Sección 126
Rrevelasiõ oñemeʼẽvaʼekue José Smith upe Proféta rupive, Brigham Young rógape, Nauvoo, Illinois-pe, julio 9, 1841-pe. Upe ára, Brigham Young haʼékuri Kórun Dóse Apóstoles-gua presidente.
1–3, Oñemomorã Brigham Young-pe hembiapóre ha ojerreleva chupe ojeʼói hag̃ua tetã ambuére ára oúvape.
1 Hermano rejehayhuetéva Brigham Young, añetehápe, péicha heʼi ndéve Ñandejára: Brigham, che rembiguái, ndojejerurevéima ndéve reheja hag̃ua nde rogayguakuéra ára ohasavaʼekuepeguáicha, amboajégui ne ñemeʼẽmby.
2 Che ahechákuri ne rembiapokue ha mbaʼéichapa rembaʼapo umi ndejeʼoihápe che rérape.
3 Upévare, Che amanda ndéve remondo hag̃ua che ñeʼẽ opárupi, ha reñangareko porã hag̃ua nde rogayguakuérare, koʼág̃a guive tenondeve gotyo ha akoiete g̃uarã. Amén.