Te parau faataaraa a te aupŭpŭ hi‘opo‘a faufaa a te Ekalesia, no te matahiti 2006
Na te Peresideniraa Matamua o Te Ekelesia a Iesu Mesia i te Feia Mo‘a i te Mau Mahana Hopea Nei
E te mau taea‘e : Mai tei faaitehia na roto i te heheuraa i roto i te tuhaa 120 o Te Parau Haapiiraa e te Mau Parau Fafau, te apooraa no te haapa‘oraa i te mau faufaa i aufauhia mai na roto i te tuhaa ahuru. Teie te mau melo o teie nei apooraa, o te Peresideniraa Matamua, te Pŭpŭ no te Tino Ahuru Ma Piti Aposetolo e te Episekoporaa Faatere Rahi. Na teie apooraa e haamana i te mau tabula haamau‘araa no te mau aupŭpŭ e te mau ohiparaa a te Ekalesia. I muri mai i te fariiraa i te parau faati‘a a te apooraa, ei reira ïa te mau aupŭpŭ o te Ekalesia e haamau‘a’i i teie moni mai te au i te moni i haamanahia e mai te au i te mau ture e i te mau arata‘iraa a te Ekalesia.
Ua horo‘ahia te parau faati‘a i te aupŭpŭ hi‘opo‘a o te Ekalesia ia tomo i roto i te mau parau tuatapaparaa atoa e i te mau faanahoraa no te hi‘opo‘a e ua haapa‘o maitaihia anei te mau hi‘opo‘araa o te mau moni, te mau haamau‘araa e ua paruru-maitai-hia anei te mau faufaa a te Ekalesia. Te aupŭpŭ hi‘opo‘araa o te Ekalesia e aupŭpŭ ti‘amâ teie i te mau aupŭpŭ e te mau ohiparaa atoa o te Ekalesia e to’na feia rave ohipa, e feia ïa tei haamanahia ei feia haapa‘o faufaa i roto i te mau taata atoa, ei feia hi‘opo‘a tei haamanahia, ei feia haapa‘o i te mau faanahoraa haamaramaramaraa tei haamanahia, e i te tahi atu mau taata parau tu‘ite no te ohipa tamau.
Faatumuhia i ni‘a i te mau hi‘opo‘araa i ravehia, ua tu te faaotiraa a te aupŭpŭ hi‘opo‘a o te Ekalesia no ni‘a i te mau tuhaa materia, te mau aufauraa i fariihia, te mau haamau‘araa i ravehia, te mau faufaa o te Ekalesia no te matahiti 2006, ua tapa‘ohia te reira e ua faaterehia mai te au i te mau faataaraa a te mau haapa‘o faufaa, te mau moni afata tei haamanahia, e te mau ture e te mau arata‘iraa a te Ekalesia.
Ma te faatura,
Te aupŭpŭ hi‘opo‘a o te Ekalesia
Robert W. Cantwell
Upoo faatere