Ngaahi Maʻuʻanga Tokoní
ʻOku ʻIkai ke u ʻIlo!
Fili ha taha pea fakatātaaʻi ʻa e meʻa ko ʻení.
Konga 1
MEKISUELE: Taniela, kuó u haʻu ke maʻu ʻeku vahe ki he ngāue naʻá ku fai ʻi he ʻaho Pulelulu kuo ʻosí.
TANIELA: Naʻe ʻikai ke u ʻosi totongi koe? ʻOku ou tui naʻá ku ʻosi totongi koe.
MEKISUELE: ʻIkai, naʻe ʻikai. Naʻe faʻa hiki maʻu pē ia ʻe he tama ʻe taha naʻá ku ngāue ki aí. ʻOku ʻi ai hao lekooti ʻo hoʻo totongi aú?
TANIELA: ʻIkai, ka naʻá ku pehē kuó u ʻosi totongi koe.
MEKISUELE: Te ke ʻilo fēfē kapau ʻoku ʻikai ke ke hiki ia?
Taniela: ʻOku ou fakamahamahalo pē. … ʻOku ʻikai ke u ʻilo.
Konga 2
SĒMISI: Taniela, fakafiefia ke u sio kia koe. ʻOku fēfē ʻa e pisinisí?
TANIELA: ʻOku ou femoʻuekina.
SĒMISI: ʻOku lelei ʻa e femoʻuekiná. ʻOku maʻu ha tupu?
TANIELA: ʻIo … ʻoku ou tui pē.
SĒMISI: ʻOkú ke tui pehē? Ko e hā hoʻo ʻuhingá?
TANIELA: Ko hono moʻoní, ʻoku ʻikai ke u tauhi ha lekooti. ʻOku ou femoʻuekina ʻi he foʻu nāunau falé. ʻOku ou tauhi pē ia ʻi heʻeku fakakaukaú mo ʻamanaki ʻe lelei ʻa e meʻa kotoa.
SĒMISI: Moʻoni? ʻOku ʻikai ke ke hiki hoʻo paʻanga hū maí mo hoʻo fakamolé mo fikaʻi hoʻo tupú pe molé?
TANIELA: ʻIkai. ʻOku ʻikai ko ha tokotaha tauhi tohi au. ʻOku ou faʻu nāunau fale.
SĒMISI: Kuo pau ke tauhi ʻe he taha pisinisi kotoa pē ha lekooti. Ko e founga pē taha ia te ke ʻilo ai pea ʻoku lele lelei hoʻo pisinisí pe ʻikaí. Sai, te u toe fehuʻi atu. ʻOku maʻu hao tupu?
TANIELA: ʻAaah … ʻOku ʻikai ke u ʻiloʻi.
SĒMISI: ʻOku lahi pe siʻisiʻi ange hoʻo paʻanga ʻoku maʻu he māhina ní pe māhina kuo ʻosí?
TANIELA: ʻOku ʻikai ke u ʻiloʻi.
SĒMISI: Kātaki, muimui ʻi heʻeku faleʻí ʻo tauhi ha lekooti koeʻuhí ke ke ʻiloʻí.
Foki ki he peesi 48
Ko ha Uike ʻe Taha ʻi he Pisinisi Nāunau Fale ʻa Tanielá
-
Lau:Lau ʻa e sīpinga ko ʻeni ʻo e pisinisi nāunau fale ʻa Tanielá.
Naʻe ʻilo ʻe Taniela ʻi he hili haʻane fai ha fanga kiʻi fakatotolo mo talanoa ki ha ngaahi pisinisi kehe mo ha kakai fakatau (1) ʻoku ʻikai saiʻia ʻa e kakaí ʻi he nāunau fale ngaohi mei he ukameá he ʻoku fuʻu ʻafu ʻi he taimi māfaná, (2) ʻoku faingataʻa ange hono ngaohi ʻo e nāunau fale ukameá, pea (3) ʻoku fakamole lahi ange hono ngaohi ʻo e nāunau ukameá ʻi he papá. Naʻe fakakaukau leva ke ne fakatau atu ʻa e nāunau fale papá kae ʻikai ko e nāunau fale ukameá.
ʻOku saiʻia ai ʻene kau fakataú! ʻOkú ne fakatau atu ha ngaahi nāunau fale lahi ʻaupito pea ʻoku hangē ʻoku lele lelei ʻa e pisinisí.
Foki ki he peesi 49