki he kau fakataú ʻi he uike ní, mo ha mēmipa kehe ʻo e kulupú. Fakakaukau pē ko e tokotaha ko ʻeé ko hoʻo taha fakatau ia. Aleaʻi ha niʻihi ʻo e ngaahi fehuʻi ʻi laló ʻi heʻenau fekauʻaki mo hoʻo pisinisí pe fakakaukau ki he pisinisí. Hiki ʻa e ngaahi fakamatalá. Hili ia peá mo fetongi. Fevahevaheʻaki ʻa e ngaahi fakamatala ʻaongá mo ako fakahoko ha faʻahinga vaivaiʻanga.

ʻĪmisi
notebook icon
Lau:

ʻI hoʻo talanoa ʻi he ʻaho kotoa pē ʻi he uiké ni mo e kau fakataú, hiki ʻa e meʻa ʻokú ke akó ʻi hoʻo tohi pisinisí.

Aleaʻi:Ko e hā ʻa e meʻa te ke fehuʻi ange ki he kau fakataú ʻi he uike ní? Hiki hoʻo ngaahi fakakaukaú heni pe ʻi hoʻo tohi pisinisí:

ʻE founga fēfē haʻaku fakaʻaongaʻi ʻa e fakatotolo ki he fakamāketí?

Lau:Ko e taimi te tau fakahoko ai ʻa e fakatotolo ki he fakamāketí, ʻe fie maʻu ke tau fakafuofuaʻi ʻa e meʻa ʻoku tau akó. Tau akoako fakahoko ʻa e founga fakafuofuaʻí.

Akoako Fakahoko:Fili ha mēmipa kehe mei he kulupú ke mo ngāue. Vakai taimi nounou ki he tupú, feʻauʻauhí, mo e ngaahi kautaha hū koloa maí ʻi he ongo pisinisi ko ʻení.

FAKATAUʻANGA FUAʻIʻAKAU

FAKAFUOFUAʻI

Lahi naʻe fakatau atú (ʻavalisi fakaʻahó)

200

Lahi ʻo e ʻiunití / Māhiná

5000

Totongi ki he fakatau atú

5 ki he konga (ʻavalisi)

Fakatau atú / Māhiná

25000

Mahuʻinga hono fakatau maí

4 ki he konga (ʻavalisi)

Fakamolé / Māhiná

(20200)

Feʻauʻauhí

fakatauʻanga fuaʻiʻakau ʻe 6

TUPÚ

4800

Ngaahi kautaha ʻoku nau hū koloa maí

Kautaha hū koloa mai ʻe 2, mamaʻó

VALA ʻO E FĀNAÚ

FAKAFUOFUAʻÍ

Lahi ʻo e fakatau atú (ʻavalisi fakaʻahó)

20

Lahi ʻo e ʻiunití / Māhiná

500

Totongi ki hono fakatau atú

100 ki he taha (ʻavalisi)

Fakatau Atú / Māhiná

50000

Mahuʻinga hono fakatau maí

80 ki he taha (ʻavalisi)

Fakamolé / Māhiná

(40000)

Feʻauʻauhí

Hala ha taha ʻe ofi mai

TUPÚ

10000

Ngaahi kautaha ʻoku hū koloa maí

Kautaha hū koloa mai ʻe 3, ofi mai

Aleaʻi:Ko e fē ʻa e pisinisi te ke filí? Ko e hā hono ʻuhingá?

Mei he meʻa kuo tau aleaʻi he ʻaho ní, ko e hā mo ha toe fehuʻi te ke fai ki he ngaahi pisinisi ko ʻení pe ko ʻenau kau fakatau?

Lau:Te tau fakapapauʻi ʻa ʻetau pisinisí ʻi he meʻa te tau ako ki ai he uike ní! Te tau fakamanatu ʻi he lolotonga ʻo e uiké ʻa e ngaahi meʻa kotoa naʻa tau akó pea ō mai ki he fakataha hono hokó mo ha fakakaukau ʻo ha pisinisi (tatau ai pē pe ko ha pisinisi foʻou pe pisinisi naʻe fakaleleiʻi). Kapau kuo tau ʻosi maʻu ha pisinisi, te tau fakapapauʻi pe ko e lelei taha ia kiate kitautolú.

Paaki