Wiahla Soun Sile Sihpw
I koapwoaroapwoarki me irail me ke wia doadoahk en papahiengo pahn kilanguhk rasehng kempoakepah men oh kasawih me ke utung irail oh me re kak likih.
Pahr nekiero, mie sin Primary men mei tuhweng Chile kahrehiengie ahi sirei. Dene, “kaselel”, “Edei Dehpit.” Ke pahn kak kosoiaie nan kapokon lapo?”
Nan ansou meleilei kan, I madmadau laudki en Dehpit rahnmwahu soh kesikpehu. Kitail koaros men sansal. Kitail men kesempwal, wia mehn ketemen, oh pehm limpoak.
Riei ko, emen emen kumwail kesempwal. Mendahte ma edemwen sohte sansalda nan kapokon lap kan, Sounkomouro tamanuhk oh e poakohnguhk. Ma ke mwur medmedewe ma e mehlel, ke anahnehte kasik me “Edomwen intingidiehr sang ni Limehkan.”1
Pwehki atail ese me Sounkomouro poakohng kitail, kitail mwein pahn medmedewe ia uhwen atail kak kasalehieng atail limpoak ohng Ih.
Nan Sohn iralaud 21, Sounkomouro mahsani ong Peter, “Ke poakehngie… ?”
Peter sapeng, “Ehi, Kaun; komw mwahngi me I poakohng komwi. Sises ahpw sapeng, Kamwenge nei sihpw akan.”
Kesilipak en peidek me mahsani, “Ke poakohngie?” Peter, insensuwedki ahpw e mahsani me e poakehng: “Ahi kaun, komw mwahngi mehkoaros, komw mwahngi mei poakohng komwi. Sises mahsaniong ih, Kamwenge nei sihpw akan.”2
Peter sou kasaledahr me e wia soun papah Krais limpoak men? Sangete arail mih ni sehdo, e pwilikihdi nah uhk ko pwehn idawehn Sounkomouro.3 Peter wiahla soun laid mehlel men. E kapara Sounkomouro erein ansou me e ieias nan sampah oh iang sawas padahkiheng mehteikan rongamwahu en Sises Krais.
Ahpw met Kaun iasadahu mwahngiher me E e solahr pahn iang en Peter pali, kaskasalehieng ih mwomwen oh iahd e anahne papah. Ni en Sounkomouro ah sipalahr, Peter pahn anahne rapahki kaweid sang rehng Ngehno, kelehpw ale kaudiahl, oh eri ahneki pwoson oh kangoang en doadoahngki. Pwehn insenohki Sapwellime sihpw kan, Sounkomouro kupwurki Peter en wia dahme E ketin wiahiero. E peki rehn Peter en wiahla emen soun epwel sihpw.
Epreil nekiero, Presiden Russell M. Nelson kasalehda soangen luhkohte ohng kitail en kamwengehda Sapwellimen Samatailo sihpw kan sang ni wiepe sarawi oh wia nin duwen doadoahk en papah.4
Pwehn alehda luhk wet ni pwung, kitail anahne ese pepehm en soun epwel sihpw kan oh wehwehki anahn en Sapwellimen Kauno sihpw kan. Ia mwomwen atail kak wiahla soun epwel sihpw kei nin duwen me Kauno kupwurki?
Sang ni peidek koaros, kitail kak kilang Sounkomour, Sises Krais—Soun Epwel Sihpw mwhau. Sapwellimen Sounkomouro sihpw kan kin sansal oh tohto; irail keneinei; irail kin kohpene wiahte ehu rehn Koht.
Sansal oh Wadekedi
Sang ni atail idawehn en Sounkomouro karasaras, kitail udahn anahne, keieu, ese oh wadekedi Nah sihpw kan. Kitail kin pwukoahki emen emen oh peneinei pwehn ahnla pwe kitail en kihpene Sapwellimen Kauno serihkan koaros oh sohte me pahn manoknokla. Meh depe, sohte koskosoia nempe, e wehwehki wiahieng emen aramas en pehmada limpoak me Sounkomouro ahneki ohng emen me papah pwehki Ih. Ni mwohmwo, koaros kak kasawiada me irail wia aramas kei me ahneki limpoak en Samatail Nanleng.
I ahpwte tuhweng peinakapw men me kepwukoahki en wia doadaohk en papah ohng emen lih pirien men me mahsang. Ira diarada me ira koaros perenki koul. Ni ansou me peinakapw menet kin pwarek, ira kin koulpene oh ehukipene me ira perenki kan. Ira wiahda ehi kempoakepah me kapaiada ara mour koaros.
I koapwoaroapwoarki me irail me ke wia doadoahk en papahiengo pahn kilanguhk rasehng kempoakepah men oh kasawih me ke utung irail oh me re kak likih—me ke wehwehki irair en mour me re mih loale oh iang kesempwalki dahme re kesempwalki kan.
Me keren I alehdi pwukoahn doadoahk en papah ohng emen lih me ngehi oh iengei sohte nohn ese. Ni ahi koasoaieng Jess, iengeio me sounpar 16, sang ni ah koahiek, dene, “Kita anahne kapehsehieng.”
Ansouohte se medewehda sen kileleikit kih kadaralahng kilelato kiht kapehseieng ihs kiht. I kol cello, oh Jess padik pwoatino pwehn kileleikitdi. Tepin aht wia doadoahk en papahu se minimin pene.
Nan aht tepin pwareko, se idek rehn riat liho ma mie mehkot se kak kapakapki me pid ah anahn kan. E ehukihengkit ehu kahpwal meh mih loale oh inda me e mwahuki sen kakapaki. Ah mehlelieng kit oh eimah kahrehda ehupenehn limpoak.
Ni ahmw kapakap, ke pahn pehm limpoak en Sises Krais ohng irail me ke doadoahk en papahieng. Ehukiheng irail limpoako. Sohte ehu wiepen kamwenge Sapwellime sihpw kan sang ni seweseirail en pehm Sapwellime limpoak—sang rehmwi?
Sinsile
Keriau en wiepen kakairada mohngiong en soun silepen sihpwo iei en sile Sapwellime sihpw akan. Nin duwen atail wia tohn Mwomwohdiso en Sises Krais en Souleng en Imwin Rahn akan, kitail kak kamwakid, kamwahuiala, oh pilehu wiahda kerenieng soahng koaros. Kitail kin mwadangete kapwaiada anahn kan en aramas. Ahpw miehte ekei?
Neitail sihpw kan ese me kitail sinsileirailki limpoak oh kitail pahn seweseirail?
Nan Madiu 25, kitail wadek:
“Kohdo, komw kapaidahr sang Sahmo, sohsohki wehi me kaunopdahr ohng komwi … :
“Pwe I men mwengedahr, oh e kihengie uduk: I men nimpildahr, oh e kanampileie: I wia mehn liki, oh e kasamwohie: …
“Eri me pwungo pahn sapeng ih, inda, Kaun ansou da me se pahn mwahngi irail me men mwengedahr oh kamwongeirail? de men nimpildahr, oh kanampileirail?
“Ansou da me se pahn kilang mehn liki, oh kasamwoh irail?”5
Riei koan lepin lokaia kesempwal iai kilang. Me pwungo kilang irail me anahn pwehki irail mwasmwasahn oh kaskasawih. Kitail pil kak tetehk pwehn sewese oh kaloalamwahuih, pwehn kamwauih, oh kilang ansou mwahu kan. Oh ni atail wia met, kitail pil kak kasalehda inou me en Madiu: “Ni ahmw papah emen, … , ke papahie.”6
Emen kempoakepah—kitail pahn kahdanki John—ehuki dahme kak wiawi ansou me kitail kilang en emenemen anahn me sohte sansal: “Emen lih nan ahi ward o song en lusiamla. Mwurin sounpwong riau mwuri, I diarada me sohte emen nan pwihn en ohloko kohla tuhweng ah pwoudo pwehn tehkada kahpwalo. I mwaroski pwe I pil sohte iang wia mehkot. I ahpw peki rehn ah pwoudo sen kohla mwengehn souwas pene. Ohlo kin ekis namenek, sohte kalapw lokaia. Oh ansou mei inda, ‘Amw pwoudo song en lusiamla. Mwein e pahn kakete kalok ohng uhk. Ke men kosoia?’ e sengseng laud ih koaskoasoaiahda. Se sengiseng pene oh wehwepene ni loal oh se tepda kalaudehla aht likih emenemen erein minit kei.
Sohn pil kosoia, “I leme me ihte me kitail anahne wia kadekehng mehteikan ahpw kaidehn song en pohnese dahme wiawio sang ni mehlel oh limpoak.”7
Neitail sihpw kan mwein wie lokolok, salongalahr, de pil pwumwpwupw seli; nin duwen soun silepen sihpw kei, kitail kak tepki isime pahn kilang arail anahn. Kitail kak rong oh poakehng ni sohte kadeik oh kasik koapwoaroapwoar oh sawas sang idawehn kaweid en Ngehn Sarawi.
Rieiko, sampah wet direkihla koapwoaroapwoar oh popohl pwehki kapehm en mwekid en kadek me komw kasalehda. Ni ahmw rapahki kaweid en Kauno ohng mwomwen kasale Sapwellime limpoak oh kilang anahn akan me komw doadoahk en papah kan, kitail pahn wehwehkihla mwahu. Omwi doadoahk en papah sarawi kan pahn kihwei pwung en alehdi kapehng kan. Komw kak rapahki kapehng sarawi sang ni koahiek.
Kohpene wiahla ehu rehn Koht
Kesiluh, kitail mwahuki neitail sihpw kan en kohpene wiahla ehu rehn Koht. Pwehn wia met, kitail anahne ese iawasa irail mihie nan ahl en inouo oh inengieng aluh rehrail nan arail seiloak en pwoson. Kitail ahnki ansou sarawi mwahu pwehn kohdo oh esehla arail mohngiong kan oh kasalehieng irail wasa Sounkomouro mihe.
Sister Josivini sang Fiji sohte kak kilang wasa mwahu nan alen inouo—douluhl. Kempoakepahu kilang me Josivini apwalki wadek pwuhk sarawi kan mwahu. E kiheng Josivini kilahs en wadawad iou oh iangahki pinsel oangoahng poh marain iou pwehn kilelehdi wasa koaros me inda Sises Krais nan Pwuken Mormon. Kemwekid me tapaiada doadoahk en papah tikitik wet oh sawas en onopki pwuhk sarawi wet kahrehieng edin Josiviniah iang pwarek tehnpas sarawi sounpar 28 mwurin ah pepdaislahu.
Sohte lipilipil ma neitail sihpw kan kehlail de luwet, perperen de lokolok, kitail kak dehr mweidehng irail en loaloidla. Kitail kak poakehng irail sohte lipilipil wasa irail mihe nan pali ngehn oh kihda utuht oh kakehlakahkin irail dakehn mwuhr kan. Ni atail kapakap oh rapahki pwehn wehwehki arail mohngiong kan, I kadehde me Samatail Nanleng pahn kaweid kitail oh Sapwellime Ngeho pahn ieiang kitail. Kitail ahnki ansou mwahu pwehn wia tohnleng kei me kapil [irail]” sang ni Ah mih mwohrail.8
Kauno lukeitail en kamwenge Sapwellime sihpw akan. Pwehn insenohkin irail rasehng Ih, E lukei kitail en wia soun epwel sihpw kei ohng sahpw koaros, wehi koaros oh Elder Uchtdorf se pil poakehng Soun Epwel Sihpw en Sehman kan. Oh E kupwurki me pwulopwul kan en patehng kemwekid pwukat.
Neitail me pwulopwul kan kak wia ekei neitail soun silepen sihpw kehlail kei. Presiden Russell M. Nelson kosoia me, “me Kauno kadarehr, irail me keieu kehlail nan sampah wet.” Ngehno laud rehrail, neitail “sounmwadong keieu” me idawehn Sounkomouro.9 Ke kak medewe manaman rasehng soun apwalih sihpw kan pahn wahdo sang ni arail apwalih mwahu Sapwellime sihpw kan?
Peinakapw pwulepwul oh mwahnakapw pwulepwul ko, se anahne kumwail, Ma sohte pwukoahn papah kohieng kumwail, lokaiahng Releif Society de Presiden en Elders quorum. Irail pahn perenkihda amwail nsenohkihda pwe Sapwelime sihpw akan en kak sansalda oh iang wadawadi, sinsile, oh kihpene irail en iang kapar me mih pahn Koht.
Ansou me rahno pahn leledo ni atail pweiekidieng ni alualuehkan en atail Sounkomour kempoake, sang ni ahmw papahier Sapwellime simpwul kan, I kapakapki kitail en kak sapeng rasehng Peter: “Ehi, Kaun; komw mwahngi me I poakohng komwi.”10 Iet Sapwellimomwi sihpw kan, I poakehng irail, mie pereparail, oh wairaildohng komwi. Ni mwaren Sises Krais, amen.