Sección 47
Rrevelasiõ oñemeʼẽvaʼekue José Smith upe Proféta rupive, Kirtland, Ohio-pe, marzo 8, 1831-pe. John Whitmer, oservimavaʼekue Proféta secretario ramo, ipyʼa mokõi iñepyrũme, ojejerurérõ guare chupe oservi hag̃ua Tupao rembiasakue mombeʼuhára ha haihára ramo, Oliver Cowdery rendaguépe. Haʼe ohai, “Hiʼã chéve ndajapói, ha katu ahechakuaa ojejapovaʼerãha Ñandejára rembipota, ha Haʼe oipotárõ, aipota ohechauka José, pe Vidente rupive”. José Smith ohupyty rire ko rrevelasiõ, John Whitmer omboaje ha oservi ofísio oñehenói haguépe.
1–4, John Whitmer oñehenói ogueraha hag̃ua Tupao rembiasakue ha ohai hag̃ua Profétape g̃uarã.
1 Péina ápe, iporã chéve che rembiguái John tohai ha togueraha tapia peteĩ tembiasakue, ha tanepytyvõ, che rembiguái José, ohaívo opa mbaʼe ndéve oñemeʼẽva, oñehenói peve chupe ambue tembiaporãme.
2 Avei, añetehápe Che haʼe ndéve, haʼe ikatu avei ohupi iñeʼẽpu umi atyhápe, iporã jave.
3 Ha avei, Che haʼe ndéve oñehenoiha chupe ogueraha meme hag̃ua tupao jehaipyre ha rembiasakue; Oliver Cowdery-pe ahenóigui ambue kárgope.
4 Upévare, ijeroviarekóramo, oñemeʼẽta chupe, Moangapyhyhára rupive, ohai hag̃ua koʼã mbaʼe. Taupéicha. Amén.