Sección 94
Rrevelasiõ oñemeʼẽvaʼekue José Smith upe Proféta rupive, Kirtland, Ohio-pe, agosto 2, 1833-pe. Hyrum Smith, Reynolds Cahoon ha Jared Carter oñehenói omoĩ hag̃ua peteĩ komite Tupao ñemopuʼã rehegua.
1–9, Ñandejára omeʼẽ tembiapoukapy peteĩ óga ñemopuʼã rehegua pe Presidencia rembiaporã; 10–12, Oñemopuʼavaʼerã peteĩ óga oñeʼimprimi hag̃ua; 13–17, Ojehechauka saʼi jehejapyre.
1 Ha avei, añetehápe Che haʼe peẽme, che angirũnguéra, Che ameʼẽ peteĩ tembiapoukapy peẽme, peñepyrũ hag̃ua upe tembiapo oñeplanea ha oñembosakoʼi hag̃ua Sion estáka táva moñepyrỹ ha ñemopyenda, koʼápe, Kirtland retãme, oñeñepyrũvo che rógagui.
2 Ha péina ápe, ojejapovaʼerã upe modélo Che ameʼẽʼakuépe peẽme oĩháicha.
3 Toñekonsagra chéve g̃uarã pe primer solar sur gotyogua, oñemopuʼã hag̃ua peteĩ óga presidencia-pe g̃uarã, upe presidencia rembiaporã, ohupyty hag̃ua umi rrevelasiõ; ha pe presidencia ministério rembiaporã, opa mbaʼe haʼévape g̃uarã Tupao ha rreinogua.
4 Añetehápe Che haʼe peẽme, upe koty ryepy omeditaha cincuenta y cinco pies ipyrusukue ha sesenta y cinco ipukukue.
5 Oĩta peteĩ koty yvýpe ha ambue yvate, upe modélo tenondeve oñemeʼẽtavape peẽme oĩháicha.
6 Ha ojededikáta Ñandejárape g̃uarã ipyenda guive, sacerdocio orden-pe heʼiháicha, upe modélo tenondeve oñemeʼẽtava peẽmepe oĩháicha.
7 Ha ojededikapaitéta Ñandejárape, upe presidencia rembiaporã.
8 Ha ndapehejamoʼãi mbaʼeve ikyʼáva oike ipype; ha che glória oĩta upépe, ha che aiméta upépe.
9 Ha katu oikéramo upépe mbaʼe ikyʼáva, che glória noĩmoʼãi upépe; ni che ndaikemoʼãi upépe.
10 Ha avei, añetehápe Che haʼe peẽme, ojededikáta chéve g̃uarã upe segundo solar sur gotyogua, oñemopuʼã hag̃ua peteĩ óga chéve g̃uarã, tembiapo oñeʼimprimi hag̃ua che escritura-kuéra ñembohasa, ha opa mbaʼe Che amandátava peẽme.
11 Ha koty ryepy haʼéta cincuenta y cinco pies ipyrusukue ha sesenta y cinco ipukukue, ha oĩta peteĩ koty yvýpe ha peteĩ koty yvate.
12 Ha ko óga ojededikapaitéta Ñandejárape g̃uarã pe ipyenda guive, tembiapo oñeʼimprimi hag̃ua opa mbaʼe Che amandátava peẽme, imarangatu hag̃ua, imaraʼỹ hag̃ua, upe modélo opa mbaʼe oñemeʼẽtavape peẽme oĩháicha.
13 Ha upe tercer solar-pe, che rembiguái Hyrum Smith ohupytýta ijehejapyre.
14 Ha umi solar primero ha segundo norte gotyoguápe, che rembiguaikuéra Reynolds Cahoon ha Jared Carter ohupytýta ijehejapyrekuéra.
15 Ojapo hag̃ua hikuái pe tembiapo Che ameʼẽvaʼekue chupekuéra, omoĩ hag̃ua peteĩ komité oñemopuʼã hag̃ua umi che róga, pe tembiapoukapy, Che, Tupã Ñandejára ameʼẽvaʼekue peẽmepe heʼiháicha.
16 Noñemopuʼãivaʼerã koʼã mokõi óga, Che ameʼẽ meve peẽme peteĩ tembiapokapy umíva rehegua.
17 Ha koʼág̃a Che nameʼẽvéima peẽme ko árape. Amén.