Koronivuli ni Kaulotu

Na koronivuli vou ni kaulotu mai Accra, Ghana, kei na koronivuli ni kaulotu vakalevutaki mai Provo, Utah, Amerika, sa vakaraitaka tiko na kena bibi tikoga na qaravi ni kaulotu.

Na KNK e Ghana se qai caka oti toka ga oqo, toka tikiva na Valetabu e Accra Ghana, era vakaicili kina e 320 na daukaulotu ka rawa ni toso tale. Na vale levu era vakaicili kina na daukaulotu era biubiu mai na ra kei na tokalaucevaceva kei Aferika, vakakina o ira na daukaulotu mai na veiyasai vuravura era sa kacivi mera veiqaravi e Aferika. Na veivale vou oqo ena vakarawarawataka vei ira na daukaulotu mera vuli ena nodra vosa ni vanua—Vakavalagi se Vakavaranise—ka vulica na vosa kei na itovo ni iwasewase o ya era sa lesi mera cakacaka kina.

Na vakalevutaki ni KNK mai Filipaini sa vakaruataka na iwiliwili ni daukaulotu ki na 280. E oka kina e rua na vale vou ena itikotiko ni vuli ni lima na valelevu, e toka e yasani valenivolavola ni iWasewase na Filipaini ka veibasai mai na Valetabu e Manila Philippines. Vakatekivu mai na kena dola na KNK e Filipaini ena 1983, sa qaravi ira rawa na daukaulotu vulagi mai, se vakarau yacova, na 60 na matanitu.

Na kena vakalevutaki na KNK e Provo e oka kina e rua na valetaba ono ena 200 na rumu vou ni vuli, sivia na 100 na rumu ni vakatovotovo veivakavulici, kei na 13 na rumu ni kompiuta era vuli taumada kina na daukaulotu ni bera ni ra vakau yani ki na vanua era sa lesi kina e vuravura taucoko. E rawa ki na KNK e Provo me vakavulica e 3,700 na cauravou, kei na goneyalewa, kei ira na daukaulotu qase ena dua vata ga na gauna.

E 15 taucoko na koronivuli ni kaulotu ena Lotu ena veivanua e vuravura taucoko.