Sección 40
Rrevelasiõ oñemeʼẽvaʼekue Proféta José Smith rupive, Sidney Rigdon-pe, Fayette, Nueva York-pe, Abril 6, 1831-pe. Ko rrevelasiõ ojehai mboyve, Josẽ Smith rembiasakuépe heʼi: “Upévare, James [Covel] ombotovévo Ñandejára ñeʼẽ ha oho jeývo ijepokuaaha ha iñirũnguéra upemboyvegua ndive, Ñandejára omeʼẽ chéve ha Sidney Rigdon-pe kóva ko rrevelasiõ” (tojehecha sección 39).
1–3, Ñemuñágui kyhyje ha umi mbaʼe yvy arigua rupi oñembotove pe evanhélio.
1 Péina ápe, añetehápe che haʼe peẽme, che rembiguái James Covel korasõ ijojahague che renondépe, ojapógui konvénio chendive iñeʼẽrendutaha che ñeʼẽre.
2 Ha torýpe omog̃uahẽvaʼekue pe ñeʼẽ, ha katu pyaʼete Satana oipyʼaraʼã chupe; ha ñemuñágui kyhyje ha umi mbaʼe yvy arigua rupi, haʼe ombotovékuri pe ñeʼẽ.
3 Upévare ojapyhara che konvénio, ha che aikuaáta ajapo hag̃ua heseve chéve iporãveháicha. Amén.