Ngaahi Pulusinga Kimuʻá
Maʻá e Kau Tokoní

Maʻá e Kau Tokoní

ʻI he ʻaho ʻo e fakatahá:

  • Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻi ha miniti ʻe 10 kimuʻa ke lipooti ki heʻenau ngaahi tukupaá.

  • Teuteu ʻa e ngaahi nāunau ʻo e fakatahá.

Miniti ʻe 30 kimuʻa ʻi he fakatahá:

  • Fokotuʻutuʻu takatakai ʻa e ʻū seá ʻi ha tēpile koeʻuhí ke lava ʻo vāofi ʻa e tokotaha kotoa pē.

  • Tā ʻa e saati tukupā ko ʻení ʻi he palakipoé mo e ngaahi hingoa ʻo e kakai ʻi hoʻo kulupú (vakai, sīpinga ʻi laló).

    Hingoa ʻo e mēmipa ʻi he kulupú

    Naʻá ku talanoa ki ha ngaahi kautaha nō ʻe fā pe lahi ange (Tohiʻi ʻa e #)

    Fakaʻaongaʻi ʻa e ngaahi fakamatala paʻanga fehūfakí ke fakafuofuaʻi ʻa e ngaahi faingamālie noó (ʻIo/ʻIkai)

    Naʻe fakaʻaongaʻi ʻa e Lisi Vakaiʻi ʻo e Ngaahi Totonu ʻe Faá (ʻIo/ʻIkai)

    Naʻe lavaʻi ʻa e taumuʻa pisinisi fakauiké (ʻIo/ʻIkai)

    Naʻe ako fakahoko ʻa e tefitoʻi moʻoni ʻi he Fakavaʻé pea mo akoʻi ki he fāmilí (ʻIo/ʻIkai)

    Naʻe fakahū ha paʻanga ki he ʻakauní (ʻIo/ʻIkai)

    Naʻe lipooti ki he hoa ngāué (ʻIo/ʻIkai)

    Kolōlia

    4

    I

    I

    I

    I

    I

    I

Miniti ʻe 10 kimuʻa ʻi he fakatahá:

  • Talitali fiefia ʻa e kakaí ʻi heʻenau aʻu maí.

  • Kole ki he kau mēmipa ʻo e kulupú ʻi heʻenau aʻu maí ke nau fakakakato ʻa e saati tukupā ʻi he palakipoé. ʻIkai ngata ai, fakamanatuʻi ange ke nau huke ki he peesi 197 ʻo fakatonutonu ʻenau fakalakalaka ke maʻu ʻa e tohi fakamoʻoní. Fehuʻi ange pe ko hai ʻoku ofi ke ʻosi ʻene fakakakato ʻa e ngaahi fie maʻu ki he tohi fakamoʻoní. ʻI he ʻosi ʻa e fakatahá, fakahā ki he kōmiti moʻui fakafalala pē kiate kita ʻa e siteikí ke nau ʻiloʻi pe ko hai ʻoku ngalingali te ne fakakakato ʻa e ngaahi fie maʻú.

  • Vahe ha tokotaha ke tauhi taimi.

ʻI hetaimi kamatá:

  • Kole ki he kakaí ke tāmateʻi ʻenau telefoní mo e ngaahi meʻangāue kehé.

  • Fai ha fua lotu (mo e himi, kapau ʻe fie maʻu).

  • Kole leʻosiʻi kiate kinautolu ʻoku aʻu tōmui maí ke tāmateʻi ʻenau telefoní pea fakakakato ʻa e saati tukupaá, lolotonga ʻoku kei fealēleaʻaki ʻa e kulupú.

  • Seti ʻa e uasí ke miniti ʻe 20 ʻa e Ko Hoku Fakavaʻé.

  • Fakakakato ʻa e tefitoʻi moʻoni 10 ʻi he Ko Hoku Fakavaʻé. Hili ia pea foki mai ki he tohi ngāue ko ʻení ʻo hoko atu ʻa e laukongá ʻi he peesi hono hokó.