Te Ekalesia a te Feia Moʻa i te Mau Mahana Hopea Nei, te Ekalesia ïa e tupu rahi nei i roto i te fenua Marite

I roto i te hoê tuatapaparaa e ravehia nei i te mau 10 matahiti atoa, ua parauhia e o te Ekalesia a Iesu Mesia i te Feia Moʻa i te Mau Mahana Hopea Nei te Ekalesia o te tupu rahi oioi i roo i te fenua Marite mai te matahiti 1999 e te matahiti 2000.

Te faaite atoa ra teie tuatapaparaa e te mau ekalesia e tupu rahi nei o ratou ïa o te haapaʻo maite i te oraraa totiare – e te mau ekalesia o te ore e tupu rahi nei maoti râ, o ratou ïa o te ore e haapaʻo maite ra i te pae no te oraraa totiare. E o te Ekalesia nei tei mua roa i niʻa i te faito 19,3 i niʻa i te hanere i te fenua Marite. Te mau faaroo i muri mai o te mau Ekalesia a te Mesia, te Mau Amuiraa a te Atua, e te Ekalesia Katorika no Roma.

Na te Pû Glenmary Research, te hoê titorotororaa Katorika e te faanahonahoraa totiare i arataʻi i teie tuatapaparaa e tei farii i te mau pahonoraa mai roto mai e 149 pŭpŭ faaroo. Aita hoʻi te Hau Marite iho e rave nei i teie huru tuatapaparaa no niʻa i te faaroo, ua riro ïa teie tuatapaparaa ei numeraraa papu e vai nei i roto i te fenua Marite no niʻa i te mau faaroo.

E ia au atao i te tuatapaparaa, o te Ekalesia te numera ono i roto i te fenua Marite e o Utaha te tuhaa fenua i mua roa i te pae no te faaroo i roto i te fenua Marite (i niʻa i te faito 75 i niʻa i te hanere)e te feia faaroo. E o Provo, Utaha oia anaʻe te faito rahi roa aʻe no te feia faaroo (90 i niʻa i te hanere) e tei roto oia i tera 149 mau pŭpŭ faaroo.