Halo kutoka Kiribati!

Jifunze kuhusu watoto wa Baba wa Mbinguni ulimwenguni kote.

Kiribati (kee-ruh-bas) ni nchi ya kisiwa katika Bahari ya Pasifiki. Takribani watu 120,000 wanaishi huko.

visiwa 33

Kisiwa chenye miti ya minazi

Vielelezo na Robyn Brimley

Kiribati ni visiwa vidogo vidogo vilivyo enea kwenye zaidi ya maili za mraba milioni 1.4 (kilometa 3.5²) za bahari! Mahali pake kwenye sayari ya dunia inaiweka katika zoni ya kwanza ya wakati yenye kuona mwangaza wa jua la kila siku.

Fuko Nzuri za Bahari

Dunia inaonyesha jua linachomoza

Kiribati imejaa fuko zenye mchanga mwingi na miti ya minazi. Ni hali ya joto mwaka mzima.

Mifano Mizuri

Familia pamoja na wazazi , watoto na babu na bibi

Takribani asilimia 20 ya watu ni waumini wa Kanisa. Wao ni mfano mzuri kwa wengine wanaoishi kisiwani humo.

Kwenda Kuvua Samaki!

Mvulana ameshikilia samaki na wavu

Kwa vile bahari imewazunguka pande zote, watu huko Kiribati wanakula vyakula vingi vya baharini. Nazi, wali na maboga pia ni maarufu

Hekalu Lipo Njiani

Kielelezo cha hekalu la Kiribati

Mwaka 2020, Rais Russell M. Nelson alitangaza kwamba hekalu litajengwa huko Kiribati! Hivi ndivyo litakavyoonekana.

Shughuli

Dansi ya Wanyama

Mcheza dansi kutoka Kiribati

Kucheza dansi ni sehemu muhimu ya maisha huko Kiribati. Dansi yao inahamasishwa na ndege wao wa taifa, mnandi pwani. Wacheza dansi hao hunyoosha mikono yao kama vile mabawa wakati wakicheza.

Je, unampenda mnyama gani? Fikiria kuhusu jinsi anavyotembea. Kisha tengeneza dansi itokanayo na mnyama huyo. Waombe baadhi ya marafiki kuungana nawe!

Maelezo ya upishi

Supu ya Boga la Nazi

Bakuli la supu ya boga na nazi

1. Mimina kidogo mafuta ya nazi kwenye chungu. Ongeza kipande1 cha kitunguu na pika kwenye joto la moto wa wastani hadi vitunguu vianze kuwa rangi ya kahawia.

2. Ongeza vikombe 2 vya boga la kiwandani lililosagwa, vikombe 2 vya tui la nazi, na vikombe 4 vya mchuzi wa kuku. Changanya vizuri.

3. Acha supu ichemke, kisha punguza moto na acha ichemke taratibu kwa dakika 20

4. Kama unataka, ongeza chumvi, pilipili, tangawizi, au viungo vingine.

Hakikisha unapata msaada wa mtu mzima!

Kidokezo cha Afya

Anza Kutenda

Kufanya mazoezi kunaufanya moyo wako, misuli na mifupa iwe na afya. Unaweza kufanya mambo ya burudani kila siku kwa kuutembeza mwili wako na kuufanya mwili wako usukume damu vizuri, kama vile kucheza dansi, kucheza michezo mbali mbali au kuendesha baiskeli—chochiote unachopenda kufanya!