Elder Daryl H. Garn
No te Hitu Ahuru

I riro na o Darl H. Garn ei hoê misionare i te pae tooa o te râ no Canada, ua haere atu toʼna peresideni misioni i te area e tei reira oia. Aita hoʻi o Elder Garn i ite pinepine i te peresideni misioni no te mea e misioni rahi roa ino to ratou, no reira ua riro mau taua farereiraa ei mea taaê mau.

« A faaoti ai te Peresideni Arave i toʼna iteraa papu, ua parau oia e ua ite papu oia e taua mau mea ra », e te haamanaʻo ra o Elder Garn, « e ua riro te Varua ei ite noʻu e e parau mau ihoa te reira – e ite outou i te mau mea o te Varua hau atu i te tahi atu mea o ta outou i ite. »

Mai taua mahana ra, ua paturuhia o Elder Garn, i te ava’e no Atopa ei hoê melo no te pŭpŭ piti o te Hitu Ahuru, ua roaa toʼna iteraa i te parau mau mai roto mai i te iteraa papu o toʼna peresideni misioni. Te haamanaʻo ra oia i taua matahiti i mairi a parahi ai oia i roto i te hoê amuiraa tĭtĭ i Ohio e ua puhi mai te Varua iaʼna e piihia oia i roto i te epesikoporaa o toʼna paroisa. Tei roto oia i te fare haapiiraa taote niho no na hepetoma e piti noa iho, na mua noa ae te hopearaa o te mahana, ua pii mai te peresideni Spencer W. Kimball (1895-1985).

« Ua parau mai o Elder Kimball : ‹te taeaʻe Garn, ua pii te Fatu ia oe i teie tiʻaraa, mai te mea e tuu oe i mua i te mau mea no mua, e haamaitai mai Oia ia oe› », ta Elder Garn e haamanaʻo nei. Ua ite oia e na roto i te taviniraa i roto i toʼna mau piiraaʼtoa – mai te epesikopo, peresideni tĭtĭ, peresideni Feia Apî Tamaroa, melo apooraa teitei, e mana area hitu ahuru – ua paruruhia oia i roto i te mau mea atoa no toʼna oraraa.

Ua parau taʼna vahine, o Irène, e taata oia tei tuu noa i te Fatu i mua, e ua pahono oia i te mau piiraa atoa – tei reira oia i te tautururaa i te fare e aore ra te arataʻiraa i te hoê paroita – e mea au roa naʼna ia parau e, « Mai tera ihoa taʻu e hinaaro e rave ! »

Ua fanauhia o Elder Garn i te 28 no ditema 1938 i Tremonton, Utaha, i na metua o Uel e o Lolita Hodges Garn. Ua faaipoipo oia ia Irene Hall i te 19 no ditema 1961 i roto i te Hiero no Logan Utaha. E ono to raua mau tamarii e 19 mootua. Ua haamau raua i to raua utuafare i Mesa, Arizona.