Tufa’a 37
E heheura’a tei hōro’ahia mai ia Iosepha Semita te peropheta ’e ia Sidney Rigdon, tāpiri i Fayette, i New York, i te ’āva’e Tītema 1830. I roto i te reira ’ua hōro’ahia mai te fa’auera’a mātāmua nō ni’a i te ha’aputuputura’a i roto i teie tau tu’ura’a ’evanelia.
1–4, ’Ua pi’ihia te feiā mo’a ’ia ha’aputuputu i’ō i te Ohio.
1 Inaha, tē parau atu nei au ia ’ōrua na, ’e e ’ere i te mea ti’a iā’u ’ia ’īriti fa’ahou ’ōrua i te parau ē tae noa atu i te taime e haere atu ai ’ōrua i’ō i te Ohio ra, ’e teie ho’i te tumu, ’oia ho’i nō te ’enemi ’e nō tō ’ōrua iho maita’i.
2 ’E tē parau fa’ahou atu nei au ia ’ōrua na, ’eiaha ’ōrua e haere ē tae noa atu i te taime ’ua porohia tā’u nei ’evanelia e ’ōrua i taua mau vāhi ra, ’e ’ua ha’apūaihia ho’i tō te ’ēkālesia e ’ōrua i te mau vāhi ato’a e ’itehia mai te reira, ’e ’ia nā reira-mau-hia i Colesville ; nō te mea, inaha, tē pure mai nei rātou iā’u ma te fa’aro’o rahi.
3 ’E teie fa’ahou ā, e fa’auera’a ho’i tā’u e hōro’a atu i tō te ’ēkālesia, e mea ti’a ïa iā’u nei ’ia putuputu rātou i’ō i te Ohio ē tae noa atu i te taime tō’u tāvini ra ’o Oliver Cowdery e ho’i mai ai ia rātou ra.
4 Inaha, e pa’ari ho’i i reira, ’e ’ia mā’iti te ta’ata tāta’itahi nōna iho, ē tae noa atu i te taime e haere mai ai au. ’Oia ïa. ’Āmene.