1 Ñandejára oikuaaukágui chéve umi cherayhuʼỹva, Misuri-pe ha ko estádope, chemuña jeyha; ha che muña reígui hikuái; ha ndoguerekóigui hikuái ni michĩmi hustísia térã derécho joguaha ijykére, umi akusasiõ cherehe ojapóvare; ha opa ijalegáto oñemopyendágui umi japu iñypytũvévare, iporã ha iñarandu chéve asẽ koʼágui ára mbyky aja, che aimeporã hag̃ua ha ko tavayguakuéra oĩporã hag̃ua. Che haʼesemi opa umi ojapóva ndive ñemoñemu, ahejahague che mbaʼekuéra ahénte ha secretario-kuéra pópe, ojapótava opa mbaʼe hekópe ha oĩporaháicha, ha oñekargáta hikuái ojepaga hag̃ua opa che deveha ára hiʼárape, oiporúvo umi mbaʼerepy, térã ambue hendáicha, upe káso oikotevẽháicha térã ikatuháicha. Che aikuaa vove upe aravai ohasapamaha, che ajujeýta penerendápe.

2 Ha umi mbaʼevai ohasavaʼerã rehe, mbaʼe michĩ chéve, yvypóra jerekose ha ñekoʼõi haʼégui che poʼa opa che rekove pukukue; ha mbaʼérepa, haʼe peteĩ mbaʼeñemimby chéve g̃uarã, ndahaʼéirõ upe múndo ojejapo mboyve che añeordenarõ peteĩ mbaʼeporã térã mbaʼevairã, peẽ pejeseháicha. Pehusga pendejehegui. Tupã oikuaapa opa koʼã mbaʼe, iporãva térã ivaíva. Upevére, Che aʼyta jepi y pypukúpe. Opa koʼãva jepiguánte chéve g̃uarã, ha añandu Pablo-icha, ajegloriase jeikoʼasýpe; ko ára peve, che rukuéra Tupã chemosãso opa umívagui, ha chemosãsota koʼág̃a guive tenondeve gotyo; ha péina ápe, upéicha, chepuʼakapátagui opa cherayhuʼỹvakuérare, Tupã Ñandejára heʼígui.

3 Tovyʼa upéicha, opa santokuéra ha tovyʼa tuichaite, Israel Tupã haʼégui Itupã, ha haʼe ohechaukáta peteĩ jopói medída ijojáva opa ijopyharakuéra akã ári.

4 Ha avei, péicha heʼi Ñandejára: Tojejapo meme ha ani pembopaha che témplo apo, ha opa tembiapo Che ahechaukavaʼekue peẽme; toñembojoʼa pende jesareko, pene ñehaʼã, pene ñehaʼarõkuaa ha pene rembiapokuéra, ha mbaʼevéicharõ noñehundimoʼãi pende jopói, heʼi pe Señor de las Huestes. Ha penemuñáramo, péicha omuñavaʼekue hikuái profetakuéra ha yvypóra rekojoja peẽ mboyveguápe. Opa koʼãvape g̃uarã oĩ peteĩ jopói yvágape.

5 Ha avei, Che ameʼẽ peẽme peteĩ ñeʼẽ umi pene omanovaʼekue ñemongarai rehegua.

6 Añetehápe péicha heʼi peẽme Ñandejára umi pene omanovaʼekue rehe: Oimeraẽ peẽ peñemongaraívo pene omanovaʼekuére, toĩ upépe peteĩ haihára haʼe hag̃ua testígo ohecháva pene ñemongarai; ha tohendu ijapysa rehe, otestifika hag̃ua añeteguágui, heʼi Ñandejára;

7 Opa mbaʼe pehaíva, ojehai hag̃ua yvágape; umi peñapytĩva yvy ári, oñeñapytĩ hag̃ua yvágape; umi pejoráva yvy ári, ojejora hag̃ua yvágape;

8 Heta mbaʼe Che amoĩjey potaitémagui yvy ári, haʼéva upe sacerdocio rehegua, heʼi pe Señor de las Huestes.

9 Ha avei, toñeñongatu hekópe opa jehaipyrekuéra, oñemoĩ hag̃ua umíva che sánto témplo archivokuérape, oñeñongatu hag̃ua ñemomanduʼápe, ñemoñareatýgui ñemoñareatýpe, heʼi pe Señor de las Huestes.

10 Che haʼéta santokuérape, che aipotahague, tuichaite potapy reheve, ikatungaʼuraʼe añeʼẽ chupekuéra púlpito guive upe téma omanovaʼekue ñemongaraíre ko domingo oúvape. Ha katu ndaikatumoʼãigui aha, che ahaíta Ñandejára ñeʼẽ upe témare, sapyʼapyʼa, ha omboúta peẽme korréo rupive, heta ambue mbaʼe reheve.

11 Ha koʼág̃a ambopaha che kuatia, ndachearavéimagui; upe oporohayhuʼỹva oĩgui jesarekópe, ha pe Salvador heʼi haguéicha, ko mundogua prínsipe ou, ha katu haʼe ndaikatúi ojapo cherehe mbaʼeve.

12 Péina ápe, che ñemboʼe Tupãme haʼe, opavave peẽ pejesalva hag̃ua. Ha che amboguapy che réra pene rembiguáiramo Ñandejárape, Jesucristo Tupao Santokuéra Ára Pahapegua proféta ha techapahára.