Ua faaite te peresideni no te fenua Gana i te tapaʻo haamauruuru no te mau tauturu

I roto i te hoê apooraa tei tupu i Salt Lake City i te avaʻe no setepa ra e te Peresideniraa Matamua, ua faaite te peresideni no te Hau Repupirita no Gana, o John A. Kufuor, i te tapaʻo mauruuru no te tauturu a te Ekalesia e te oraraa faaroo i toʼna ra fenua. « Te faariro nei matou ia outou ei tuhaa no Gana », te parau ïa taʼna i parau atu i te peresideni Gordon B. Hinckley, te peresideni Thomas S. Monson, tauturu hoê i roto i te Peresideniraa Matamua, e te peresideni James E. Faust, tauturu piti i roto i te Peresideniraa Matamua.

I roto i toʼna tereraa mai i te Fenua Marite no te rururaa na te Mau Hau Amui, ua tere mai te peresideni Kufuor i Utaha nei ma te apeehia mai i te tahi feia faatere no te aparau i te pae no te tereraa faufaa e te hau no te fenua e te feia faatere. E i reira, ua farerei oia i te feia faatere o te Ekalesia e ua haere e mataʻitaʻi i te mau vahi o te Ekalesia, tae noaʼtu i te Pû Totauturu, e te Temple Square, e te Pû amuiraa.

Ua haamauruuru te peresideni Kufuor i te Ekalesia no te mau tutavaraa totauturu e te mau faanahoraa no te tihepuraa i te feia rave ohipa i roto i toʼna fenua. Te turu nei te Ekalesia hau i te 140 mau opuaraa totauturu i te fenua Gana no nau 15 matahiti.

I muri mai, ua titau manihini atu te peresideni Hinckley i te peresideni Kufuor i te opani iriti no te Hiero i Accra Gana, tei tabulahia e oti i te paturaa i te matahiti 2003. Ua haamauruuru atoa oia i te peresideni Kufuor no taʼna tururaa i te Ekalesia.

« E fareiraa faufaa roa tei tupu, e tae noaʼtu i te taime no te haamauruururaa », i te parauraa a Elder H. Bruce Srucki no te Hitu Ahuru, te peresideni tahito no te area no Afirita tooa o te râ.

E pae tĭtĭ to te Ekalesia e te faito e 20.000 rahiraa mau melo i te fenua Gana. I teie taime te patuhia nei te hoê hiero, te fare faaearaa no te feia rave ohipa hiero, te hoê fare tĭtĭ, e te hoê piha ohipa area.