O Finagalo Faaalia mai ia i Latou O E Ua Faaaogaina Punaoa e Aoao Ai mo le Autalavou
I le aluga o le tausaga ua mavae, sa faataitaia ai e siteki i le lalolagi atoa se metotia fou faaleaoaoga i Aso Sa. Ma ua faailoa mai e i latou sa faaaogaina [lenei metotia fou] ua matua tele lava se eseesega na tulai mai ai. O a latou faamatalaga nei:
Mai le Autalavou
“O le mea e sili ona ou fiafia i ai o le aoaoga—e le gata i le na o le Aoga Sa. E te … faaauau ai pea i le aluga o le vaiaso. E tuuina atu e lou faiaoga au meaaoga e fai, ma e tatau ona e sau saunia i le Aso Sa e sosoo ai. ”
“O le taimi lava e sa’o ai le ala e te agai i ai, e matuai faigofie lava ona faaaofia ia tagata i nei lesona aua ua na o le vaega atoa o le korama o loo faiaoga moni lava.”
“I le faaiuga o vasega taitasi, … po o ai lava sa aoao atua le lesona … o le a tuuina mai ia i tatou se lu’i. … O lona uiga o la tatou lu’i lena i le vaiaso atoa ina ia faaleleia atili ai.”
Mai Faiaoga ma Taitai
“Matou te talanoa i lu’i lea na tuuina atu i tamaitai i le vaiaso ua tea. Ma e masani lava, o aafiaga sa latou oo i ai i lena vaiaso i le taumafai ia usiusitai ma aoao le aoaoga faavae … e vave ona oo mai ai le Agaga nai lo se isi lava mea e mafai ona matou faia.”
“Na matou tuuina atu i alii talavou ni avanoa e faia ai lenei lava mea, ma sa faamanuiaina i latou. Sa mafai ona avea i latou ma e faafoeina ni talatalanoaga faaletalalelei.”
“Ao tautatala mai [le autalavou], na faatuputupulaia a latou molimau ma sa avea lo latou malamalamaaga e uiga i lena aoaoga faavae ma se vaega o i latou.”