O Iesu Keriso o le Alo o le Atua

E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.

Vaai faalemafaufau o loo e malaga i le toafa. O le malaga e umi, o lau tietie i le kamela e patupatu solo, ma e te le o mulimuli foi i se faafanua! Ae, o loo e mulimuli i se fetu. O a ni ou lagona e i ai? Mata e te maua le faatuatua e te alu ai pea?

I le lua afe tausaga ua mavae, o le mea tonu lava lena sa fai e le Au Makoi. Sa latou vaaia se fetu pupula i sasae ma faimalaga atu loa agai i Peteleema e ifo atu i le pepe o Keriso ma ni meaalofa matagofie. Ma sa le na o le Au Makoi ni tagata sa vaai atu i le fetu. I le isi itu o le vasa laolao, i le konetineta o Amerika, sa vaai ai sa Nifae i le fetu ma iloa ai ua fanau Iesu Keriso, le Alo o le Atua.

O aso nei, o le mafaufau i lena fetu e faamanatu mai ai ia i tatou le Faaola. Sa susulu i le pogisa ma faasino ai i le Au Makoi le ala, e pei lava ona faaali mai e Iesu ia i tatou le ala tatou te ola ai. O le fetu foi sa tumau, e pei lava o le alofa o le Faaola mo i tatou. O le isi taimi e te vaavaai atu ai i fetu, ia manatua o Iesu Keriso o le Alo o le Atua ma le Malamalama o le Lalolagi!

Agavale: ata na tusia e Adam Koford; taumatau: ata na tusia e Thomas S. Child, iStockphoto.com, ma le iStockphoto.com/Adyna