Ua piihia te feia faatere apî, faaarahia te mau faatureraa

Na roto i te haapurororaahia i te amuiraa rahi, e tuhaa rahi to te mau melo o te Ekalesia tei raeʻahia i te faaara, ua faaara te peresideni Gordon B. Hinckley i te tauiraa o te faatureraa, e ua paturu te mau melo o te Ekalesia i te hoê peresideniraa apî no te Feia Apî Tamahine, e te tahi mau hui mana faatere rahi apî, e te mau melo apî no te peresideniraa o te Hitu Ahuru e te peresideniraa rahi o te Haapiiraa Sabati.

Ua riro te 172raa o te amuiraa rahi afa matahiti, te amuiraa rahi matamua tei haapurorohia i roto i te mau tuhaa fenua no Asia, Auteraria, te Pae hitiʻa o te râ o Europa, e i te pae apatoa no Patifita. Hau atu i te 5.000 mau fare pureraa tei haamauhia i teie nei te faanahoraa e nehenehe ai ratou e farii i te mau haapurororaa a te Ekalesia, 90 i niʻa i te hanere o te Ekalesia o te nehenehe e tuʻati atu i niʻa i te pee utari no te amuiraa rahi. Taaê atu i te reira, ua faahaere-atoa-hia te mau amuiraa i niʻa i te itenati.

I te amuiraa no atopa 2002, ua paturuhia te hoê peresideniraa rahi apî no te Feia Apî Tamahine. O te Tuahine Susan W. Tanner tei piihia no te tavini ei peresideni rahi no te Feia Apî Tamahine. Te tuahine Julie B. Beck tei piihia ei tauturu hoê, e te tuahine Elaine S. Dalton ei tauturu piti.

Ua haamauruuruhia te tuahine Margaret D. Nadaud e toʼna na tauturu, te tuahine Carol B. Thomas e te tuahine Sharon G. Larsen ei peresideniraa rahi o te Feia Apî Tamahine.

E pae na hui mana faatere rahi apî tei piihia i roto i te pŭpŭ piti o te Hitu Ahuru : Elder Craig C. Christensen, Elder James M. Dunn, Elder Daryl H. Garn, Elder D. Rex Gerratt, e Elder Spencer V. Jones.

Ua haamauruuruhia ei mau melo no te pŭpŭ piti o te Hitu Ahuru oia o Elder Richard D. Allred, Elder Athos M. Amorim, Elder L. Edward Brown, Elder Earl M. Monson, e Elder Jerald L. Taylor.

Ua haamuruuru-atoa-hia e 21 na mana area hitu ahuru. I roto ia ratou, 11 tei tavini i roto i te fenua Marite e te tahi pae tei tavini i Raparata, i Auteraria, i Bolivia, Beresilia, i te fenua Peretane, te fenua Heremani, te fenua Tapone, i Korea, i Peru, e i Uruguay.

Ua paturuhia o Elder Dieter F. Uchtdorf ei melo no te peresideniraa o te Hitu Ahuru, e o Elder Val R. Christensen tei paturuhia ei tauturu piti i roto i te peresideniraa rahi o te Haapiiraa Sabati. O Elder Ben B. Banks no te Hitu Ahuru o tei faatuhaahia ei hui mana faatere rahi e tei haamauruuruhia mai roto mai i te peresideniraa o te Hitu Ahuru, e o Elder Richard J. Maynes tei haamauruuruhia ei tauturu piti i roto i te peresideniraa rahi o te Haapiiraa Sabati no te amo atu ïa i te tahi atu mau piiraa.

I roto i te amuiraa a te autahuʻaraa, ua faaara te peresideni Hinckley i te tahi mau tauiraa i roto i te faatureraa e te haapapuraa i te faatureraa e vaira e ia faaohipa i te reira. Na roto i te iteraa i te teimaha o te ohipa i niʻa i te feia faatere o te autahuʻaraa, ua faaara te peresideni Hinckley e, haamata mai te 1 no novema 2002, e mana te parau faatiʻa no te hiero no te maororaa e piti matahiti e ere faahou hoê matahiti ; no te faaitiraa mai i te mau taime no te uiuiraa a te feia faatere

Ua faaara atoa oia e, e faaitihia te aʻoraa i roto i te pureraa oroʻa no te mau misionare e faareva ra no ta ratou misioni e eiaha te mau melo o te utuafare ia ô i roto e aore ra i roto i te faaineineraa no te pureraa. Ua aʻo te peresideni Hinckley i te mau melo ia faaore i te mau faanahoraa uputa iriti na te mau misionare.

Ua ani atoa te peresideni Hinckley i te feia faatere i te pae sotiare e tivila ia faatura i te mau melo o te Ekalesia ia faatere i ta ratou pô utuafare e ia haavata i te ahiahi monire i te mau ohipa no te haapiiraa anei e aore ra te tahi atu mau ohipa. Ua aʻo atoa oia no te arairaa i te tarahu, te oraraa morare, e te hamani-ino-raa i te tamarii.