Sección 111
Rrevelasiõ oñemeʼẽvaʼekue José Smith upe Proféta rupive, Salem, Massachusetts-pe, agosto 6, 1836-pe. Upe épokape, umi Tupaogua ofisial dirihénte odeve hetákuri hembiapo rupi ministerio-pe. Ohendúvo oĩtaha heta pirapire chupekuéra g̃uarã Salem-pe, pe Proféta, Sidney Rigdon, Hyrum Smith ha Oliver Cowdery oho upépe Kirtland, Ohio-gui, ohecha hag̃ua upéva ha upe jave omboʼe hag̃ua pe evanhélio. Hermano-kuéra otramita heta mbaʼe tupao reheguáva ha omboʼeʼimi. Ojeʼévo ndaiporimoʼãiha pirapire, oho jey hikuái Kirtland-pe. Heta umi eleménto ojehecháva ko mbaʼe oikoʼakue kupépe ojehechauka ko rrevelasiõ ñeʼẽnguérape.
1–5, Ñandejára oñangareko Hembiguaikuéra remikotevẽ temporal-re; 6–11, Haʼe oguerekóta poriahuvereko Sion-ndi ha omoĩporãta opa mbaʼe Hembiguaikuéra ñeimeporãrã.
1 Che, Ñandejára pende Tupã, ndahepochýi peju haguére koʼápe, pene aranduʼỹre jepeve.
2 Che aguereko heta mbaʼehepýva peẽme g̃uarã ko távape, Sion ñeimeporãrã, ha heta tapichakuérape ko távape g̃uarã, Che ambyatýtava hiʼárape peẽ rupive, Sion ñeimeporãrã.
3 Upévare, iporã tapeg̃uahẽ peikuaa kuimbaʼekuéra ko tavaguápe, peñemboguataháicha, ha oñemeʼẽháicha peẽme.
4 Ha ojehúta hiʼárape Che amoĩta ko táva pende pópe, pendepuʼaka hag̃ua hiʼári, ha péicha ndoikuaamoʼãi hikuái pene mbaʼe ñeminguéra; ha penembaʼéta imbaʼerepy oro ha plátaguigua.
5 Ani pejepyʼapy umi pedevévare, Che ameʼẽtagui peẽme tapendepuʼaka pepaga hag̃ua umíva.
6 Ani pejepyʼapy Sion-re, Che aguerekótagui poriahureko hendive.
7 Pepyta ko tendápe ha umi tenda jerereguápe;
8 Ha pe tenda che aipotavehápe pepyta, ojehechaukáta peẽme che Espíritu pyʼaguapy ha pokatu rupive, oñehẽtava penderehe.
9 Ikatu pe alkila ko tenda; ha peporandu jesarekópe umi oiko ypyvaʼekuére ha umi omopuʼãvaʼekuére ko táva;
10 Oĩgui hetave peteĩ mbaʼehepývagui peẽme g̃uarã ko távape.
11 Upévare, penearandúke mbóicha, ha upevére, angaipaʼỹme; ha Che amoĩporãta opa mbaʼe pene ñeimeporãrã, ikatu vove pehupyty umíva. Amén.