Elder Craig C. Christensen
No te Hitu Ahuru
E parau tumu ta to matou utuafare mai roto mai i te Alama 32:28, HUERO, ei faaitoitoraa varua i te mau mahana atoa », te parau ïa a Elder Craig C. Christensen, tei paturuhia ei hoê melo no te o te Pŭpŭ piti o te Hitu Ahuru.
Te ohipa o te hoê ïa tuhaa rahi roa i roto i te oraraa no Elder Christensen. No te hoê utuafare e titauraa ïa ia ohipa i te pae tino, tae noaʼtu i te hopuraa opupu i te taime faafaaearaa na te utuafare, e ohipa o Elder Christensen, toʼna hoa faaipoipo o Debora, e ta raua na tamarii e toomaha i te faaitoitoraa pae varua na roto i te mau taiʻoraa papaʻiraa moʻa. Hau atu i te reira, te vaira ihoa ta Elder Christensen faanahoraa no te faatupu i te pae varua i roto i te utuafare. « Na roto i te mau matahiti » i te parauraa a Elder Christensen, « na te reira feruriraa e te maimiraa i roto i te mau papaʻiraa moʻa i haapuai iaʻu e i patu i toʻu nei iteraa papu.
Ua fanauhia o Elder Christensen i te 18 no Mati 1956 i Salt Lake City, Utaha, i na metua o Sheron Glen e o Colleen Cloward Christensen. Ua faanuu toʼna utuafare i Concord, California, na mua ae oia a haere ai i te haapiiraa tuarua. Ua hoʻi mai oia i Utaha i roto ïa i te fare haapiiraa teitei no Brigham Young University no te hauti i te faahoro popo.
« Te faahoro popo taʻu mea au roa na mua ae i taʻu misioni i Chili », te parau ïa a Elder Christensen. « Toʻu riroraa ei misionare i faataui i te taatoaraa o toʻu oraraa. Ua rahi roa ino toʻu here i te taata e te hinaaro ia tavini mau. »
Faaipoipohia i roto i te Hiero no Salt Lake City i te 28 no Mati 1978 ia Debora Jones – « toʻu hiʻoraa no te oraraa i te evanelia » – ua haapii oia i te parau no te numeraraa e no te imiraa faufaa. I roto i toʼna tiʻaraa fatu taiete hoo pereoo uira, mea titauhia oia ia « ora i te parau tumu no te haapaʻo maiteraa e te haapiiraa i te reira ia vetahi ê. »
Ua haapii oia i teie parau tumu mai roto mai i te mau taata tei arataʻi e tei haapii iaʼna, tae noaʼtu i toʼna metua tane, tei riro ei epesikopo e ei peresideni tĭtĭ noʼna; toʼna taeaʻe; e toʼna peresideni misioni.
Ua tauturu atoa teie mau taata i te faaineineraa iaʼna no te tavini ei epesikopo, ei peresideni misioni, e ei mana area hitu ahuru. Na roto i teie mau hiʻoraa e te mau ohipa, to Elder Christensen parauraa, « Ua haapii au e e haapii mau te varua ia tatou e i te feia o ta tatou e haapii. I roto i te mau huru piiraaʼtoa e mea tiʻa tatou ia hiʻo e aha ta te Fatu e hinaaro ia tatou ia rave. »