Sección 15
Rrevelasiõ oñemeʼẽvaʼekue José Smith, pe Proféta rupive, John Whitmer-pe, Fayette, Nueva York, Junio 1829-pe. (tojehecha sección 14 moñepyrũ). Pe marandu peteĩme g̃uarãite, Ñandejára oñeʼẽgui mbaʼe, John Whitmer ha Haʼe añoitente oikuaáva. Tenondeve, John Whitmer-gui oiko peteĩ umi Ocho Testígo Mormón Kuatiañeʼẽmegua.
1–2, Ñandejára jyva ojepyso opa yvy ári; 3–6, Pe evanhélio ñehekomboʼe ha angakuéra jesalva haʼe mbaʼe hepyvvéva.
1 Ehendu che rembiguái John, ha ejapysaka Jesucristo ñeʼẽnguérare, ne Ñandejára ha ne Rredentor.
2 Ha péina ápe, añeʼẽ ndéve tesakã ha puʼakápe, che jyva ojepysógui opa yvy ári.
3 Ha amombeʼúta ndéve avave yvypóra oikuaaʼỹva, térã che ha nde anónte.
4 Heta ára reikuaaségui chehegui pe mbaʼe ndéve g̃uarã mbaʼe hepyvéva.
5 Péina ápe, upévare, rejehovasapyre nde, ha remombeʼu haguére umi che ñeʼẽ, aikuaaukavaʼekue ndéve, che rembiapoukapýpe oĩháicha.
6 Ha koʼág̃a, péina ápe, haʼe ndéve, pe mbaʼe hepyvéva ndéve g̃uarã haʼéta remomarandu hag̃ua arrepentimiento ko tavayguápe, regueru hag̃ua chéve angakuéra, repytuʼu hag̃ua hendivekuéra che Ru rréinope. Amén.