Ako
ʻOku fekauʻaki fēfē ʻa e ngaahi meʻá kotoa?
-
Taimí:Seti ʻa e uasí ke miniti ʻe 60 ʻa e konga ki he Akó.
-
Mamata:“We Can Do This!” (ʻIkai ha vitiō? Lau ʻa e peesi 192.)
-
Akoako Fakahoko:ʻOku lelei ange ʻa e pisinisi ʻa Maliá mei he uike ʻe 12 kuo hilí. ʻOku lelei ange fēfē hoʻo pisinisí mei he uike ʻe 12 kuo hilí? Ngāue mo ha mēmipa ʻo e kulupú. Toʻo ki ʻolunga hoʻo Mape ki he Ola Lelei ʻo e Pisinisí. Fehuʻi ange, “Kuo fakatupulaki fēfē ʻe he ___ (meʻa mei he mapé) ʻa hoʻo pisinisí?”
Hangē ko ʻení: “Kuo fakatupulaki fēfē ʻe hono ngāue ʻaki ha kau hū koloa tokolahí ʻa hoʻo pisinisí?”
Taufetongi ʻi he fefehuʻiʻaki ha ngaahi fehuʻi ʻi ha miniti ʻe ua.
-
Lau:Te tau lava ʻo fai ʻeni! Naʻe ʻosi ola lelei. Kuo tau ʻosi kamata mo fakatupulaki ʻetau pisinisí! ʻOku fie maʻu ke tau hokohoko atu ʻi hono fakaleleiʻi ʻetau pisinisí mo fakalahi ʻetau tupú.
-
Lau:FEHUʻI ʻO E UIKÉ—ʻE founga fēfē haʻaku fakalahi ʻeku tupú? ʻE founga fēfē haʻaku hoko atu ke ako pea mo fakatupulakí?
NGĀUE ʻO E UIKÉ—Te u fokotuʻu ha ngaahi taumuʻa ki heʻeku pisinisí. Te u teuteuʻi ha fakamatala fekauʻaki mo ʻeku pisinisí.
ʻE founga fēfē haʻaku lavaʻi ʻeku ngaahi taumuʻa pisinisí?
-
Aleaʻi:Lau ʻa e kupuʻi lea ʻi toʻomataʻú. Ko e hā ha ngaahi taumuʻa ʻokú ne “fakamāfanaʻi hoʻo fakakaukaú mo fakatupu ha vēkeveke ʻi ho lotó”?
-
Akoako Fakahoko:Hiki ha taumuʻa ʻe tolu ʻokú ke maʻu ki hoʻo pisinisí. ʻAi ke miniti ʻe ua.
Ngāue mo ha toko ua kehe. Vakai ki he ongo taumuʻa ʻi laló.
ʻOku ou loto ke u toe lelei ange ʻi hono tokangaʻi ʻeku paʻangá koeʻuhí he ʻoku ʻikai ke u faʻa maʻu ha paʻanga feʻunga ke totongi ʻaki ʻeku ngaahi fakamolé kotoa, tuku kehe kapau te u kole ki hoku fāmilí, ka ʻoku faʻa faingataʻa he taimi ʻe niʻihi koeʻuhí he ʻoku ʻikai ke nau faʻa maʻu maʻu pē ha paʻanga feʻunga.
Te u liunga ua ʻeku tupú ʻi he māhina ka hokó.
Tali ʻa e ngaahi fehuʻi ʻi laló. Fakamatalaʻi ʻa e ʻuhinga naʻá ke fili takitaha ai kinautolú.
-
Ko e fē ʻa e taumuʻa ʻoku fakafiefia angé?
-
Ko e fē ʻa e taumuʻa ʻoku faingofua ange hono manatuʻí?
-
Ko e fē ʻa e taumuʻa ʻoku faingofua ange hono fuatautaú (ko hono ʻiloʻi kuó ke aʻusia ʻa e taumuʻá)?
ʻOku fokotuʻu ʻe he kau pisinisi leleí ha ngaahi taumuʻa ʻoku fakafiefia mo lava ke fuatautau.
-
-
Lau:ʻOku fokotuʻu ʻe he kau pisinisi leleí ha ngaahi taumuʻa ʻoku fakafiefia, faingofua ke manatuʻi, mo faingofua ke fuatautau.
-
Akoako Fakahoko:Toe hiki pē hoʻo taumuʻa ʻe tolu ki hoʻo pisinisí. Fakaʻaongaʻi ha miniti ʻe ua ke ʻai hoʻo ngaahi taumuʻá ke fakafiefia, faingofua ke manatuʻi, mo faingofua ke fuatautau hono olá.
Tuʻu kotoa ki ʻolunga he taimí ni mo tāpuniʻi hoʻomou tohi ngāué. Tafoki ki he tokotaha ʻi ho tafaʻakí ʻo talaange hoʻo taumuʻa fakafiefia tahá. Hoko fakavavevave atu ki he taha hoko maí kae ʻoua kuó ke fakahā ia ki he taha kotoa.
Toe foki ki he kulupú. Vahevahe ha taumuʻa ʻa ha taha kehe mo e kulupú (ʻoua te ke vahevahe hoʻo taumuʻa ʻaʻaú).
-
Aleaʻi:Naʻe fakafiefia, faingofua ke manatuʻi, mo faingofua ke fuatautau hoʻo ngaahi taumuʻá?
-
Lau:ʻOku ʻikai hoko-noa pē ʻa e ngaahi taumuʻá koeʻuhí ko haʻatau fie maʻu ke hoko. Kuo pau ke tau ngāue mālohi ke aʻusia ʻetau ngaahi taumuʻá. Lau ʻa e kupuʻi lea ʻa Palesiteni Monisoni ʻi he toʻomataʻú.
-
Akoako Fakahoko:Toe hiki hoʻo taumuʻá ʻe tolu ʻi lalo. Hiki ʻa e meʻa ʻokú ke palani ke fai ke aʻusia ai hoʻo ngaahi taumuʻá (ʻoku ʻoatu heni ha sīpinga).
TAUMUʻA
KO E HĀ TE U FAI KE AʻUSIA AI ʻEKU TAUMUʻÁ
Te u liunga ua ʻeku tupú ʻi he māhina ka haʻú ʻaki haʻaku fakaava ha fakatauʻanga ʻi ha hala femoʻuekina.
Te u tuku ki hoku fohá ke ne fakalele ʻa e pisinisí ka u kumi ʻe au ha feituʻu lelei ki heʻeku fakatauʻanga foʻoú.
Te u tufaki ha ngaahi sīpinga koeʻuhí ke ʻiloʻi ʻe he kakaí mo nau fakatau meiate au.
ʻOku ʻikai ke teitei foʻi ʻa e kau pisinisi leleí.
-
Lau:ʻOku ngalingali te tau faingataʻaʻia mo loto mamahi ʻi heʻetau ngāueʻi ʻetau ngaahi taumuʻá. ʻOku ʻikai ke teitei foʻi ʻa e kau pisinisi leleí, pea ʻoku nau palani ha ngaahi founga ke ikunaʻi ai ʻa e ngaahi faingataʻá. Lau e talanoa ʻi laló.
-
Hiki:Fakamatalaʻi ha ngaahi fakakaukau ki ha ngaahi founga te ke lava ai ʻo ikunaʻi ʻa e ngaahi faingataʻá ke lavaʻi hoʻo ngaahi taumuʻá. Manatuʻi ʻe lava ke tokoniʻi koe ʻe he ʻEikí pea ʻe lava mo ha kakai kehe ke tokoniʻi koe. Hiki hoʻo ngaahi fakakaukaú ʻi lalo.
ʻE founga fēfē haʻaku teuteu ki he tānaki tuʻungá?
-
Lau:Ko ha konga ʻo e tānaki tuʻungá, te tau takitaha tuʻu ai ʻo fakamatalaʻi ʻetau pisinisí ki ha kau maʻu pisinisi kehe, kau mēmipa ʻo e fāmilí, mo e ngaahi mahení. Muimui ʻi he ngaahi fakahinohino ʻi laló ʻi hoʻo mamata ʻi he foʻi vitioó.
-
Mamata:“My Business in Five Minutes” (ʻIkai ha vitiō? ʻE lava ke lau ʻe he tokotaha tokoní ʻa e peesi 193 kae muimui ʻa e tokotaha kotoa ʻi he ngaahi fakahinohino ʻi laló.)
KO ʻEKU PISINISÍ ʻI HA MINITI ʻE NIMA: NGAAHI FAKAHINOHINÓ
Konga 1:
Fakamatalaʻi hoʻo pisinisí ʻo ʻoua naʻa aʻu ʻo miniti ʻe taha.
Konga 2:
Fakamatalaʻi ʻa e anga hono fakaleleiʻi lahi hoʻo pisinisí ʻe he tali ʻo e ngaahi fehuʻi ko ʻení ʻo ʻoua naʻa aʻu ʻo miniti ʻe taha :
-
Ko e hā ʻoku fie fakatau ʻe he kakaí?
-
ʻE founga fēfē haʻaku fakatau atu?
-
Te u mapuleʻi fēfē ʻa e ngaahi fakamolé?
-
ʻE founga fēfē haʻaku fakalahi ʻa e tupú?
-
ʻE founga fēfē ʻeku fakalele ʻeku pisinisí?
Konga 3:
Fakamatalaʻi ʻa e founga hoʻo fakalahi hoʻo paʻanga ʻoku fakahuú mo tauhi ʻa e ngaahi lekooti fakapaʻangá ʻo ʻoua naʻa laka hake ʻi he miniti ʻe tahá.
-
Ko e uike nai ʻe fiha naʻá ke fakahū ai ha paʻanga ki hoʻo ʻakauní? ___
-
Ko e uike nai ʻe fiha naʻá ke tauhi ai ʻa e ngaahi lekooti fakapaʻanga ʻo e pisinisí? ___
-
Ko e uike nai ʻe fiha naʻá ke tauhi ai hoʻo lekooti fakapaʻanga fakatāutahá? ___
Konga 4:
Fakamatalaʻi ha meʻa ʻe taha te ke fai ke fakaleleiʻi ai hoʻo pisinisí ʻo ʻoua naʻa laka hake ʻi he miniti ʻe tahá.
Konga 5:
Fakamatalaʻi ha taumuʻa pisinisi ʻe taha ʻokú ke maʻu mo e founga te ke lavaʻi ai hoʻo taumuʻá ʻo ʻoua naʻa laka hake ʻi he miniti ʻe tahá.
-
-
Akoako Fakahoko:Fakakaukau ki he meʻa te ke fie fakamatalá ʻi he lolotonga ʻo e uiké. Hiki hoʻo ngaahi fakakaukaú ʻi hoʻo kiʻi tohi pisinisí. Akoako fakahoko hono fai hoʻo fakamatalá ki ho fāmilí pe ngaahi kaungāmeʻá. Haʻu mateuteu ke vahevahe hoʻo fakamatala fakapisinisí. (Kapau ʻokú ke loto ki ai, te ke lava ʻo ngāue ʻaki ha fanga kiʻi fakamatala, saati, pe ha ngaahi nāunau tokoni fakafaiako.)
Ko e hā te u fai ʻi he ʻosi ʻa e tānaki tuʻungá?
-
Lau:ʻOku ʻikai tuku ʻa e ako ʻa e kau pisinisi leleí. Te tau lava ʻo ako mei he ngaahi tohí, kau pisinisi kehe, ngaahi kalasi, mo feakoʻaki.
Hangē ko ʻení, mahalo te ke fakakaukau ke lesisita fakalao hoʻo pisinisí. ʻE lava hano aleaʻi ʻeni mo e kau mēmipa hoʻo kulupú pe kau mēmipa ʻo ha kosilio pisinisi ke ke ʻilo ai ʻa e taimi mo e founga ke fakahoko ai iá.
ʻOku ʻikai tuku ʻa e ako ʻa e kau pisinisi leleí.
-
Aleaʻi:Te ke loto ke mou kei hoko atu ʻo fakataha fakakulupu? Te ke loto ke fakataha mo e ngaahi kulupu kehe ʻi he siteikí?
-
Lau:Kapau te tau loto ke kei fakataha, te tau lava ʻo faʻu haʻatau ʻasenita pe muimui ʻi ha ʻasenita hangē ko ʻení:
ʻOku ou fakaʻau nai ke u moʻui fakafalala lahi ange kiate au?
-
Lau:ʻĪmisiMy Path to Self-Reliance cover
Ko ʻetau taumuʻa ke moʻui fakafalala pē kiate kitautolu, fakatuʻasino mo fakalaumālie fakatouʻosi. Ko ha konga pē ʻo e taumuʻa ko iá ʻa hono ʻai ke ola lelei ʻa e pisinisí.
-
Aleaʻi:Ko e hā ha liliu kuó ke fakatokangaʻi ʻi hoʻo moʻuí ʻi hoʻo akoako fakahoko mo akoʻi ʻa e ngaahi tefitoʻi moʻoni ʻo e Ko Hoku Fakavaʻé?
-
Akoako Fakahoko:Fakaava homou kiʻi tohi Ko Hoku Hala ki he Moʻui Fakafalala pē Kiate Kitá ki ha kiʻi sivi ʻoku teʻeki fai ʻo e moʻui fakafalala pē kiate kitá (ʻi he tafaʻaki ki muí). Fakakakato ʻa e ngaahi sitepú.
Ko hoʻo ʻosi pē, ʻai ha miniti ʻe tolu ke ke fakalaulau loto ai ki he meʻa ko ʻení:
‘Okú ke fakatokanga’i lahi ange ho’o ngaahi fakamolé? Te ke lava he taimí ni ‘o tali “fa’a” pe “ma’u pē” ki ha konga lahi ange ‘o e ngaahi fehu’i ko ‘ení? ‘Okú ke falala lahi ange ki he lahi ‘o e pa’anga kuó ke fokotu’u ko ho’o paʻanga hū mai ‘okú ke mo’ui fakafalala ai kiate koé? ‘Okú ke ofi ange ke a’usia ho’o pa’anga hū mai te ke mo’ui fakafalala ai pē kiate koé? Ko e hā ha me’a te ke lava ‘o fai ke ke fakalakalaka ai?