Ngaahi Maʻuʻanga Tokoní
Te u Lava ʻo Fakatau mai ha Ngaahi Koloa Lahi Ange? (Konga I)
Fili ha taha pea fakatātaaʻi ʻa e meʻa ko ʻení:
MALIA: Nāomi, naʻá ku fakakaukau ke fakatau mai ha fanga moa lahi ange. ʻOku ou fie maʻu ha ngaahi koloa ʻoku ʻaongá ke langaki ʻeku pisinisí.
NĀOMI: ʻOku ngali ko ha fili lelei ia kiate au. Te ke lava ʻo totongi ʻa e fanga moá?
MALIA: Totongi? ʻIo, ʻoku ou fai ha nō ki he fanga moá.
NĀOMI: Ko e fiha ʻokú ke fakakaukau ke nōʻí?
MALIA: Ko e noó ko e 1500.
NĀOMI: Ko e hā ʻoku 1500 aí?
MALIA: ʻOku ou ʻilo ha taha ʻokú ne fakatau atu ʻa e moa ʻe 15 ki he 1500. Ko ha mahuʻinga lelei ia.
NĀOMI: Ko e hā ʻoku ʻai ai ke 15 ʻa e fanga moá?
MALIA: Ko e lahi pē ia ʻokú ne maʻú.
NĀOMI: ʻOkú ke maʻu ha paʻanga fehūfaki feʻunga ki he moa ʻe 15?
MALIA: ʻIo … ka … ko e fakafuofua pē. ʻOku ʻikai ke u ʻilo ʻe au.
NĀOMI: Ko e hā ʻa e ngaahi totongi fakamāhiná?
MALIA: Naʻá ku talanoa mo ha kautaha nō ʻe taha, peá ne pehē ʻe 275 ʻi he māhina.
NĀOMI: ʻOkú ke maʻu ha paʻanga feʻunga ʻi he māhiná takitaha ke fai ʻaki ʻa e totongi e noó?
MALIA: ʻOku ou fakaʻamu pē.
NĀOMI: Malia, ʻoku ʻikai totonu ke ke fakaʻamu ʻataʻatā pē. ʻOku fie maʻu ke ke ʻiloʻi pe te ke maʻu ha paʻanga feʻunga ke fai ʻaki ʻa e totongi noó.
MALIA: Ka te u ʻiloʻi fēfē?
Foki ki he peesi 108
ʻE Lava Ke u Fakatau ha Koloa Lahi Ange? (Konga II)
Fili ha taha pea fakatātaaʻi ʻa e mea ko ʻení.
MALIA: Naomi, mālō hoʻo fakahinohino mai ʻa e founga ke ʻilo ai ʻeku paʻanga ʻoku maʻú. Naʻe mei kovi ʻaupito kiate au ʻa e totongi nō 275 he māhiná. Naʻe mei ʻosi pē ʻeku paʻangá ʻi he māhina hono tolú. Naʻe ʻikai ke mei lava hano totongi ʻa e noó. Naʻe mei mole ʻeku pisinisí!
NĀOMI: Malia, ʻoku ou fiefia ʻi heʻeta vakai ki hoʻo paʻanga ʻoku maʻú kimuʻa peá ke toki noó.
MALIA: Mo au. Ka te u ʻilo fēfē ʻa e lahi ʻo e meʻa te u lava ʻo totongí?
NĀOMI: Sai, ta toe ʻahiʻahi ka ʻi ha kiʻi nō siʻisiʻi ange.
MALIA: ʻIo. Te u feinga ki ha nō ʻe totongi 150 pe te u lavaʻi ia.
Foki ki he peesi 113