Sección 83
Rrevelasiõ oñemeʼẽvaʼekue José Smith, upe Proféta rupive, Independence, Misuri-pe, abril 30, 1832-pe. Ko rrevelasiõ ojehupytýkuri Proféta oñembyaty aja ijoykeʼykuérandi konsíliope.
1–4, Kuñanguéra ha mitãnguéra oguereko derécho ohupyty hag̃ua pytyvõ iména ha ituvakuéragui; 5–6, Umi viúda ha ityreʼỹva oguereko derécho oheka hag̃ua pytyvõ Tupaópe oñemantene hag̃ua.
1 Añetehápe, péicha heʼi Ñandejára, avei umi tupao léi haʼéva kuñanguéra ha mitãnguéra rehegua, umi tupaogua ojehekyivaʼekue chuguikuéra iména térã hembireko térã ituvakuéra:
2 Kuñanguéra oguereko derécho ohupyty hag̃ua ñemantene imenakuéragui umíva omano meve; ha ndojapyharáirõ, oguerekóta hikuái tupao membresía.
3 Ha ndaijeroviarekóiramo, ndoguerekomoʼãi hikuái tupao membresía; upevére, opytakuaa hikuái henda jehejapyrépe, upe tetã léipe heʼiháicha.
4 Opa mitã oguereko derécho ohupytývo ituvakuéra ñemantene okakuaapa peve.
5 Ha upe rire, ikatu ojerure hikuái tupaópe, térã ambue ñeʼẽme, Ñandejára almasẽme, ituakuéra ikatuʼỹramo omeʼẽ chupekuéra jehejapyre.
6 Ha oñemantenéta upe almasẽ umi tupaogua konsagrasiõ rupive; ha umi viúda ha ityreʼỹvape oñemeʼẽta oikotevẽva, umi imboriahúvape avei. Amén.