Ngaahi Maʻuʻanga Tokoní
Fakatau, Mole ʻa e Faktaú!
Fili ha taha pea pea fakatātaaʻi ʻa e meʻa ko ʻení.
MALIA: Mālō e Lelei, Silivia. ʻOkú ke fēfē hake he ʻahó ni?
SILIVIA: ʻOku ou sai pē, mālō. Ko hai ʻa ho tokoni he ʻaho ní?
MALIA: Ko hoku ʻilamutu ʻeni, ko Sōfiá.
SILIVIA: Taʻahine lelei tama! Ka, kuo maʻu ʻe hoku tuongaʻané ha ngāue. ʻOku kei nofo pē ʻi hoku ʻapí, ka ʻe tokoni he taimí ni ʻi he fakatau ʻo e meʻakaí.
MALIA: Naʻe kamata ngāue ʻanefē?
SILIVIA: ʻI he ʻahó ni pē!
MALIA: Ko ha meʻa fakafiefia ia ki ai—mo koe! Ka, ko e hā ʻa e meʻa ʻokú ke haʻu aí?
SILIVIA: ʻOku ou toe fie maʻu ha fuaʻimoa. Naʻe saiʻia ʻa e tokotaha kotoa ai pea naʻe hao ai ʻemau paʻanga lahi. ʻOku ou fie maʻu ha toe fuaʻimoa kehe ʻe valu mo ha hina huʻakau ʻe ua.
MALIA: ʻIo. Fakamālō atu Silivia ʻi hoʻo fakatau meiate au he ʻaho ní. ʻOfa ke ke maʻu ha ʻaho lelei!
SŌFIA: Na’e lahi ‘a e me‘a na’á ne to’ó. Ko e hā na’e ‘ikai ke ke kole ange ai ke u to’o ‘e au ‘a e fua’imoá mo e huakaú?
MALIA: ʻE Sōfia. ʻOkú ke moʻoni. Naʻe totonu ke fakakaukau ki ai. Naʻe ʻi ai haku faingamālie ke hiki ʻa e totongi fetuku koloá ki ai. Naʻá ku mei maʻu ha toe 10 kehe ʻi he fakatau ko iá.
Foki ki he peesi 168
Ko Hono Hiki ʻo e Totongi Fakataú
Fili ha taha pea fakatātaaʻi ʻa e meʻa ko ʻení.
SILIVIA: Ko ʻeku toe foki mai ki ha fuaʻimoa! Pea, ʻoku ou fie maʻu ha fuaʻimoa ʻe 10 he ʻahó ni koeʻuhí he ʻikai ke u lava ʻo toe foki mai ʻi ha ngaahi ʻaho siʻi.
MALIA: Fakaʻofoʻofa. Naʻá ku fakakaukau atu kiate koe. ʻOku meimei tokolahi tatau ʻa e kakai ʻokú ta fafangá pea ʻoku mau meimei kai ha fuaʻimoa ʻe 12. ʻOku nau sai ʻaupito kiate koe.
SILIVIA: Ko e palopalemá ko e founga hono ʻave ki ʻapí. Naʻá ku foaʻi ʻa e ua kimuʻa atu.
MALIA: Na’á ku hoha’a ki ai. Te u lava pē ‘o fekau ‘a Sōfia ke mo ō ke ne to’o ‘a e fua’imoá. ‘Oku mau fakamahu’inga’i hono ‘ave ke 10 pē. ‘Oku ki’i lahi ange hono totongí, ka he ‘ikai te ke toe hoha’a ai ki hono to’oto’ó. ‘Ikai ngata ai, ka mafoa ha taha lolotonga hono ‘ave ‘e Sōfiá, te mau fetongi ta’etotongi pē.
SILIVIA: ʻOkú ke ʻilo, ʻe tokoni ia. Sai, tau fai ia. Mālō.
MALIA: Ngali sai ia. Sōfia, mālō hoʻo tokoni kia Siliviá. Peá ke vave mai!
Foki ki he peesi 168
Fulihi Vave Mai ʻa e Koloá
Fili ha taha pea fakatātaaʻi ʻa e meʻa ko ʻení.
MALIA: Mālō e lelei, Nāomi. Ko e hā te u lava ʻo fai maʻau he ʻaho ní?
NĀOMI: ʻOku ou fie maʻu ha huʻakau.
MALIA: Fakaʻofoʻofa. ʻOku lahi ʻaupito.
NĀOMI: Malia, ʻoku namu kū ʻa e huʻakau ko ʻení. Ko e hā hono fuoloá?
MALIA: ʻOiauē! Kole fakamolemole atu. ʻOku ʻikai ke u fakapapauʻi. Naʻá ku fakatau mai ʻo lahi ke ʻoua naʻa ʻosi vave.
NĀOMI: ʻOku mahuʻinga ke lahi feʻunga maʻá e kau fakataú, ka ʻoku toe fie maʻu foki ke ke fulihi vave mai ʻa e koloá.
MALIA: Fulihi mai ʻa e koloá? Ko hoʻo ʻuhingá ki he hā?
NĀOMI: Ko e fulihi mai ʻo e koloá ko hono fakatau ia ʻo e meʻa kotoa naʻá ke fakatau mai mei he kautaha hū koloa maí.
MALIA: ʻOku ou feinga ke fulihi mai ʻeku koloá. Ka ko e taimi ʻe niʻihi ʻoku fuʻu fuoloa pea pau ai ke u laku ha huaʻakau ʻe niʻihi kuo kovi.
NĀOMI: Ko ia, ko e ʻuhinga ia ʻoku fie maʻu ai ke ke fulihi vave mai hoʻo koloá. Ko e maumau paʻanga hono laku ʻo e huʻakaú ʻi he ʻikai ke vave hoʻo fakataú. Ka ʻoku ʻikai ko e ʻuhinga pē ia ʻoku fie maʻu ai ke ke fulihi vave hoʻo koloá.
MALIA: Moʻoni?
NĀOMI: Malia, ʻoku haʻu mei fē ʻa e paʻanga ki he e kautaha ʻoku nau hū mai hoʻo huʻakaú?
MALIA: ʻOku ou tānau ha paʻanga mei hono fakatau kotoa pē ʻo e huʻakaú. Ko ʻene lahi feʻunga pē, ʻoku ou fakatau leva ha toe huʻakau.
NĀOMI: Malia, ko e lōloa ange hoʻo feinga ke fulihi mai hoʻo koloá, ko e lōloa ange ai pē ia hoʻo tatali ke fakatau ha huʻakaú.
Manatuʻi, ʻokú ke toki maʻu pē paʻangá ʻi hoʻo fakatau atú. Ko ia, ko e vave ange hoʻo fulihi mai hoʻo koloá, ko e lahi ange ia ʻo e paʻanga te ke maʻú.
ʻE fēfē kapau te ke lava ʻo fakatau atu kotoa hoʻo huʻakaú ʻi he ʻaho pē tolu? Pe ʻaho ʻe ua? Pe ʻi he ʻaho pē ko iá?
MALIA: He ʻikai ke kovi ha huʻakau ia, pea te u lava leva ke fakatau lahi mai mei he kautahá ʻo vave ange. Pea te u maʻu ha huʻakau lahi ange ke fakatau atu ki heʻeku kau fakataú mo maʻu haʻaku paʻanga lahi ange. Te u kamata fulihi vave mai leva ʻeku koloá!
Foki ki he peesi 172