Sección 91
Rrevelasiõ oñemeʼẽvaʼekue José Smith upe Proféta rupive, Kirtland, Ohio-pe, marzo 9, 1833-pe. Upe ára, pe Proféta ombaʼapókuri Antiguo Testamento ñembohasápe. Og̃uahẽvo umi jehai yma ojeheróva libros apócrifos-pe, haʼe oporandu Ñandejárape ha ohupyty ko ñehekomboʼe.
1–3, Hetave umi libro apócrifo oñembohasa porãvaʼekue, ha katu oreko heta tekovekuéra ñembojoapy añeteguaʼỹva; 4–6, Oipytyvõta umi Espíriture ojehesapévape.
1 Añetehápe, péicha heʼi Ñandejára umi libro apócrifo-re—Oguereko heta mbaʼe añeteguáva, ha hetave oñembohasa porãvaʼekue;
2 Oĩ ipypekuéra heta mbaʼe añeteguaʼỹva, haʼéva tekovekuéra ñeʼẽmbojoapy.
3 Añetehápe, Che haʼe peẽme, natekotevẽiha oñembohasa umi libro apócrifo.
4 Upévare, umi omoñeʼẽva, toikũmby, pe Espíritu ohechaukágui añetegua;
5 Ha pe Espíriture ojehesapéva ohupytýta mbaʼeporã umívagui;
6 Ha pe ndohupytýiva Espíritu rupive, ndaikatúi oñeipytyvõ. Upévare, natekotevẽi oñembohasa. Amén.