Ngaahi Pulusinga Kimuʻá
Maʻá e Kau Tokoní (Facilitators)

Maʻá e Kau Tokoní

ʻI he ʻaho ʻo e fakatahá:

  • Text pe telefoni ki he kau mēmipa kotoa ʻo e kulupú. Fakaafeʻi ke nau vave mai ʻaki ha miniti ʻe 10 ke lipooti ʻenau ngaahi tukupaá.

  • Teuteu ʻa e ngaahi nāunau ʻo e fakatahá.

ʻI ha miniti ʻe 30 kimuʻa ʻi he fakatahá:

  • Fokotuʻutuʻu takatakai ʻa e ʻū seá ʻi ha tēpile koeʻuhí ke vāofi ʻa e tokotaha kotoa pē.

  • Tā ʻa e saati tukupā ko ʻení ʻi he palakipoé mo e ngaahi hingoa ʻo e kakai ʻi hoʻomou kulupú (vakai, sīpinga ʻi laló).

    Hingoa ‘o e mēmipa ‘i he kululpú

    Naʻe ʻomai ʻa e ngaahi lekooti ʻo e paʻanga hū maí mo e fakamolé (ʻIo/ʻIkai)

    Naʻe lavaʻi ʻa e taumuʻa pisinisi fakauiké (ʻIo/ʻIkai)

    Naʻe akoako fakahoko ʻa e tefitoʻi moʻoni ʻi he Fakavaʻé mo akoʻi ia ki he fāmilí (ʻIo/ʻIkai)

    Naʻe fakahū ha paʻanga ki he ʻakauní (ʻIo/ʻIkai)

    Naʻe lipooti ki he hoa ngāué (ʻIo/ʻIkai)

    Kolōlia

    I

    I

    I

    I

    I

ʻI ha miniti ʻe 10 kimuʻa he fakatahá:

  • Talitali fiefia ʻa e kakaí ʻi heʻenau aʻu maí.

  • ʻI he aʻu mai ʻa e kau mēmipa ʻo e kulupú, kole ange ke nau fakakakato ʻa e saati tukupā ʻi he palakipoé. Fakamanatuʻi ange foki, ke nau huke ki he peesi 197 pea fakatonutonu ʻenau fakalakalaka ke maʻu ʻa e tohi fakamoʻoní.

  • Vaheʻi ha tokotaha ke tauhi taimi.

ʻI he taimi kamatá:

  • Kole ki he kakaí ke tāmateʻi ʻenau ngaahi telefoní mo e ngaahi meʻangāue kehé.

  • Fakahoko ha fua lotu (mo e himi, kapau ʻe fie maʻu).

  • Kole leʻo siʻi kiate kinautolu ʻoku aʻu tōmui maí ke tāmateʻi ʻenau ngaahi telefoní mo fakakakato ʻa e saati tukupaá he lolotonga ʻo e kei fealēleaʻaki ʻa e kulupú.

  • Seti ʻa e uasí ke miniti ʻe 20 ʻa e Ko Hoku Fakavaʻé.

  • Fakakakato ʻa e tefitoʻi moʻoni hono 7 ʻi he Ko Hoku Fakavaʻé. Hili ia pea foki ki he tohi ngāue ko ʻení ʻo hoko atu hono laú ʻi he peesi hono hokó.