Molimau: “Filifilia o le Mea Lelei”

O molimau pupuu nei na tuuina mai e tova ai le musika na filifilia o le “Filifilia o le Mea Lelei.”

Janet Edwards, Faifeutalai i le Lotoa o le Malumalu Aai o Sate Leki Iuta, mai Niu Ioka: Sa ou nofo i le Aai o Niu Ioka, ma sa alu lo’u loto i faafiafiaga o le lalolagi. O le matautia o le mea na tupu ia Setema 11, sa ou iloa ai ma le tiga o lo’u olaga, e le o se olaga e maua ai le olioli e faavavau. E sese le matai lea sa ou auauna i ai; sa galo ia te au e tatau ona faamuamua Iesu Keriso. O le aso lena sa ou faia ai le filifiliga aupito silisili i lo’u olaga—sa ou filifilia ai le Alii—o Lona filemu ma le fiafia.

Galina Pershina, Faifeautalai i le Lotoa o le Malumalu, mai Rusia: Ina ua ou auai i le Ekalesia, sa fai mai lo’u aiga e aua nei ou taumafai e faaliliu mai i latou. Ina ua ou alu i le misiona, sa ma’i tigaina lo’u tina. Sa faapulupulu e o’u uso o le Aualofa o ia i lima alolofa. A latou faatasitasi ma ia, ona ia maua lea o le agaga e tasi lea ou te maua; e lagona e ia lo ma vavalalata, e lagona foi e ia le alofa o Keriso.

Florence Chukwurah, sui o le Aufono Aoao a le Aualofa mai Nigeria: Sa vave ona ou filifili ou te faatoilaloina le mativa i le olaga ae saili atu ma le maelega i le Atua. Sa tonu ia te au ou te usiusitai i o’u matua ma i latou e matutua. Sa tonu ia te au ou te toaga i le aoga. Sa tonu ia te au ou te galue malosi i o’u lima. Sa faafofogaina e le Alii au tatalo. Sa ia faapaleina a’u taumafaiga i faamanuiaga mo au ma lo’u aiga.

Donna S. Packer, faletua o Peresitene Boyd K. Packer, Sui Peresitene o le Korama a Aposetolo e Toasefululua; tina; tinamatua; ma se tusitala mai Iuta: O le filifilia o sa’u lava molimau—i lou olaga i aso taitasi faatasi ai ma faigata uma, e le mafai ai ona ou ola i se malamalama e nono mai i se isi tagata. E le mafai foi ona tatou faalagolago e faavavau i le malamalama faaleagaga o isi. E tatau ona tatou iloaina e i tatou lava. Ma e na o le Agaga Paia lava e i ai le mana e faamaufaailogaina ai le molimau i o tatou lava agaga, o Iesu o le Keriso soifua. Ua ou iloa lena mea.