O Le a Oo mai ia Ianuari le–Sau, Mulimuli Mai ia te Au: Punaoa e Aoao Ai mo le Autalavou
O Le Auala Tatou Te Aoao Faatasi ai i le Ala a le Alii
Autalavou
O le aoaoina i le ala a le Alii e aofia ai le sau saunia i le vasega e aoao, suesue i tusitusiga paia ma upu a perofeta, faamalamalama atu ia upumoni o le talalelei i isi, ma faasoa atu pe o faapefea ona aafia lou olaga i le ola ai i le talalelei.
Faiaoga
Ao e faaalia se naunautaiga patino i olaga o au tamaiti aoga, o le a e malamalama i o latou manaoga, fausia ni sootaga, ma fetuunai ni faatosinaga faaleaoaoga ina ia mafai ona o latou liua patino. O le a fesoasoani le mataupu aoaoina fou ina ia e malamalama ai i aoaoga faavae ma o le a avatu ai ia te oe ni manatu e faaauai mai ai le autalavou i aoaoga. O le aoao atu i lenei auala e le o se lauga ae o se liua ua taitaiina e le Agaga.
Matua
O le faaalia o se naunautaiga patino i mea o loo aoaoina e lau fanau o le a fesoasoani lea ia te oe e te fesoasoani ai ia latou tauaveina le matafaioi o lo latou lava aoaoina. O le a valaauliaina lau fanau e aoao atu i lou aiga mea o loo latou aoaoina. Ao e tuuina atu ia i latou ni avanoa e faia ai, o le a faatuputupulaia a latou molimau ma le tomai e faasoa atu ai le talalelei.
Taitai Matutua a le Autalavou
O oe e nafa ma le faatinoina o lenei mataupu aoaoina i lau uarota po o le paranesi. Ao e tuuina atu ni aoaoga faamasani faifai pea ma faatuina se faataitaiga o le aoao atu i le ala a le Alii, o le a faaaogaina e au faiaoga lenei ituaiga o aoaoga. Taulai atu i manaoga o le autalavou ma saili ni auala e fesoasoani ai i talavou, matua, taitai, ma faiaoga e talanoa ai i nei manaoga. O lenei mataupu aoaoina fou o le a fesoasoani i le faafaigofieina o le liua o talavou i lau uarota po o paranesi.