Ua Saunia i Itulau o Gagana ia Anomea a le Ekalesia i le Silia Ma Le 100 Gagana

Mo tagata o le au paia i le lalolagi atoa e le tautatala i se tasi o nei gagana masani e 10—Saina, Peretania, Farani, Siamani, Italia, Iapani, Korea, Potukale, Rusia, ma le Sipaniolo—o le mauaina o anomea a le Ekalesia i la latou lava gagana, atonu o le a faigata. Peitai, mo i latou ua silafia ia itulau a gagana i le LDS.org, o le mauaina o anomea autu a le Ekalesia, ua na o nai kiliki lava e maua ai.

I le taumatau i le pito i luga po o le pito i lalo tauagavale o le LDS.org i le itulau autu, kiliki i le picture of the world e maua ai sootaga i itulau uma o gagana o loo maua i le LDS.org. E oo atu i le faaiuga o le 2012, ua faamoemoe le aufaigaluega a le LDS.org ia i ai itulau a gagana e 108, e aofia ai le Hrvatski (Kalaotia), Malakasa (e faaaoga i Matakasa), ma le Twi (e faaaoga i Kana).

O anomea o loo maua i itulau a gagana taitasi, e eseese, ae e mafai ona sii mai ma lolomi mea taitasi.

O le tausaga nei na faafou ai itulau a gagana taitasi i nai mea fou, e aofia ai le PDF o talafou i vaifanua i le Liahona i le silia ma le 40 gagana, ma se anotusi PDF faigofie o le konafesi aoao ia Aperila 2012 i le silia ma le 90 gagana. O le PDF o le Tusi a Mamona i gagana e 99 ua faaopoopo atu i ai isi itulau o gagana e 24 i gagana ua leva ona i ai i le LDS.org.

E i ai aitema ua faaliliuina e tusa ai ma le fuafuaga lautele a le Ekalesia mo le folasia mai o anomea a le Ekalesia i gagana patino.

I lea fuafuaga mo le faaliliuga o anomea, o mea autu—mo se faataitaiga, tatalo o le faamanatuga, o Mataupu Faavae o le Faatuatua, o le tusi lesona o Mataupu Faavae o le Talalelei, lauga filifilia o le konafesi aoao, ma le tamaitusi o le Molimau a le Perofeta o Iosefa Samita, ua tuu i ai le—faamuamua e faaliliuina ai.

O isi anomea faaopoopo e faaliliuina e pei o musika, “O Le Aiga: O Se Folafolaga i le Lalolagi,” ma Savali a le Au Peresitene Sili ma Faiaoga Asiasi, e amatalia pe a faateleina tagata o le Ekalesia e faaaogaina se gagana.

E faaliliuina anomea ma avanoa mo le faaaogaina pe a maea ona faamaonia mai e le Au Peresitene Sili ma le Korama a Aposetolo e Toasefululua. E mafai foi e Au Peresitene o Eria ona talosagaina ni anomea ia maua i se gagana patino, pe afai latou te silafia ua manaomia.

“Ua maua nei itulau i tagata uma o le au paia mo lo latou lava faaaogaina faapea foi ma le faaaogaina i Aso Sa,” o le tala lea a le pule sinia o oloa gaosi faaeletonika, o Matt Robinson. “E mafai e taitai i le lotoifale ona faaaogaina lenei punaoa mo a latou lava suesuega patino ma faapea foi ona faasino i ai tagata o le au paia e faaaoga i valaauga ma aiga.”

Na lipotia mai e Sargis Ayvazyan, fesoasoani lua i le au peresitene o le Itu a Yerevan Aremania, ua fiafia lava tagata o le au paia i Aremania e faaaoga le itulau o le gagana Aremania, e lolomi mai ai mea e fesoasoani ia i latou e faatino ai o latou valaauga. Ua latou faaaogaina foi e maua ai ma faitauina faamatalaga e uiga i le Ekalesia, ma maua ai lauga o le konafesi aoao i la latou lava gagana.

E tele isi mea fou e mafai ona sii mai ma lolomi o loo faaauau pea ona faaopoopo i le silia ma le 100 itulau o gagana i le LDS.org.