Ngaahi Pulusinga Kimuʻá
Maʻá e Kau Tokoní

Maʻá e Kau Tokoní

ʻI he ʻaho ʻo e fakatahá:

  • Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau aʻu vave mai ʻaki ha miniti ʻe 10 kimuʻa ke lipooti ʻi heʻenau ngaahi tukupaá.

  • Teuteu ʻa e ngaahi nāunau ʻo e fakatahá.

ʻI he miniti ʻe 30 kimuʻa ʻi he fakatahá:

  • Fokotuʻutuʻu takatakai ʻa e ngaahi seá ʻi ha tēpile koeʻuhí ke vāofi ʻa e tokotaha kotoa pē.

  • Tā ʻa e saati tukupā ko ʻení ʻi he palakipoé mo e hingoa ʻo e kakai ʻi hoʻo kulupú (vakai, sīpinga ʻi laló).

    Hingoa ʻo e mēmipa ʻi he kulupú

    Vakaiʻi mo fakaʻekeʻeke ha kau pisinisi mo ha kau fakatau ʻe 10 (#) pe lahi ange

    Naʻá ku fili ha pisinisi foʻou pe ko ha founga ke fakaleleiʻi ai ʻeku pisinisí (ʻIkai/ʻIo)

    Naʻe lavaʻi ʻa e taumuʻa pisinisi fakauiké (ʻIkai/ʻIo)

    Naʻe akoako fakahoko ʻa e tefitoʻi moʻoni ʻi he Fakavaʻé mo akoʻi ia ki he fāmilí (ʻIkai/ʻIo)

    Naʻe fakahū ha paʻanga ki he ʻakauní (ʻIkai/ʻIo)

    Naʻe lipooti ki he hoa ngāué

    Kolōlia

    15

    I

    I

    I

    I

    I

ʻI he miniti ʻe 10 kimuʻa ʻi he fakatahá:

  • Talitali feifia ʻa e kakaí ʻi heʻenau aʻu maí.

  • Kole ange ʻi ha aʻu mai ʻa e kau mēmipa ʻo e kulupú ke nau fakakakato ʻa e saati tukupā ʻi he palakipoé. ʻIkai ngata ai, fakamanatu ange foki ke nau huke ki he peesi 197 mo fakatonutonu ʻenau fakalakalaka ke maʻu ʻa e tohi fakamoʻoní.

  • Vahe ha tokotaha ke tauhi taimi.

ʻI he taimi kamatá:

  • Kole ki he kakaí ke tāmateʻi ʻenau telefoní mo e ngaahi meʻangāue kehé.

  • Fakahoko ha fua lotu (mo e himi, kapau ʻe fie maʻu).

  • Kole leʻo siʻi ange ki he niʻihi ʻoku tōmui maí ke tāmateʻi ʻenau telefoní pea fakakakato ʻa e saati tukupaá, lolotonga ʻoku kei fealēleaʻaki ʻa e kulupú.

  • Seti ʻa e uasí ke miniti ʻe 20 ʻa e Ko Hoku Fakavaʻé.

  • Fakakakato ʻa e tefitoʻi moʻoni hono 3 ʻi he Ko Hoku Fakavaʻé. Hili ia pea foki mai ki he tohi ngāue ko ʻení ʻo hoko atu hono lau ʻa e peesi hono hokó.

Paaki