Ngaahi Maʻuʻanga Tokoní

Ngāué mo e Tukupaá

Fili ha taha pea pea fakatātaaʻi ʻa e meʻa ko ʻení.

TOKOTAHA FAKAMATALA 1: ʻOku tau tui ki fakahoko mo e tauhi ʻo e ngaahi tukupā. Ko e meʻa kotoa pē ʻoku tau fai ʻi heʻetau kulupu moʻui fakafalala pē kiate kitautolú, ʻoku fai ʻi he funga ʻo e fai ʻo e ngaahi tukupaá mo hono lipōtí.

TOKOTAHA FAKAMATALA 2: Te tau toe vakaiʻi ʻi he ʻosi ʻa e fakataha fakakulupú ʻa ʻetau ngaahi ngāue ki he uiké pea mo fakamoʻoni ai ke fakahaaʻi ʻa ʻetau loto ʻakí. ʻOku tau toe fili foki ha hoa ngāue ki he uiké. ʻE fakamoʻoni ʻa e hoa ngāué ʻi heʻetau tohi ngāué ke fakapapauʻi ʻene tokoní. Pea te tau fetuʻutaki ki hotau hoa ngāué ʻi he ʻaho takitaha he lolotonga ʻo e uiké, ke lipooti ʻetau ngāué pea mo maʻu ha tokoni ʻo ka fie maʻu.

TOKOTAHA FAKAMATALA 3: ʻOku tau fakaʻilongaʻi ʻi he lolotonga ʻo e uiké, ʻa ʻetau fakalakalaká, ʻi he tohi ngāué mo ngāue ʻaki ʻa e ngaahi meʻangāue kuo ʻomaí, hangē ko e ngaahi laʻi pepa ngāué pe ha toe ngaahi foomu kehe. Pea kapau te tau fie maʻu ha tokoni lahi ange, te tau lava ʻo kole ki hotau fāmilí, hotau ngaahi kaungāmeʻá, pe ko e tokotaha tokoní.

TOKOTAHA FAKAMATALA 4: Te tau foki mai ʻo lipooti ʻi he kamataʻanga ʻo e fakataha ka hokó, ʻa ʻetau ngaahi tukupaá. ʻOku totonu ke hoko ʻeni ko ha meʻa faingofua, mo lelei ki he taha kotoa. Fakakaukau ki he founga naʻe tokoniʻi ai ʻa e kakai ko ʻení ʻe heʻenau fai ʻa e tukupaá mo lipōtí.

MĒMIPA ʻO E KULUPÚ 1: Naʻá ku pehē ʻi he fuofua taimi naʻá ku lipooti ai ʻeku ngaahi tukupaá, “Meʻa faikehe ʻeni.” Ko e hā ʻe tokanga mai ai ʻa e kau mēmipa ʻo e kulupú ki he meʻa naʻá ku faí? Ka naʻá ku toki ʻilo naʻa nau tokanga mai. Pea naʻe tokoni ia kiate au.

MĒMIPA ʻO E KULUPÚ 2: Naʻá ku fakatokangaʻi naʻe ʻikai ke u loto ke tō lalo ʻeku kulupú. Ko ia naʻá ku fuʻu ngāue mālohi ke tauhi ʻeku ngaahi tukupaá. ʻOku ʻikai ke u fakapapauʻi pe naʻá ku mei fakalakalaka ʻi ha toe founga. Naʻe tokoniʻi moʻoni au ʻe heʻeku lipooti ʻi he uike kotoá ʻi he ngaahi meʻa ke u fakamuʻomuʻá.

MĒMIPA ʻO E KULUPÚ 3: Ko e taimi naʻá ku fakakaukau ai ki hoku hala ki he moʻui fakafalala pē kiate aú, naʻá ku ilifia koeʻuhi he ko ha meʻa lahi ia. Ka naʻe tokoniʻi au ʻe he ngaahi fakataha fakakulupú ke toʻo maʻamaʻa. Pea naʻá ku lipooti ʻa e sitepu takitaha ki heʻeku kulupú. Pea naʻá ku toki fakalakalaka moʻoni leva. ʻOku ou tui naʻe tupu ʻa e ola lelei ko ʻení mei hono fakatupu ʻo e ngaahi ʻulungaanga foʻoú.

Foki ki he peesi 11

ʻOku founga fēfē haʻaku ngāue ʻaki ʻa e mape ki he ola lelei ʻo e pisinisi?

Siofi, fakakaukau, pea mo fifili ʻi he ʻaho kotoa pē he uiké ni, ki he ngaahi tefitoʻi moʻoni ʻo e pisinisi ʻoku ola leleí. ʻAʻahi ki ha ngaahi pisinisi ʻi ha houa ʻe taha pe ua he ʻaho takitaha ke siofi ʻenau ngāué. ʻAve hoʻo kiʻi tohi fakamatalá mo e tohi ngāue ko ʻení ʻi he taimi ʻokú ke ʻaʻahi ai ki ha ngaahi pisinisi fakalotofonuá koeʻuhí ke ke lava ʻo fakaʻaongaʻi ʻa e ngaahi fehuʻi ko ʻení pea mo e Mape ki he Ola Lelei ʻo e Pisinisí (ʻi he peesi fakamuimui taha ʻo e tohi ngāue ko ʻení).

NGAAHI NGĀUE FAKAʻAHÓ:
ʻAho 1
Kau Fakataú
Vakaiʻi ʻa e meʻa, taimi, mo e lahi ʻo e meʻa ʻoku fakatau ʻe he kau fakataú. Toe fakamanatu ʻa e ngaahi tefitoʻi moʻoni fekauʻaki mo e taha ʻoku fakataú ʻoku ʻi he mapé. Lekooti heni hoʻo ngaahi fakakaukaú:
ʻAho 2
Fakatau atú
ʻOku founga fēfē hono fakatau atu ʻe he pisinisí ʻene koloá pe ngāué? Te nau lava ʻo fakaleleiʻi? Toe fakamanatu ʻa e ngaahi tefitoʻi moʻoni ʻo e fakatau atú ʻoku ʻi he mapé. Lekooti heni hoʻo ngaahi fakakaukaú:
ʻAho 3
Ngaahi Fakamolé
Fakakaukau ki he fakamole ʻa e ngaahi pisinisí. ʻOku founga fēfē ʻenau holoki ʻenau ngaahi fakamolé? Toe fakamanatu ʻa e ngaahi tefitoʻi moʻoni ʻo e fakamolé ʻoku hā ʻi he mapé. Lekooti heni hoʻo ngaahi fakakaukaú:
ʻAho 4
Tupú
Naʻe muimuiʻi ʻe he ngaahi pisinisí ʻa ʻenau paʻanga hū maí pe ngaahi fakamolé? Kapau ko hao pisinisi, te ke muimuiʻi fēfē hoʻo paʻangá? Toe fakamanatu ʻa e ngaahi tefitoʻi moʻoni ʻo e tupú ʻoku hā ʻi he mapé. Lekooti heni hoʻo ngaahi fakakaukaú:

Fakalaulauloto mo lotua ʻi he ongo ʻaho ka hokó, ha fakamahino ʻe tāpuakiʻi koe ʻe he ʻEikí ʻi hoʻo feinga ke fakahoko ha taumuʻa māʻoniʻoni ʻi hoʻo pisinisí. Lekooti ʻa e ngaahi fakakaukau ʻokú ke maʻu ʻi he ʻaho takitaha ʻi hoʻo fakakaukauʻi ʻa e konga takitaha ʻo e Mape ki he Ola Lelei ʻo e Pisinisí.

NGAAHI NGĀUE FAKAʻAHÓ:
ʻAho 5
Kau fakataú
Fakatau atú
ʻAho 6
Tupú
Ngaahi fakamolé

Foki ki he peesi 8