Elder Claudio D. Zivic
No te Hitu Ahuru

Te ti‘aturi nei Elder Claudio Daniel Zivic e, ia tamata ana‘e tatou i te ora parau-ti‘a noa, e nehenehe tatou e ti‘aturi e e arata‘i te Atua ia tatou.

Ua fanauhia Elder Zivic i te 19 no Titema 1948, i na metua melo no te Mau Mahana Hopea Nei o Sergio Jorge Zivic e Eleonora Zalewski Zivic i Buenos Aires, i Ra Parata. Ei tamaiti horo 800 metera e 15 matahiti, ua roaa ia’na te rê piti i te faito o te ao nei no to’na huru matahiti. To’na hinaaro mau o te tata‘uraa ïa i roto i te tu‘aro Olympique, e ua ti‘aturi to’na taata faaineine e maona Olympique hoi i te tu‘aro décathlonien—ahiri a‘e pa‘i e faaore oia i te pato‘i i te hauti i te mahana Sabati.

« Titauhia ia‘u ia ma‘iti », o te parau ïa a Elder Zivic. « I te pae hopea ua mana‘o vau e, e ere te ohipa tu‘aro i te hinaaro o te Fatu no‘u ».

Ua faaruru atoa Elder Zivic i te tahi atu opuaraa fifi i te taime a ma‘iti ai i to’na nominoraa. E maha matahiti to’na haereraa i te haapiiraa tuarua, e ua titauhia ia’na hoê faahou matahiti no ta’na parau tuite i roto i te ohipa haapa‘o faufaa no te mea e ere oia i te mea ite roa i roto i teie haapiiraa.

« Aita roa vau e au i te ohipa haapa‘o faufaa », o ta’na ïa i parau. Area râ, a pure ai oia ma te mana‘ona‘o i to’na toro‘a, ua faaoti oia e, e haere ihoa oia i te hopea. Ma te ti‘aturi i te Fatu, ua roaa ta’na parau tuite i te Fare Haapiiraa Tuatoru no Buenos Aires e ua oaoa i to’na toro‘a ei haapa‘o faufaa.

Ua ite Elder Zivic i te arata‘iraa a te Fatu i roto i to’na oraraa. « Mai te mea e ora parau-ti‘a noa tatou, e haamaitai mai Oia ia tatou », o te parau ïa a Elder Zivic. « E manuïa te mau mea’toa ».

I muri mai i ta’na tau faa‘ehau, ua taatihia oia e ta’na vahine, Diana Noemi Alvarez i te 9 no tenuare 1979 i roto i te Hiero no Sāo Paulo i Paratira. E pae tamarii ta Elder e te tuahine Zivic

Hou to’na pii-raa-hia i roto i te Pŭpŭ Matamua no te Hitu Ahuru, ua tavini Elder Zivic ei peresideni no te pŭpŭ a te mau peresibutero, ei orometua haapii evanelia, ei episekopo, ei melo apooraa teitei, ei tauturu no te peresideni titi, ei taata rave oroi te hiero, ei ti‘a retioni, ei peresideni no te Misioni o Spain Bilbao, ei Tauturu Piti i roto i te peresideniraa Area no Amerika Apatoa.