Elder Octaviano Tenorio
No te Hitu Ahuru

Ua ite Elder Octaviano Tenorio Dominguez e, e taui te fariiraa i te mau oro‘a o te hiero i te oraraa. Ua taui te reira i to’na, e ua ti‘a oia i te mau ti‘araa no te hi‘o ia vetahi ê ia tauihia. « A ora tapiri i te hiero », o ta’na ïa aniraa u‘ana.

Fanauhia i te 31 no Atopa 1942 ia Octaviano Tenorio e Flora Dominguez no Tenorio i Tilapan Veracruz i te fenua Mehixo, e ua faafariuhia i roto i te Ekalesia i muri mai i to to’na utuafare haereraa i Rio Bravo i te fenua Mehixo apato‘erau.

I muri mai i to’na fariiraa i ta’na parau tuite no te ohipa haapa‘o faufaa e no te ohipa, ua farerei oia ia Rosa Elva Valenzuela Gonzalez i te Oire no Mehixo i reira raua e noho ai i teie nei. Ua taatihia raua i te 4 no tenuare 1974 i roto i te Hiero no Mesa i Arizona e e pae a raua mau tamarii.

I to’na haamataraa i ta’na ohipa, ua anihia Elder Tenorio ia farii i te hoê ti‘araa faatere i roto i te Pû Ohipa Tuatapaparaa no Mehixo. No te mea hoi e, e mea maitai roa ta’na ohipa nene‘iraa, aita atura oia i papû e e farii anei oia i teie ti‘araa apî. Na roto râ i te mau ohipa faauru tei tupu, ua feruri oia e, o teie paha te ohipa e ti‘a ia’na ia rave.

« Ua taui te reira i te huru o to‘u oraraa », o ta’na ïa i parau. Ua tu teie ohipa aamu utuafare i te ohipa o te hiero.

E hitu matahiti oia i roto i teie ohipa, a tavini ai oia ei peresideni titi, ua piihia oia e papa‘i parau matamua no te Hiero no te Oire no Mehixo e ei taata taati. Ua vaiiho mai oia i te hiero no te peresideni i ni‘a i te Misioni no Mehixo Tuxtla Gutierrez. I muri mai, ua faatere oia i te Aupŭpŭ no te mau parau Meloraa, te mau Tauihaa e te Ohipa Totauturu, i roto i taua taime ra oia i riro ai ei ti‘a no te retioni e i muri mai ei Hitu Ahuru Area.

Ua riro faahou o Elder Tenorio ei papa‘i parau no te Hiero no te Oire no Mehixo i muri mai i to’na faatuhaa-raa-hia.

« Ua riro te hiero ei tuhaa rahi no to‘u oraraa », o ta’na ïa i parau. « Te ti‘aturi nei au e, e mea na roto i te mau oro‘a hiero tatou e ite ai i te oaoa mau ». Ua mauruuru roa o Elder Tonorio i te Atua e ua mauruuru oia i te taviniraa i roto i te pŭpŭ matamua o te Hitu Ahuru.